<p>កម្រងប្រតិទិនជនជាតិ Maya នឹងបញ្ចប់នៅថ្ងៃទី ២១ធ្នូ ឆ្នាំ ២០១២នេះ ដូច្នេះ មនុស្សមួយចំនួន<br />តូច ក្នុងពិភពលោក ទាំងមនុស្សនៅក្នុងប្រទេសក្រីក្រ ទាំងមនុស្សក្នុងប្រទេសជឿនលឿនយល់<br />ថា ជីវិតនៅលើផែនដីនឹងត្រូវកំទេចក្នុងខែនេះ។</p>
<p><a class="thickbox" title="" href="/FileManager/Commons/2012/12/3/earth-03-12-2012--16-11-31.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/3/earth-03-12-2012--16-11-31.jpg" alt="" /></a></p>
<p>បើទោះជាពាក្យចចាមអារ៉ាមនេះត្រូវបានគេផ្សាយ ឬនិយាយពីមាត់មួយទៅមាត់មួយ និងមាន <br />អ្នកខ្លះបង្ហាញពីការភ័យខ្លាច ហើយអ្នកខ្លះក៏បានត្រៀមរបស់របរសម្រាប់ថ្ងៃឆេះកប្បនេះក្ដី ប៉ុន្ដែ <br />ប្រជាជនកម្ពុជា ហាក់ដូចជាមិនទាន់មានការព្រួយបារម្ភសោះឡើយ ពួក គេចាត់ទុក ពាក្យចចាម<br />អារ៉ាមនេះ គឺជារឿងដែលមិនអាចកើតឡើង ខណៈដែលអ្នកខ្លះថ្លែងថាប្រសិន ថ្ងៃឆេះកប្បកើត<br />ឡើងមែន ក៏មិនមានអ្វីត្រូវខ្លាចនោះដែរ។</p>
<p>ទាក់ទឹននឹងបញ្ហានេះ លោក ចំណាន ជាបុគ្គលិកម្នាក់របស់ក្រុមហ៊ុន Greative Entertainment <br />យល់ថា លោក មិនជឿថានឹងមានថ្ងៃឆេះកប្បនេះកើតឡើងនោះឡើយ។</p>
<p style="text-align: center;"><a class="thickbox" title="" href="/FileManager/Commons/2012/12/3/chamnan-03-12-2012--16-09-50.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/3/chamnan-03-12-2012--16-09-50.jpg" alt="" /></a><em>លោក ចំណាន ជាបុគ្គលិកម្នាក់របស់ក្រុមហ៊ុន Greative Entertainment</em></p>
<p>ចំណែកលោក កែវ វ៉ាន់ថា ជាបុគ្គលិកទស្សនវដ្ដីមួយ ក្នុងក្រុងភ្នំពេញ ក៏មានយោបល់ស្រដៀង<br />គ្នានេះដែរ ដោយលោកបានថ្លែងថា ៖ “ដូចជាមិនអាចនោះទេ! ប៉ុន្ដែបើកើតឡើង ក៏កើតទៅចុះ <br />មិនមានបញ្ហាអ្វីចំពោះខ្ញុំ។” យ៉ាងនេះក្ដី លោក បន្ដថា បញ្ហាភ្លើងឆេះកប្បនេះ ប្រាកដជាមិនអាច<br />កើតឡើងទៅតាម កម្រងប្រតិទិនរបស់ជនជាតិ Maya នោះទេ “ប៉ុន្ដែវាប្រហែលជាអាចកើតមាន<br />ឡើងដោយសារតែគ្រោះធម្មជាតិ ដូចជា ភ្លើងឆេះព្រៃ។ល។</p>
<p>រីឯលោក ផល្លី អ្នកម៉ៅការសំណង់ម្នាក់ ឱ្យដឹងថា ប្រការនេះមិនអាចទៅរួចទេ។ លោកថ្លែងថា ៖ “នេះប្រហែលជាការយល់ឃើញមួយដែលមិនប្រកបដោយវិទ្យាសាស្ដ្រ”។</p>
<p style="text-align: center;"><a class="thickbox" title="" href="/FileManager/Commons/2012/12/3/vantha-03-12-2012--16-06-45.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/3/vantha-03-12-2012--16-06-45.jpg" alt="" /></a><em>លោក កែវ វ៉ាន់ថា ជាបុគ្គលិកទស្សនវដ្ដីមួយ ក្នុងក្រុងភ្នំពេញ</em></p>
<p>សូមរំលឹកថា ពាក្យចចាមអារ៉ាមខាងលើនេះ បានកើតមានឡើងបន្ទាប់ពីឆ្នាំ ២០១២ បានចូលមក<br />ដល់ ក្រោយពីអ្នកស្រាវជ្រាវបានរកឃើញ ប្រតិទិនមួយរបស់កុលសម្ព័ន្ធ Maya ដែលនៅក្នុងនោះ<br /> បានបង្ហាញថា ទី ២១ធ្នូ ឆ្នាំ ២០១២នេះ គឺជាថ្ងៃចុងក្រោយនៃកម្រងប្រតិទិននេះ។ ពាក្យចចាមអា<br />រ៉ាមនេះដែរ ក៏ត្រូវបានគេលើកយកមកនិយាយជាបន្ដបន្ទាប់ នៅពេលដែលថ្ងៃទី ២១ធ្នូ ឆ្នាំ ២០១២ <br />ជិតចូលមកដល់។ ទោះជាយ៉ាងណាក៏ដោយ ក្រុមអ្នកវិទ្យាសាស្ដ្រមិនបានរកឃើញភ័ស្ដុតាងណា<br />មួយ បង្ហាញថា បញ្ហានេះនឹងកើតឡើងប្រាកដនោះទេ៕</p>
<p> </p>
<p style="text-align: right;">ដោយ ៖ សូរីយ៉ា</p>