<p>ព័ត៌មានអន្តរជាតិ ៖ ស្ថិតនៅក្នុងវ័យទើបតែ ១១ ឆ្នាំ ក្មេងស្រីតូច មកពី រដ្ឋ Illinois ម្នាក់ ត្រូវបានរក អោយឃើញថា បានស្លាប់បាត់បង់ជីវិត ក្រោយពីមានការវាយប្រហារ ពីសំណាក់ បងស្រីបង្កើតវ័យ ១៤ ឆ្នាំរបស់ខ្លួន នេះបើយោងតាមការ ដកស្រង់ អត្ថបទផ្សាយ ពីគេហទំព័រ សារព័ត៌មានបរទេស CNN ។</p>
<p><a class="thickbox" title="" href="/FileManager/Commons/2014/1/24/140123025820-illinois-sister-stabbing-house-story-top-24-01-2014--09-46-14.jpg"><img src="/FileManager/Articles/mce/2014/1/24/140123025820-illinois-sister-stabbing-house-story-top-24-01-2014--09-46-14.jpg" alt="" /></a></p>
<p>គួរបញ្ជាក់ផងដែរថា ជាមួយនឹងសោកនាដកម្ម ដ៏រន្ធត់ចិត្តមួយនេះ បានញ៉ាំងអោយ ក្រុមមនុស្ស ដែលរស់នៅក្នុងក្រុង ទទួលអារម្មណ៍មួយបានថា វាពិតជាមិនគួរអោយជឿ ។ គួររំឭកផងដែរថា រឿងឃាតកម្ម បងប្អូនស្រីតូច លើកនេះ បានបែកការណ៍ ក្រោយពីមាន ករណីទូរស័ព្ទប្តឹងប៉ូលីស ដោយខ្លួនឯង ពីសំណាក់បងស្រី ជាឃាតករ កាលពីព្រឹក ថ្ងៃអង្គារ កន្លងទៅនេះ វេលាម៉ោង ៨ និង ៣០ នាទីព្រឹក។</p>
<p>បន្ថែមពីលើនេះ ប្រភពសារព័ត៌មាន គូសបញ្ជាក់បន្តអោយដឹងថា មូលហេតុ ដែលនាំអោយបងស្រី ឈានដល់ដំណាក់កាលនេះ ក៏ព្រោះតែ នាងទទួលអារម្មណ៍មួយបានថា មិនសប្បាយចិត្តទៅនឹង ទង្វើរបស់ប្អូនស្រី របស់ខ្លួនទាល់តែសោះ ពោល ប្អូនស្រីរបស់ខ្លួន មិនត្រឹមតែមិនបានដឹងគុណអ្វី នោះទេ តែបែរជាវាយ បងស្រី ជាឃាតករ ថែមទៀតផង ខណៈបងស្រី ខំប្រឹងចម្អិនម្ហូបផង រៀបចំ កិច្ចការផ្ទះផង និងមើលថៃគេផងនោះ ។ ជាលទ្ធផល ខណៈនាងមានចិត្តអំណត់ នឹងប្អូនស្រីរបស់ ខ្លួនមិនបាននោះ គេក៏បែកគំនិត ទៅយកកាំបិទនៅក្នុងផ្ទះបាយ ចាក់សម្លាប់ប្អូនស្រីខ្លួនដល់ទៅ ៤០ ដង ឯណោះ ដែលបានញ៉ាំងអោយគេស្លាប់បាត់បង់ជីវិត បាត់ទៅហើយ ។</p>
<p><a class="thickbox" title="" href="/FileManager/Commons/2014/1/24/dead-tragedy-24-01-2014--09-46-24.jpg"><img src="/FileManager/Articles/mce/2014/1/24/dead-tragedy-24-01-2014--09-46-24.jpg" alt="" /></a></p>
<p>យ៉ាងណាមិញ បើតាមការអោយដឹង ពីការិយាល័យមេធាវី ថ្នាក់រដ្ឋ បានគូសបញ្ជាក់អោយដឹងថា ជនដៃដល់ វ័យ ១៤ ឆ្នាំម្នាក់នោះ ត្រូវបានមន្រ្តីប៉ូលីស ធ្វើការចាប់ឃាត់ខ្លួន ខណៈរងការចោទប្រ កាន់ពីបទមនុស្សឃាតហើយ ស្របពេលដែលរូបនាង ក៏កំពុងតែ ប្រឈមជាមួយនឹង យុវតុលាការ (juvenile court) និងកំពុងតែរង់ចាំការសម្រេចចិត្ត ថាតើត្រូវបញ្ជូនទៅកាន់តុលាការ កាត់ទោស មនុស្សពេញវ័យ ឬក៏យ៉ាងណា ។</p>
<p>គួររំឭកផងដែរថា ជាមួយនឹងសោកនាដកម្ម ដ៏រន្ធត់ចិត្តមួយនេះ មនុស្សទូទាំងរដ្ឋ បានផ្អើលនាំគ្នា រៃអង្គាស ប្រាក់ បានដល់ទៅ ៦,៣៨១ ដុល្លារក្នុងរយៈពេលត្រឹមតែមួយថ្ងៃ ដើម្បីចូលបុណ្យសព ក្មេងស្រីតូចវ័យ ១១ ឆ្នាំជាជនរងគ្រោះរូបនោះ ៕</p>
<p><object width="493" height="422" data="http://www.youtube.com/v/iDiJi-sjWGo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/iDiJi-sjWGo&rel=1" /></object></p>
<p><object width="492" height="422" data="http://www.youtube.com/v/0gQJZcBojgs&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/0gQJZcBojgs&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ CNN</p>