<div class="article-content">
<p><strong>ភ្នំពេញៈ</strong> យុវជនម្នាក់ត្រូវបាន មិត្តភ័ក្រ្កមួយក្រុមប្រើល្បិច ដោយទូរស័ព្ទមកចូលរួមផឹកស៊ី បន្ទាប់<br />ពីឱកាសល្អ ក៏បានដាំ ថ្នាំសណ្តំក្នុងកែវស្រា រួចយកម៉ូតូមួយ និងទូរស័ព្ទដៃពីរគ្រឿងទៅបាត់ កាល<br />ពីថ្ងៃទី០៩ ខែសីហា ឆ្នាំ២០១៣ នេះ ។</p>
<p>យោងតាមពាក្យបណ្តឹង របស់លោក សេង ថាវរៈ ដែលជាជនរងគ្រោះ បានរៀបរាប់ឲ្យដឹងថា ពីរ<br />នាក់បងប្អូន សៅ ឡាយ ភេទប្រុស អាយុ៣៦ឆ្នាំ និងឈ្មោះ សៅ ហេង អាយុ២០ ឆ្នាំ ដែលមាន<br />ផ្ទះជួលនៅភូមិបឹងឈូក សង្កាត់គីឡូ ម៉ែត្រលេខ៦ ខណ្ឌឬស្សីកែវ នៅថ្ងៃទី៩ ខែសីហា ឆ្នាំ២០១៣<br /> វេលាម៉ោង ៣ និង៣០ នាទីរំលងអាធ្រាត្រ បានទូរស័ព្ទ មកគាត់ ឲ្យទៅហូបសាច់គោអាំងនៅហាង<br /> ១០៣ នៅជិតសាលាសន្ធរម៉ុក។</p>
<p>ជនរងគ្រោះបានរៀបរាប់ ក្នុងពាក្យបណ្តឹងបន្តទៀតថា ពេលដែលឈ្មោះ សៅ ហេង ទូរស័ព្ទរួច <br />គាត់ក៏ជិះម៉ូតូទៅ រួចក៏បានឃើញបងប្រុសរបស់ សៅ ហេង គឺសៅ ឡាយ នៅទីនោះដែរ កំពុង<br />អង្គុយផឹកជុំគ្នា ពេលនោះគាត់ក៏បាន ចូលរួមផឹកស៊ីជាមួយគ្នា ពេលផឹកអស់មួយកែវ ជនរងគ្រោះ<br />ក៏ទៅបន្ទប់ទឹក ស្រាប់តែត្រឡប់មកវិញ ក៏ឃើញ សៅ ហេង យកទូយោមកឲ្យជនរងគ្រោះបឺត <br />ពេលដែលបឺតបានមួយភ្លែត ក៏លែងដឹងខ្លួន ។</p>
<p>ជនរងគ្រោះ បានរៀបរាប់បញ្ជាក់ទៀតថា លុះពេលគាត់ដឹងខ្លួនឡើងវិញ គឺត្រូវបានគេយកទៅដាក់<br /> នៅក្រោយសាលា កុលាប ក្នុងសង្កាត់ទឹកថ្លា ហើយម៉ូតូក៏បាត់ ទូរស័ព្ទ Iphone 4 និង SAMSUNG <br />ពីរគ្រឿង ក៏ត្រូវបានក្រុមមិត្តភ័ក្រខ្លួន យកទៅអស់ ។</p>
<p>ជនរងគ្រោះ សេង ថាវរៈ បានប្តឹងក្រុមជនសង្ស័យទាំងអស់នោះ ពីបទឆបោក និងលួចម៉ូតូ រួមទាំង<br />ទូរស័ព្ទដៃ ហើយ បច្ចប្បន្នក្រុមជនសង្ស័យទាំងនោះ កំពុងតែនាំគ្នារត់គេចខ្លួន ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0005.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0006.jpg" alt="" width="500" /></p>
<div class="msg Nth" style="text-align: center;"><strong>ពីរនាក់បងប្អូនដែលដាក់ថ្នាំយកម៉ូតូ និងទូរស័ព្ទពីមិត្តភ័ក្រ្ត</strong></div>
<div class="msg Nth" style="text-align: center;"><strong><br /></strong></div>
<div class="msg Nth" style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល<strong><br /></strong></div>
</div>