<p><strong>ភ្នំពេញ៖ </strong>តារាសម្តែង និងជាពិធីការិនី វ័យក្មេងសាច់សខ្ចី កញ្ញា កែវ ផល្លីកា ក្រោយពីឈាន<br />ជើង ចូលប្រឡូក ក្នុងវិស័យសិល្បៈ មួយរយៈមកនេះ ត្រូវបាន មហាជនស្គាល់ និងមើលឃើញ<br />ថា នាងជាតារាស្រីមួយដួង ដែលមានឱកាសច្រើន ក្នុងការបង្ហាញមុខ តាមរយៈនៃការសម្តែង<br /> ខ្សែភាពយន្ត និងធ្វើជាពិធីការិនី តាមបណ្តាកម្មវិធី របស់ទូរទស្សន៍ ក្នុងស្រុកមួយចំនួន។</p>
<p>ស្របពេលការងារសិល្បៈ និងសន្ទុះនៃ កេរ្តិ៍ឈ្មោះរបស់នាង កំពុងតែបោះជំហានទៅមុខ ពីមួយ<br />ថ្ងៃទៅមួយថ្ងៃ ថ្មីៗនេះ ស្រាប់តែមានលេចឮ ព័ត៌មានមកថា កញ្ញា កែវ ផល្លីកា កំពុងតែរៀបចំ <br />ធ្វើគម្រោង ចំណាយលុយ ខ្ទង់រាប់ម៉ឺនដុល្លារ ដើម្បីបើកអាជីពរ កស៊ីផ្ទាល់ខ្លួន បន្ទាប់ពីការងារ<br />សិល្បៈ នាពេលបច្ចុប្បន្ន ទទួលបាន ផ្លែផ្កាហើយនោះ។</p>
<p>ផ្អែកតាមប្រភព លេចចេញពីរង្វង់អ្នកសិល្បៈ ជិតស្និទ្ធនឹងតារាស្រីរូបនេះ បាននិយាយបង្ហើបប្រាប់<br />គេហទំព័រ LookingTODAY ដឹងថា សព្វថ្ងៃនេះតារាសម្តែង កែវ ផល្លីកា មានគម្រោងចំណាយលុយ<br />ជាច្រើន ដើម្បីបើកហាងរកស៊ីផ្ទាល់ខ្លួនមួយកន្លែង ក្នុងពេលខាងមុខដ៏ខ្លីនេះ ដោយអាជីវកម្មនោះគឺ<br /> មានសេវាកម្មធ្វើសក់ និងផាត់មុខបែបលក្ខណៈយុវវ័យសម័យថ្មី តម្រូវគ្រប់បុរស-នារី ទាំងអស់។</p>
<p>ប្រភពដដែលបន្តទៀតថា ចំពោះគម្រោង ក្នុងការបើកអាជីព ផ្ទាល់ខ្លួន ខាងក្រៅនេះ គឺ ផល្លី កា<br /> គ្រោងនឹងចំណាយ ដើមទុនមិនតិច ជាងពីរទៅបីម៉ឺនដុល្លារ នោះទេ។ ចំណែកឯលុយដែល នាង<br />គ្រោងនឹង យកទៅចំណាយ លើការបើកហាងរកស៊ី ផ្ទាល់ខ្លួននេះមិនត្រូវ បានប្រភពខាងលើ <br />បញ្ជាក់ឱ្យច្បាស់ទេថា ជាលុយ របស់នាងផ្ទាល់ទាំងអស់ ឬមួយបានមកពី ការចូលហ៊ុន គ្នាជាមួយ<br />អ្នកណានោះទេ។</p>
<p>ទាក់ទងនឹងព័ត៌មាន លេចឮខាងលើនេះ គេហទំព័រ LookingTODAY មិនទាន់អាចទាក់ទង ដើម្បី<br />សុំការបំភ្លឺ ពីកញ្ញា កែវ ផល្លីកា បាននៅឡើយទេ នៅរសៀល ថ្ងៃទី២៧ ខែតុលា ឆ្នាំ២០១៣នេះ<br /> ព្រោះលេខទូរស័ព្ទ របស់នាងតេចូល ប៉ុន្តែគ្មានអ្នកទទួល។ គេហទំព័រ LookingTODAY ស្វាគមន៍<br />ជានិច្ច ចំពោះការចេញមុខ មកបកស្រាយ នៅពេលក្រោយ ពីសំណាក់ កញ្ញា កែវ ផល្លីកា ដើម្បី<br />ឱ្យមហាជនបាន ដឹងពីការពិត។</p>
<p>កញ្ញា កែវ ផល្លីកា បន្ទាប់ពីដាក់ខ្លួនចូលប្រឡូក ក្នុងសិល្បៈអស់រយៈពេល ប្រមាណជា៣ឆ្នាំមក <br />នេះ ត្រូវបានគេមើលឃើញថា នាងទទួលបានការងារច្រើន នៅក្នុងអាជីពសិល្បៈ ទាំងធ្វើជាពិធី<br />ការិនី ទាំងការសម្តែងភាពយន្ត និងថតចម្រៀងខារ៉ាអូខេ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1282.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1283.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1284.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1285.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1286.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1287.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>