<p><span style="color: #000000;">ព័ត៌មានកីឡា៖ លោក Sepp Blatter ដែលជាប្រធាន FIFA ទើបតែជាប់ឆ្នោតថ្មីៗកាលពីសប្ដាហ៍មុន បានប្រកាសជាសារធារណៈថា រូបលោកនឹងចុះចេញពីតំណែង នាពេលឆាប់ៗនេះហើយ ក្រោយពីមានការបែកធ្លាយរឿងពុករលួយផ្ទៃក្នុង ក្នុងចង្កោមគ្រប់គ្រងរបស់គាត់។ </span></p>
<p><span style="color: #000000;">លោក Sepp Blatter បានជាប់ឆ្នោតជាប្រធាន FIFA ក្នុងអាណត្ថិទី ៥ របស់លោក ក្រោមការគាំទ្រយ៉ាងខ្លាំងក្លាពីសំណាក់អ្នកគាំទ្ររហូតដល់ទៅ ១៣៣ សំឡេង ខណៈដែលគូរប្រជែងរបស់លោក គី Ali bin al-Hussein បានត្រឹមតែ ៧៣សំឡេងប៉ុណ្ណោះ។ ទិដ្ឋភាពនៃការអបអរសាទររបស់ ប្រិយមិត្ដធ្វើឲ្យមានការភ្ញាក់ផ្អើលជាខ្លាំង បន្ទាប់ពី ពីរថ្ងៃនៃការចាប់ខ្លួនមន្រ្ដីទាំង ៧ រូប។ </span></p>
<p><span style="color: #000000;">លោក Sepp Blatter បានថ្លែងក្នុងសន្និសិតការសែតកាលពីម្សិលមិញថា សេចក្ដីសម្រេចនៃការចុះចេញពីតំណែងដ៏តក់ក្រហល់នេះ គាត់ដឹងថា ប្រិយមិត្ដជាច្រើននឹងមិនពេញចិត្ដនោះទេ ប៉ុន្ដែទោះជាយ៉ាងណាក៏ដោយ FIFA ត្រូវតែពង្រឹងរចនាសម្ពន្ធរបស់ខ្លួនឡើងវិញ។ </span></p>
<p><span style="color: #000000;">ប្រភពព័ត៌មានបានបន្ដទៀតថា បន្ទាប់ពី លោក Sepp Blatter គ្រោងនឹងចុះចេញពីដំណែហើយ គឺមានបេក្ខជន ពីររូបថែមទៀត ដែលនឹងឈរឈ្មោះជាថ្មីគឺ លោក David Ginola នឹង Ali bin al-Hussein ។ </span></p>
<p><span style="color: #000000;">ទន្ទឹមគ្នានោះផងដែរ លោក Michel Platini ជាប្រធាន Uefa ហើយតែងតែបញ្ចុះបញ្ចូល លោក Sepp Blatter ឲ្យចុះចេញពីតំណែងមុនពេលដែលជាប់បោះឆ្នោត បានកោតសរសើរនឹងសេចក្ដីសម្រេចចិត្ដនេះណាស់ ថែមទាំងពោលថា នេះគឺជាការសម្រេចចិត្ដដ៏លំបាកមួយ ដែលមិនអាចកាត់ថ្លៃបាន ។</span></p>
<p><span style="color: #000000;">គូសបញ្ជាក់ផងដែរថា លោក Sepp Blatter មិនមានជាប់ពាក់ព័ន្ធអ្វីនឹងអំពើពុករលួយនេះឡើយ ហើយសេចក្ដីសម្រេចនៃការចុះចេញនេះ គឺកើតចេញពីឆន្ទៈរបស់គាត់ពិត ក្រោយពីអន់ចិត្ដនឹងការគ្រប់គ្រងនេះ។ </span></p>
<p><a class="thickbox" title="" href="/FileManager/Commons/2015/6/3/6-3-2015-10-48-52-am-03-06-2015--10-54-55.png"><img src="/FileManager/Articles/mce/2015/6/3/6-3-2015-10-48-52-am-03-06-2015--10-54-55.png" alt="" /></a></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ asianage</p>