<p><strong>ភ្នំពេញ៖</strong> តារាចម្រៀង ប្រុសសំឡេងស្អក ល្បីឈ្មោះតាមរយៈបទ បេះដូងអើយ ធ្លាប់តែស្ថិតនៅក្នុងបេះ ដូងស្រទាប់ យុវវ័យលោក ខេម កាលពីអំឡុង១ឆ្នាំមុននេះ គឺមិនត្រឹមតែទទួលបាន នូវភាពជោគជ័យ ពីការចម្រៀងប៉ុណ្ណោះទេ ថែមទាំងបានបង្កើន នូវភាពល្បីបាន កាន់តែងខ្លាំង រហូតត្រូវបាន ទស្សនិក ជនដាក់ងារ ឱ្យជាតារាកំពូល សំឡេងស្អក ទឹកដមពីរោះទៀតផង។</p>
<p>ទន្ទឹមនឹងភាពជោគជ័យ ក្នុងអាជីពជាអ្នកចម្រៀង ក្នុងផលិតកម្ម ថោន នាអំឡុងឆ្នាំ២០១១ ខេម ត្រូវបាន មហាជនអ្នកគាំទ្រមជ្ឈដ្ឋានខាងក្រៅ មើលឃើញថា តារាប្រុសរូបនេះ គឺជាតារាដែលមានឱកាសច្រើន នៅលើទីផ្សារសិល្បៈ អាចទាញយកការគាំទ្របានភ្លូកទឹកភ្លូកដីពីទស្សនិកជន ។ ប៉ុន្តែមួយរយៈពេល ចុងក្រោយ ដែលដណ្តើមបានភាពល្បីហើយនោះ ខេម ហាក់ដូចជាតម្កើងឫកខ្ពស់ហួសការស្មាន ធ្វើឲ្យ មានការរិះគន់ ពីទស្សនិកជនជាអ្នកគាំទ្រ។</p>
<p>ស្របពេលគ្នានេះ ស្រាប់តែមានការលើកឡើង ពីមជ្ឈដ្ឋានខាងក្រៅ ជុំវិញការរិះគន់ដោយចំៗ ទៅលើ តារាចម្រៀង ខេម ថា ចាប់តាំងពីតារាប្រុសរូបនេះ មានឈ្មោះល្បីបន្តិចមក លោកក៏បានផ្លាស់ប្តូរ ឥរិ យាបទខុសប្លែកពីមុន ដោយចរិកអំនួត និងភាពល្បីរបស់ ខ្លួន ភ្លេចគិតដល់អារម្មណ៍ របស់អ្នកដែលនៅ ជុំវិញខ្លួន ជាពិសេសអ្នកគាំទ្រ។</p>
<p>បើតាមប្រភពខ្លះ បាននិយាយស្រដៀងគ្នានេះថា ដ្បិតតែជាងមួយឆ្នាំមុនលោក ខេម អាចទាញបាន ទីផ្សារសិល្បៈ ជាមួយនឹងប្រជាប្រិយភាព ស្ទើរទាំងស្រុង ពេញមួយឆ្នាំ ក៏ពិតមែន ប៉ុន្តែពេលនេះ ខេម ក៏ហាក់កំពុងតែ មានការធ្លាក់ចុះមកវិញ នូវប្រជាប្រិយភាព និងការគាំទ្រសម្រាប់ រយៈពេលចុងនេះ។ ខណៈទីផ្សារសិល្បៈក្នុងស្រុករបស់លោក ក៏កំពុងតែមានការស្ងប់ស្ងាត់ខ្លាំងជាងមុន។</p>
<p>គួរកត់សម្គាល់ថា ភាពស្ថិតស្ថេរ សម្រាប់ការដណ្តើមបានទីផ្សារសិល្បៈ ដើម្បីឆ្ពោះទៅរកការគាំទ្រ និង រក្សាបាននូវប្រជា ប្រិយភាពឲ្យយូរអង្វែងនោះ គឺអាស្រ័យទៅលើការចូលរួម លើកទឹកចិត្ត និងផ្តល់ ទំនុកចិត្ត ពីទស្សនិកជន តាមរយៈការបង្ហាញសមត្ថភាព និងទេពកោសល្យ នៃការច្រៀង និងសម្តែង របស់តារាគ្រប់ៗរូប។ ប៉ុន្តែផ្ទុយទៅវិញ បើសិនតារាចម្រៀង និងតារាសម្តែងប្រុស-ស្រីទាំងនោះ មិនបាន គិតឲ្យបានដិតដល់ ទៅលើការរៀបចំឫកពារ ឲ្យបានល្អ សម្រាប់ក្រសែភ្នែកមហាជន ជាអ្នកគាំទ្រ នោះ ទេ ភាពល្បី និងកេរ្តិ៍ ឈ្មោះអាចនឹងរបេះបាត់ទៅវិញមួយប្រព្រិចភ្នែក នៅពេលណាមួយ ជាមិនខាន នោះឡើយ។</p>
<p>គេហទំព័រ LookingTODAY មិនអាចទំនាក់ទំនង ដើម្បីសុំការបកស្រាយ ដោយផ្ទាល់ពី ខេម បាននៅ ឡើយទេ នារសៀលថ្ងៃទី២៦ ខែធ្នូ ឆ្នាំ២០១៣ នេះ ។ LookingTODAY ស្វាគមន៍ជានិច្ច ចំពោះការ ចេញមុខបកស្រាយ ពីតារាចម្រៀង ខេម នៅពេលក្រោយ ដោយក្ដីរីករាយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-099/v_1002.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-099/v_1003.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-099/v_1004.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/26068-2013-12-28-09-02-22.html"><span style="color: #0000ff;">ដើមអំពិល</span></a></p>