<p><span style="color: #000000;"><strong>កំពត៖</strong> រថយន្តបុកប៉ះគ្នាចំនួន ០៤គ្រឿង រញ៉េរញ៉ៃពេញផ្លូវជាតិ នៅវេលាម៉ោង៨និង ១០នាទីព្រឹក ថ្ងៃទី១២ ខែមីនា ឆ្នាំ២០១៥ ចំណុចខាងជើងផ្លូវរថភ្លើង ប្រមាណ២០ម៉ែត្រ លើកំណាត់ផ្លូវជាតិលេខ៣ កំពត-ភ្នំពេញ ស្ថិតក្នុងភូមិព្រៃត្នោត ឃុំកំពង់ក្រែង ស្រុកទឹក</span><br /><span style="color: #000000;">ឈូ ខេត្តកំពត។</span></p>
<p><span style="color: #000000;">តាមសាក្សី បានប្រាប់មជ្ឈមណ្ឌលព័ត៌មាន ដើមអម្ពិល ឲ្យដឹងថា មុនកើតហេតុ គេឃើញរថយន្តដឹកទឹក ពាក់ស្លាកលេខ កំពត 3A -0374 បើកក្នុងល្បឿនលឿន ពីជើងទៅត្បូង លុះជិតដល់ចំណុចកើតហេតុ ក៏បានបើកវ៉ារថយន្តតួរីសដឹកឥវ៉ាន់ ម៉ាកស៊ាំយុង ពាក់ស្លាកលេខ ព្រះសីហនុ 2A -2739 ដែលរត់ពីមុខស្របទិសគ្នា លុះដល់ចំណុចកើតហេតុ ក៏វ៉ាក់អើនឹងរថយន្តកូរ៉េមួយតោណ ពាក់ស្លាកលេខ ភ្នំពេញ 2J -9102 ដឹកគ្រឿងសំណង់ មួយគ្រឿងផ្សេងទៀត កំពុងតែចតបញ្ជ្រាសទិស ដើម្បីឈប់ឲ្យជាងបូមកង់ ហើយរុញរថយន្ត កូរ៉េដឹកគ្រឿងសំណង់នេះ ខ្ទាតទៅបុកនឹងគូថរថយន្តបែនដឹកដី ដែលកំពុងតែឈប់ចត បញ្ជ្រាស់ទិសដែរ នោះ ទន្ទឹមគ្នាក៏បុកប៉ះគូថរថយន្តតួរីស បម្រុងនឹងប្រជែងនោះទៀត បណ្តាលឲ្យរថយន្តខ្លះខូចធ្ងន់ និងស្រាល ប៉ុន្តែសំណាងល្អ មិនបណ្តាលឲ្យមនុស្សណាម្នាក់ ទទួលរងរបួសឡើយ។ ប្រភពឲ្យដឹងទៀតថា នៅក្រោយកើតហេតុភ្លាម គេឃើញម្ចាស់ រថយន្តទាំងអស់មកដល់កន្លែងកើតហេតុ រួចហើយក៏ធ្វើការចរចាគ្នា សម្រេចបញ្ចប់រឿង ដោយខ្លួនឯង ដោយមិនរំខាន ដល់កម្លាំងសមត្ថកិច្ចណាឡើយ។</span></p>
<p><span style="color: #000000;">ក្នុងហេតុការណ៍នេះ បើតាមប្រភពពីមជ្ឈដ្ឋានថា មានតែរថយន្តតួរីសដឹកឥវ៉ាន់ ពាក់ស្លាកលេខ ព្រះសីហនុ 2A -2739 តែមួយគត់ ជាអ្នកត្រូវច្បាប់ចរាចរណ៍ ក្រៅពីនេះសុទ្ធតែរំលោភលើច្បាប់ចរាចរទាំងអស់ ហើយគេតែងតែឃើញរថយន្តបែនដឹកដីធំៗ មួយថ្ងៃៗ ឈប់ចតខ្លះស្របទិស ឯខ្លះទៀតចតបញ្ជ្រាស់ទិស ទាំងសងខាងថ្នល់ គ្មានសណ្តាប់ធ្នាប់ឡើយ ទោះបីត្រង់ចំណុចមួយនេះ បានដាក់រនាំងដែកពុះចែកទ្រូងផ្លូវ រួចទៅហើយក្តី៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/12/3-12-2015-2-58-00-pm-12-03-2015--15-04-48.png"><img src="/FileManager/Articles/mce/2015/3/12/3-12-2015-2-58-00-pm-12-03-2015--15-04-48.png" alt="" /></a></span></p>
<p><a class="thickbox" title="" href="/FileManager/Commons/2015/3/12/3-12-2015-2-58-15-pm-12-03-2015--15-05-00.png"><img src="/FileManager/Articles/mce/2015/3/12/3-12-2015-2-58-15-pm-12-03-2015--15-05-00.png" alt="" /></a></p>
<p><a class="thickbox" title="" href="/FileManager/Commons/2015/3/12/3-12-2015-2-58-30-pm-12-03-2015--15-05-14.png"><img src="/FileManager/Articles/mce/2015/3/12/3-12-2015-2-58-30-pm-12-03-2015--15-05-14.png" alt="" /></a></p>
<p><a class="thickbox" title="" href="/FileManager/Commons/2015/3/12/3-12-2015-2-58-46-pm-12-03-2015--15-05-36.png"><img src="/FileManager/Articles/mce/2015/3/12/3-12-2015-2-58-46-pm-12-03-2015--15-05-36.png" alt="" /></a></p>
<p><a class="thickbox" title="" href="/FileManager/Commons/2015/3/12/3-12-2015-2-59-00-pm-12-03-2015--15-05-51.png"><img src="/FileManager/Articles/mce/2015/3/12/3-12-2015-2-59-00-pm-12-03-2015--15-05-51.png" alt="" /></a></p>
<p><a class="thickbox" title="" href="/FileManager/Commons/2015/3/12/3-12-2015-2-59-12-pm-12-03-2015--15-06-13.png"><img src="/FileManager/Articles/mce/2015/3/12/3-12-2015-2-59-12-pm-12-03-2015--15-06-13.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>