<div class="article-content">
<p><strong>ព្រះសីហនុៈ</strong> មុខសញ្ញា ចោរឆក់យ៉ាងសកម្មម្នាក់ ដែលធ្វើសកម្មភាព អុកឡុកក្រុងទេសចរណ៍<br />កន្លងមក ត្រូវ បាន សមត្ថកិច្ចនគរបាល ការិយាល័យកណ្តាល សន្តិសុខ នៃស្នងការដ្ឋាននគរ<br />បាល ខេត្តព្រះសីហនុ ធ្វើការ ឃាត់ ខ្លួនខណៈជនសង្ស័យរូបនេះ បានជួបហេតុការណ៍ គ្រោះ<br />ថ្នាក់ចរាចរ ជិះម៉ូតូឆ្លងថ្នល់ ត្រូវម៉ូតូគេបុក កាលពីវេលាម៉ោង ១៩ និង៤០នាទី យប់ថ្ងៃទី ១៩ <br />ខែកញ្ញា ឆ្នាំ២០១៣ នៅចំនុចក្បែររង្វង់មូលតោពីរ ឆ្នេរអូរ ឈើទាល ស្ថិតក្នុងភូមិ៤ សង្កាត់លេខ<br /> ៤ ក្រុងខេត្តព្រះសីហនុ។</p>
<p>លោកវរសេនីយ៍ឯក អ៊ុំ សំអុល ស្នងការរង និងជាប្រធាន ការិយាល័យកណ្តាលសន្តិសុខនៃ ស្នង<br />ការដ្ឋាន នគរបាលខេត្តព្រះសីហនុ បានមានប្រសាសន៍ឲ្យដឹងថា យុវជនសង្ស័យដែលកម្លាំង<br />របស់លោក ធ្វើការឃាត់ ខ្លួននាពេលនេះ គឺជាមុខសញ្ញាឆក់ដ៏សកម្មបំផុត ប្រចាំខេត្តព្រះសីហនុ<br /> ដែលកម្លាំងរបស់លោក ធ្វើការតាមដាន ទាំងយប់ទាំងថ្ងៃ និងស្វែងរកចាប់ខ្លួន ជាយូរមកហើយ<br /> តែពុំដែលបានជួបប្រទះសោះ ទើបតែនៅយប់ថ្ងៃទី១៩ ខែកញ្ញា ខណៈកម្លាំងរបស់លោក ចេញ<br />ល្បាតការពារសន្តិសុខ ហើយបានចូលទៅជួយសម្រួលចរាចណ៍ កកស្ទះ ក្នុងហេតុការណ៍គ្រោះ<br />ថ្នាក់ចរាចរ ក៏បានប្រទះឃើញ មុខសញ្ញាឆក់ បានលេចមុខនៅកន្លែងគ្រោះថ្នាក់ ចរាចរមួយនៅ<br />ម្តុំតោពីរ ទើបឃាត់ខ្លួនបញ្ជូនមកកាន់ ស្នងការដ្ឋានទាំងយប់តែម្តង។</p>
<p>លោកបន្តថា យុវជនដែលជាជនសង្ស័យ មានឈ្មោះ ចាន់ លឹម ភេទប្រុស អាយុ ១៨ឆ្នាំ មានទី<br />លំនៅក្រុមទី១៩ ភូមិ៥ សង្កាត់លេខ៤ ក្រុងខេត្តព្រះសីហនុ មុខរបរមិនពិតប្រាកដ តែងតែធ្វើ<br />សកម្មភាពឆក់យ៉ាងសកម្ម ទៅលើ ជនរងគ្រោះ មិនថាភ្ញៀវទេសចរជាតិ និងអន្តរជាតិទេ ឲ្យតែ<br />មានឱកាស គឺឆក់សម្ភារភ្ញៀវទាំងអស់ នៅពេលដែល ភ្ញៀវទាំងនោះ ធ្វើដំណើរមកកម្សាន្ត នៅ<br />ក្រុងទេសចរណ៍មួយនេះ ។ នៅពេលសមត្ថកិច្ច ស្វែងរកចាប់ខ្លួន ជន សង្ស័យរូបនេះ តែងតែគេច<br />ខ្លួនបានរហូត គឺសមត្ថកិច្ចមានការពិបាក ក្នុងការតាមចាប់ខ្លួនខ្លាំងណាស់។</p>
<p>បច្ចុប្បន្នជនសង្ស័យ ត្រូវបានសមត្ថកិច្ចកសាងសំណុំរឿង ដើម្បីបញ្ជូនខ្លួន ទៅកាន់សាលាដំបូង <br />ខេត្តព្រះសីហនុ ចាត់ការតាមនីតិវិធីច្បាប់ ចំណែកឯម៉ូតូជនសង្ស័យ ត្រូវបានសមត្ថកិច្ចចរាចរណ៍<br /> យកទៅរក្សាទុក នៅ ការិយាល័យចរាចរណ៍ខេត្ត រួមជាមួយម៉ូតូ ដែលបានបុកគ្នានោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0165.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0168.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0169.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>