<div class="article-content">
<p><strong>ភ្នំពេញ ៖</strong> ជនសង្ស័យម្នាក់ ដែលស៊ីដាច់ ម៉ូតូមិត្ដភ័ក្ដិរបស់ខ្លួន យកទៅបញ្ចាំបាន លុយចំនួន<br />២០០ដុល្លារ ត្រូវបានជនរងគ្រោះ តាមរក ហើយឃាត់ខ្លួនប្រគល់ឱ្យសមត្ថកិច្ច យកទៅចាត់<br />ការតាមផ្លូវច្បាប់ ។</p>
<p>ការឃាត់ខ្លួនមិត្ដទុរយសរបស់ខ្លួន ប្រគល់ឱ្យសមត្ថកិច្ច ក្រោយពីស៊ីដាច់ម៉ូតូ យកទៅបញ្ចាំ<br />ខាងលើនេះ បានកើតឡើង កាលពីវេលាម៉ោង ៨ព្រឹក ថ្ងៃទី២៥ ខែ មិថុនា ឆ្នាំ ២០១៣ ស្ថិត<br />នៅផ្លូវសហព័ន្ធរុស្ស៊ី ក្នុងភូមិចុងថ្នល់ខាងកើត សង្កាត់ទឹក ថ្លា ខណ្ឌសែនសុខ ។</p>
<p>យោងតាមរបាយការណ៍ របស់នគរបាល មូលដ្ឋាន បានឱ្យដឹងថា ជនសង្ស័យរូបនេះ មាន<br />ឈ្មោះ ឯក ជីវ័ន្ដ អាយុ ២៣ ឆ្នាំ មុខ របរជាព្រូរថយន្ដ រស់នៅភូមិចំការឪឡឹក សង្កាត់កាកាប<br /> ខណ្ឌពោធិ៍សែនជ័យ រីឯជន រងគ្រោះ ឈ្មោះ តុប ចាន់ធឿន អាយុ ២៣ ឆ្នាំ មានស្រុកកំណើត<br /> នៅស្រុកសំរោង ខេត្ដ តាកែវ មុខរបរ ជាកសិករ ។</p>
<p>បើតាមសមត្ថកិច្ច មុនពេលកើតហេតុ កាលពីយប់ថ្ងៃទី១៤ ខែមិថុនា ឆ្នាំ២០១៣ កន្លងទៅ ជន<br />រងគ្រោះបានជិះម៉ូតូមកពី ស្រុកកំណើតរបស់ខ្លួន ក្នុងគោលបំណងមក លេងផ្ទះជនសង្ស័យ<br />ដែលជាមិត្ដភ័ក្ដិ នៅ រាជធានីភ្នំពេញ ។ បន្ទាប់មកពួកគេទាំង ២ នាក់ បាននាំគ្នាជិះម៉ូតូដើរ<br />លេង ដោយជន សង្ស័យជាអ្នកឌុប លុះពេលឌុបទៅដល់ ចំណុចកើតហេតុ ជនរងគ្រោះបាន<br />ឱ្យជន សង្ស័យឈប់ ដោយខ្លួនទៅបបួលមិត្ដភ័ក្ដិ ម្នាក់ទៀត ។</p>
<p>សមត្ថកិច្ចបានបន្ដថា ខណៈ ដែលជនរងគ្រោះ ចុះទៅហៅមិត្ដភ័ក្ដិម្នាក់ ទៀតនោះ ស្រាប់តែ<br />ជនសង្ស័យក៏ជិះម៉ូតូ គេចបាត់ លុះដល់ថ្ងៃទី១៥ ខែមិថុនា ឆ្នាំ ២០១៣ ជនរងគ្រោះបានជិះ<br />ម៉ូតូដើររកជន សង្ស័យ ហើយក៏បានឃើញ នៅម្ដុំផ្ទះ សំណាក់ស្ទឹងមានជ័យពេលនោះជន<br />សង្ស័យ ប្រាប់ថា ឱ្យខ្លួនយកលុយចំនួន ២០០ដុល្លារ ទៅលួសម៉ូតូ ដែលយកទៅបញ្ចាំនៅម្ដុំ<br /> ឃ្លាំងរំសេវ ។ ក្រោយពីដឹងថា មិត្ដភ័ក្ដិ របស់ខ្លួន យកម៉ូតូទៅបញ្ចាំហើយនោះជន រងគ្រោះ<br />នៅថ្ងៃទី១៧ ខែមិថុនា ឆ្នាំ២០១៣ បានយកលុយទៅលួសម៉ូតូមកវិញ ហើយ បន្ទាប់មក ក៏ដើរ<br />រកជនសង្ស័យបន្ដទៀត លុះនៅវេលាម៉ោង ៨ព្រឹក ថ្ងៃទី២៥ ខែ មិថុនា ក៏ប្រទះឃើញជន<br />សង្ស័យរូបនេះ ស្ថិតនៅមុខ ផ្ទះសំណាក់រុងរឿង រួចហើយក៏ ឃាត់ខ្លួន ប្រគល់ឱ្យសមត្ថកិច្ច<br />តែម្ដង ។</p>
<p>បច្ចុប្បន្ន ជនសង្ស័យរូបនេះ ត្រូវបានឃុំ ខ្លួនជាបណ្ដោះអាសន្ន នៅអធិការដ្ឋាននគរ បាល<br /> ខណ្ឌសែនសុខ ដើម្បី កសាងសំណុំរឿង បញ្ជូនទៅតុលាការ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1080.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-1081.jpg" alt="" width="500" /></p>
<p style="text-align: right;"><br />ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>