<p class="RelatedLeadSubject">Pauline Chan ( 陳寶蓮 ) ដែលបានលោតពីលើអាគារសម្លាប់ខ្លួន បន្សល់ទុកកូនប្រុសម្នាក់<br />អាយុ ១៥សប្ដាហ៍។ បច្ចុប្បន្ន ឪពុករបស់ក្មេងប្រុសនេះ នៅមិនទាន់ត្រូវបានគេដឹងនៅឡើយ។</p>
<p class="Normal">កាលពីឆ្នាំ ២០០២ តារាសំដែងក្នុងខ្សែភាពយន្ដសិចរបស់ហុងកុង នាង Pauline Chan បាន<br />លោតពីលើអាគារសម្លាប់ខ្លួន បន្សល់ទុកកូនប្រុសម្នាក់អាយុ ១៥សប្ដាហ៍។ ប៉ុន្មានឆ្នាំមកនេះ<br /> ព័ត៌មានអំពីឪពុករបស់ក្មេងប្រុសនេះ មិនដែលត្រូវបានបង្ហើបអោយដឹងនោះទេ។ បច្ចុប្បន្ន <br />កូនប្រុសរបស់ Pauline Chan មានអាយុ ១០ឆ្នាំ និងកំពុងត្រូវរស់នៅជាមួយ អ្នកគ្រប់គ្រង<br />របស់តារាចម្រៀងស្រី<span class="Normal"> Wong Fei( <span class="st">Faye Wong</span>)</span> ។</p>
<p class="Normal"><a class="thickbox" title="" href="/FileManager/Commons/2012/10/12/paulinech8-12-10-2012--16-53-29.jpg"><img src="/FileManager/Articles/mce/2012/10/12/paulinech8-12-10-2012--16-53-29.jpg" alt="" width="444" height="383" /></a><br /><br />Pauline Chan ធ្លាប់ត្រូវបានគេគាំទ្រយ៉ាងច្រើន ជាមួយនឹងខ្សែភាពយន្ដសិចរបស់នាង នៅ<br />ក្នុងទសវត្សទី ៩០។ ឆ្នាំ ១៩៩០ នៅពេលដែលមានអាយុ ១៧ឆ្នាំ Pauline Chan បានចូលរួម<br />ការប្រកួត Miss Asia Pageant របស់ស្ថានិយទូរទស្សន៍ ATV។ បើទោះជាមិនដណ្ដើមបានម្កុដ<br />បវរកញ្ញា ប៉ុន្ដែ Pauline Chan ក៏ទទួលបានការគាំទ្រពីសំណាក់ទស្សនិកជនហុងកុង ដោយ<br />សារតែរូបរាងស្រស់ស្អាតរបស់នាង។<br /><br />ក្រោយមក Pauline Chan បានសម្រេចចិត្តចូលប្រលូកក្នុងវិស័យភាពយន្ដសិច ហើយនាងក៏<br />បានក្លាយជាតារា។ នាងបានចូលរួមសំដែងក្នុងខ្សែភាពយន្ដសិចចំនួនជាង ២៥រឿង ដែលធ្វើ<br />អោយបុរសៗមានការចាប់អារម្មណ៍ ក្នុងនោះមានតាតាសម្បូរបា្រក់ផងដែរ។ ដៃគូស្នេហារបស់<br />នាងក៏បានហឺរហារ ដោយសារការរីកចម្រើននេះ។</p>
<p class="Normal">ឆ្នាំ ១៩៩២ Pauline Chan បានជួបអ្នកជំនួញម្នាក់ឈ្មោះ Huang Jen-chung ។ កាលណោះ<br />បុរសរូបនេះមានអាយុ ៥០ឆ្នាំ និងមានគ្រួសារប្រកបដោយសុភមង្គល និងមានទ្រព្យសម្បត្តិ<br />ច្រើន។ នៅចំពោះមុខសម្ពាធរបស់សាធារណជន Huang Jen-chung បានឆ្លើយតបទៅនឹង<br />ការសម្ភាសមួយ ដោយបាននិយាយថា ខ្លួនចាត់ទុក Pauline Chan ត្រឹមតែជាកូនស្រីធម៌តែ<br />ប៉ុណ្ណោះ។ ប៉ុន្ដែទំនាក់ទំនងមនោសញ្ចេតនារបស់ពួកគេត្រូវបានគេរកឃើញយ៉ាងឆាប់រហ័ស<br /> ហើយចុងក្រោយនៅក្នុងកិច្ចសម្ភាសមួយ លោក Huang Jen-chung បានសារភាពថា ៖ "ខ្លួន<br />បានគេងជាមួយ Pauline Chan ប្រហែលជាង ៥០ដង ប៉ុន្ដែពុំដែលបានរួមភេទនោះឡើយ"។<br /><br /><img src="http://brns.com/picts2i/paulinech9.jpg" alt="" width="410" height="767" /></p>
<p class="Normal">នៅក្នុងកំឡុងពេលនោះដែរ Pauline Chan កំពុងធ្លាក់ទៅក្នុងការញៀនថ្នាំ អាជីពរបស់នាង<br />ក៏ធ្លាក់ចុះបន្ដិចម្ដងៗ។ កាសែតជំនាន់នោះ ចេញផ្សាយថា ដោយសារតែព្រួយបារម្ភចំពោះ<br /> Pauline Chan លោក Huang Jen-chung បានបញ្ចូន Pauline Chan ទៅរៀននៅប្រទេសអង់<br />គ្លេស ដោយសង្ឃឹមថា នឹងជួយអោយនាងចាកផុតពីការញៀនថ្នាំ និងកែលំអអាជីពឡើងវិញ។<br /> ប៉ុន្ដែ មិនបានប៉ុន្មានខែ Pauline Chan ក៏ត្រឡប់មកផ្ទះ។ ដោយសារតែអស់សង្ឃឹមចំពោះ<br />Pauline Chan លោក Huang Jen-chung ក៏បានផ្ដាច់ទំនាក់ទំនងដោយខ្លួនឯង។</p>
<p class="Normal">ឆ្នាំ ១៩៩៩ Pauline Chan ធ្វើដំណើរទៅកាន់តៃវ៉ាន់ ដើម្បីជួប Huang Jen-chung ក្នុងបំណង<br />ដើម្បីតភ្ជាប់ទំនាក់ទំនង ប៉ុន្ដែត្រូវបានបដិសេធ។ បីឆ្នាំក្រោយមក នាងក៏សម្រេចចិត្តសម្លាប់<br />ខ្លួន ខណៈដែលទើបឆ្លងទន្លេបាន ១៥សប្ដាហ៍ ហើយកាលណោះ នាងក៏ទើបតែមានអាយុ <br />២៩ឆ្នាំ។</p>
<p class="Normal">នៅក្នុងបណ្ដាំមរណៈ តារាស្រីរូបនេះសរសេរថា នាងមានអារម្មណ៍មិនប្រក្រតីបន្ទាប់ពីបាន<br />ឆ្លងទន្លេ ដូច្នេះក៏បានធ្វើអត្តឃាត។ ក្នុងសំបុត្រនោះក៏បានរំលឹកពីឈ្មោះ Huang Jen-chung<br />ហើយបានជូនពរអោយមានសុភមង្គល។ ក្រៅពីនេះ នាងក៏បានផ្ដាំអោយបងប្អូនរបស់នាង<br />ជួយស្វែងរកឪពុករបស់កូនប្រុសនាង។ ប៉ុន្ដែ នាងមិនបានបញ្ជាក់ថា នរណាជាឪពុករបស់<br />កូនប្រុសនាងនោះទេ។</p>
<p class="Normal">ការស្លាប់របស់ Pauline Chan បានធ្វើអោយ Huang Jen-chung ពិបាកចិត្តយ៉ាងខ្លាំង។ នៅ<br />ក្នុងកិច្ចសម្ភាសមួយបន្ទាប់នោះ លោក Huang Jen-chung បានបង្ហើបអោយដឹងថា គាត់<br />បានគេងលក់ស្កប់ លុះត្រាតែបានមើលរូបថតរបស់ Pauline Chan ដែលនៅក្បែរខ្លួន។ ឆ្នាំ<br />២០០៤ លោក Huang Jen-chung ក៏បានស្លាប់ដោយសារជម្ងឺទឹកនោមផ្អែម។</p>
<p class="Normal">ដោយសារជាតារាភាពយន្ដសិច កាលពីនៅមានជីវិត Pauline Chan មានទំនាក់ទំនងស្នេហា<br />ជាមួយបុរសជាច្រើន ដូច្នេះ ការស្វែងរកឪពុករបស់កូនប្រុសនាង មិនមែនជារឿងងាយស្រួល<br />នោះឡើយ។ ប៉ុន្ដែមនុស្សមួយចំនួនជឿជាក់ថា Huang Jen-chung គឺពិតជាឪពុករបស់ក្មេង<br />កំព្រានេះ៕</p>
<p class="Normal" style="text-align: right;"><br />ដោយ ៖ សូរីយ៉ា<br />ប្រភព ៖ DT</p>