<p><span style="color: #000000;">ព័ត៌មានអន្តរជាតិ ៖ អាជ្ញាធរ បានធ្វើសេចក្តីប្រកាសអាសន្ន ទៅបណ្តារដ្ឋចំនួន ៥ ប្រទេសម៉ិចសិក បន្ទាប់ ពីមានសេចក្តីរាយការណ៍ អោយដឹងថា ក្រុមចោរ បានលួចយក ធនធានកម្រវិទ្យុសកម្មពុលយ៉ាងសាហាវ បានសម្រេច ។ </span></p>
<p><span style="color: #000000;">ក្រសួងមហាផ្ទៃ ប្រទេស ម៉ិចសិក បានចេញសេចក្តីប្រកាសអាសន្ន ទៅ លើរដ្ឋចំនួន ៥ រួមមានដូចជា រដ្ឋ Tabasco, Campeche, Chiapas, Oaxaca និងរដ្ឋ Veracruz អោយដឹងថា ៖ ធនធានកម្រវិទ្យុសកម្ម ដែល បានផ្ទុកវត្ថុធាតុដើម iridium-192 ជាសមាសធាតុ វិទ្យុ សកម្មដែល ត្រូវ បានគេបង្កើតឡើងនោះ វាពិតជា មានសមត្ថភាពខ្ពស់ក្នុងការឆាប់ឆេះ ហានិភ័យ ដល់ សុខាមាលភាព ក៏ដូចជា បណ្តាលអោយស្លាប់ថែម ទៀតផងនោះ ត្រូវបានគេលួច កាលពីថ្ងៃច័ន្ទ ដើម សប្តាហ៍កន្លងទៅនេះ ពីរថយន្តដឹកទំនិញមួយគ្រឿង នៅភាគខាងត្បូង រដ្ឋ Tabasco ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/17/41-17-04-2015--10-57-55.jpg"><img src="/FileManager/Articles/mce/2015/4/17/41-17-04-2015--10-57-55.jpg" alt="" /></a><br /></span></p>
<p><span style="color: #000000;">សេចក្តីថ្លែងការណ៍ ប្រកាសអាសន្នខាងលើ បញ្ជាក់ ក្តែងៗ ច្បាស់ៗអោយដឹងថា ៖ ធនធានកម្រខាងលើ ពិតជាមានគ្រោះថ្នាក់ជាខ្លាំង ដល់មនុស្ស បើសិនណា សារធាតុទាំងនោះ ត្រូវបាននាំចេញទៅក្រៅ បរិយា កាសពិតប្រាកដមែននោះ ។ គួរបញ្ជាក់ថា ក្រុមចោរខាងលើ បានលួចសារជាតិកម្រ វិទ្យុសកម្ម កាលពីថ្ងៃ ច័ន្ទដើមបសប្តាហ៍នេះ ពីក្រុមហ៊ុន Garantia Radiografica e Ingenieria ។ </span></p>
<p><span style="color: #000000;">ប្រភពពីក្រសួងមហាផ្ទៃដដែល បន្តអោយដឹងថា ៖ វាអាចនឹងអោយលោកអ្នក ទទួលរងហានិភ័យ នូវការ រងរបួសជាអចិន្ត្រៃយ៍ បើសិនណាលោកអ្នកបានប៉ះពាល់វា ដោយផ្ទាល់ ក្នុងរយៈ ពេលណាមួយ បើគិតជា នាទី ប៉ុន្តែ កាលបើមានវត្តមានប្រាស្រ័យទាក់ទងដោយផ្ទាល់ជាមួយនឹងវា លើសពី ១ ម៉ោង ទៅមួយថ្ងៃ ច្បាស់ណាស់ វាពិតជាធ្វើអោយលោកអ្នក ស្លាប់បានយ៉ាងងាយ ។ </span></p>
<p><a class="thickbox" title="" href="/FileManager/Commons/2015/4/17/40-17-04-2015--10-58-05.jpg"><img src="/FileManager/Articles/mce/2015/4/17/40-17-04-2015--10-58-05.jpg" alt="" /></a><br /><span style="color: #000000;">លោក Luis Felipe Puente ប្រធានភ្នាក់ងារ ការពារជនស៊ីវិល ម៉ិចសិក ធ្វើសម្មតិកម្ម អោយដឹងថា បុគ្គល ណាមួយ ដែលបានរកឃើញ សារជាតិ ពុលសាហាវ នៃជាតិវិទ្យុសកម្មខាងលើ គួួរណា រក្សាចម្ងាយអោយ បាន ៣០ ម៉ែត្រ ពីវា រួចធ្វើសេចក្តីរាយការណ៍ជាបន្ទាន់ ដល់មន្រ្តីមានសមត្ថកិច្ច មុន ពេល លោកអ្នកអាច ស្លាប់បានយ៉ាងងាយ ក្រោយពីបានប៉ះពាល់វាដោយផ្ទាល់ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេញូវ </span></p>