<p><span style="color: #000000;"><strong>ភ្នំពេញ៖</strong> អតីតតារាចម្រៀង ផលិតកម្ម Diamond Music និងបច្ចុប្បន្ន ជាតារាចម្រៀង របស់ផលិតកម្មល្បី ឈ្មោះ សាន់ដេ លោក អ៊ីណូ (Eno) បន្ទាប់ពីស្តាបានប្រជាប្រិយភាព និងការគាំទ្រពីស្រទាប់យុវវ័យ ឡើងវិញហើយនោះ ក៏ធ្លាយដំណឹង សាងស្នេហ៍រវាងតារាប្រុសរូបនេះ ជាមួយតារាមួយតារាចម្រៀងវ័យក្មេង ជាអ្នករួមដំបូលផលិកម្មជាមួយគ្នា ប៉ុន្តែដំណឹងស្នេហ៍ នេះត្រូវបានរសាត់បាត់ឆ្ងាយទៅវិញ ក្រោយពីភាគីទាំងពីរឆ្លើយបដិសេធ។</span></p>
<p><span style="color: #000000;">យ៉ាងណាក៏ដោយ ស្របពេលដំណឹងនេះ ទើបតែស្ងប់ស្ងាត់មិនទាន់ បានយូប៉ុន្មានផង ថ្មីៗ នេះ ក៏ស្រាប់តែលេចឮព័ត៌មាន ចេញមកទៀតថា តារាចម្រៀងប្រុសចូលចិត្តសក់វែង លោក អ៊ីណូ បានភ្ជាប់ទំនាក់ទំនងស្នហាថ្មី ជាមួយតារាសម្តែងដូចគ្នា គឺកញ្ញា ឡុង ថាវរី យ៉ាងមានក្តីសុខបំផុត។ ទន្ទឹមគ្នានេះដែរ ក៏មានរឿងចំឡែកជាង នេះមួយទៀត ដោយមានការ បង្ហើបថា តារាចម្រៀសរូបនេះ គឺជាព្រាននារីចូលចិត្តញ៉ែស្រីៗ មិនរើសមុខ មិនសំខាន់តែអ្នកសិល្បៈដូចគ្នាទេ សូម្បីនៅខាងក្រៅ ក៏លោក អ៊ីណូ ចូលចិត្តទាក់ទងញ៉ែគេដែរ។</span></p>
<p><span style="color: #000000;">បើយោងតាម ប្រភពពីមជ្ឈដ្ឋាន អ្នកគាំទ្រខាងក្រៅ បាននិយាយថា បើទោះបីជាមួយរយៈនេះ លោក អ៊ីណូ ហាក់កំពុងតែស្ងប់ស្ងាត់ប្រជាប្រិយភាព ពីសិល្បៈបន្តិច ក៏ពិតមែន តែចំ ណែករឿងស្នេហាឯណោះវិញ ដូចជាមានសន្ទុះហក់ឡើងខ្លាំង ព្រោះគេដឹងថា តារាប្រុសដែលមាន មន្តស្នេហ៍ជាងគេ គឺមាន តែលោក អ៊ីណូ ។ ម្យ៉ាងទៀត លោកក៏ជាតារា ដែលពូកែប្រើសំណាញ់ មន្តស្នេហ៍ ទាក់ទាញអារម្មណ៍ មិនថាតារាស្រី ក្នុងសិល្បៈដូចគ្នា ឬមួយមនុស្សស្រីនៅខាងក្រៅនោះឡើយ គឺ អ៊ីណូ ញ៉ែមិនរើសមុខ។</span></p>
<p><span style="color: #000000;">ប្រភពបាននិយាយ ទៀតថា ជារឿយៗលោក អ៊ីណូ តែបង្ហាញពីភាពស្និទ្ធស្នាល ជាមួយមនុស្សស្រីប្លែកមុខ ។មិនតែប៉ុណ្ណោះ គេក៏ធ្លាប់ឃើញតារាប្រុសលោក អ៊ីណូ បណ្តើរស្រីក្មេង ចូលផ្សាទំណើបទិញអីវ៉ាន និង ចូលហាងញ៉ាំអាហារជាមួយគ្នា ផងដែរ។</span></p>
<p><span style="color: #000000;">ជុំវិញការលើកឡើងខាងលើនេះ គេហទំព័រ LookingTODAY បានស្វែងរកសុំការបកស្រាយ ពីសំណាក់តារាចម្រៀងប្រុស លោក អ៊ីណូ ដែរ កាលពីរសៀលថ្ងៃទី១ ខែតុលា ឆ្នាំ២០១៤ នេះ តែមិនអាចទំនាក់ទំនង លោកតាមទូរស័ព្ទបាននៅឡើយ។ ដូច្នេះ LookingTODAY ស្វាគមន៍ ចំពោះការចេញមុខបំភ្លឺ ពីលោក អ៊ីណូ នៅពេលក្រោយ៕</span></p>
<p style="text-align: center;"><a class="thickbox" title="" href="/FileManager/Commons/2014/10/4/msp-0164-04-10-2014--11-08-59.jpg"><img src="/FileManager/Articles/mce/2014/10/4/msp-0164-04-10-2014--11-08-59.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/10/4/msp-0168-04-10-2014--11-09-09.jpg"><img src="/FileManager/Articles/mce/2014/10/4/msp-0168-04-10-2014--11-09-09.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>