<p><span style="color: #000000;"><strong>ព័ត៌មានអន្តរជាតិ ៖</strong> ក្រុមហ៊ុន អាសចារណ៍ថៃ បានប្រកាស ដាក់បំរាម មិន ឲ្យអ្នកដំណើរ នាំយក ឧបករណ៍សាកថ្មី ទូរស័ព្ទ ឬ Power Bank ឡើងលើយន្តហោះ ដើម្បីការពារខ្លាចផ្ទុះ។</span></p>
<p><span style="color: #000000;">យោងតាមគេហទំព័រ Thai News នៅថ្ងៃ ចន្ទ ទី ១៥ ខែ កញ្ញា ឆ្នាំ ២០១៤ នេះបានចុះផ្សាយឲ្យ ដឹង ថា លោកស្រី រ៉ាក់វីវ៉ាន់ នេត្រខាវេសនា ប្រធានអាកាសយាន ដ្ឋាន អន្តរជាតិ សុវណ្ណភូមិ បានថ្លែងថា ខាង ព្រលានយន្តហោះ បានចេញបទបញ្ជាផ្ទៃក្នុង ហាមមិនឲ្យអ្នកដំណើរ នាំយកឧបករណ៍សាកថ្ម ទូរស័ព្ទ ឬ Power Bank ដាក់ជាប់ នឹងខ្លួន ខណៈដែលឡើង យន្តហោះ ដើម្បីផ្តល់សុវត្ថិភាពខ្ពស់ បំផុត សម្រាប់អ្នក ដំណើរ តាមច្បាប់ ស្តង់ដា សុវត្ថិភាព របស់សមាគមដឹកជញ្ជូន ផ្លូវអាកាស អន្តរ ជាតិ ហៅកាត់ថា IATA។</span></p>
<p><span style="color: #000000;"><a class="thickbox" title="" href="/FileManager/Commons/2014/9/15/bw9tuylccae3iu3jpg-medium-15-09-2014--14-05-09.jpg"><img src="/FileManager/Articles/mce/2014/9/15/bw9tuylccae3iu3jpg-medium-15-09-2014--14-05-09.jpg" alt="" /></a><br /></span></p>
<p><span style="color: #000000;">ចំណែកលោក ស្មាត់ ភូអន ប្រធានផ្នែកគ្រប់គ្រងគ្រាអាសន្ន របស់ក្រុមហ៊ុន Thai Airways បានថ្លែង ថា ក្រុមហ៊ុន បានប្រកាសមហាមិនឲ្យអ្នកដំណើរ នាំយក Power Bank ឡើងលើយន្តហោះ ដើម្បី ផ្តល់ សុវត្ថិភាពខ្ពស់បំផុតដល់អតិថិជន ព្រោះកន្លងមក ជើងហោះហើរអន្តរជាតិ មួយចំនួន បានជួប ឧប្បត្តិហេតុ ផ្ទុះ Power Bank នៅលើយន្តហោះ ដែលជាកត្តាបង្កភាពភ័យខ្លាចដល់អ្នកដំណើរ។</span></p>
<p><span style="color: #000000;"><a class="thickbox" title="" href="/FileManager/Commons/2014/9/15/679886-15-09-2014--14-05-18.jpg"><img src="/FileManager/Articles/mce/2014/9/15/679886-15-09-2014--14-05-18.jpg" alt="" /></a><br /></span></p>
<p><span style="color: #000000;">លោក ស្មាត់ បានបន្តទៀតថា Power Bank ជាឧបករណ៍គ្រោះថ្នាក់ ខណៈ ដែលវាឡើងកំដៅខ្ពស់ អាចបង្កើតជាអណ្តាតភ្លើង និង ផ្ទុះតែម្តង។ទន្ទឹមគ្នានេះដែរ ច្បាប់ របស់ IATA បានកំណត់ថា ឧប ករណ៍ ដែលមានផ្ទុះថាមពលអគ្គីសនី តិចជាង ២០.០០០ mAh ឬ តិចជាង ១០០ Wh អាចនាំយក ឡើង លើ យន្តហោះបាន ដោយ មិន កំណត់ ចំនួន ប៉ុន្តែសម្រាប់ Power Bank វិញគឺផ្ទុះ ថាមពល អគ្គីសនី លើស ការកំណត់របស់ IATA ដែលនេះ ជាហេតុធ្វើឲ្យ ក្រុមហ៊ុន Thai Airways ត្រូវតែមាន ការប្រុងប្រយ័ត្នខ្ពស់ ៕</span></p>
<p style="text-align: right;"><span style="color: #000000;">ប្រភព ៖ ដើមអម្ពិល បាងកកប៉ុស្តិ៍ ហ្គូហ្គល</span></p>
<p> </p>