<div class="article-content">
<p>ភ្នំពេញ ៖ ដោយសារភាព ស្រឡាញ់ទ្រព្យកេរ្តិ៍របស់ខ្លួន ធ្វើឲ្យយុវជនម្នាក់ បានសម្រេចចិត្ត <br />ធ្វើអត្តឃាតខ្លួន ដោយលើក មធ្យោបាយធ្វើដំណើររបស់ ខ្លួនទម្លាក់ចុះ ក្នុងទឹកទន្លេ រួចក៏<br />លោតពីលើស្ពានព្រះមុនី វង្សថ្មី តាម ក្រោយដោយ មិនដឹងមូលហេតុ ធ្វើឲ្យប្រជាពលរដ្ឋ <br />និងអ្នកដំណើរ រួមជាមួយ សមត្ថកិច្ចមានការ ហួសចិត្តយ៉ាងខ្លាំង ។</p>
<p>ហេតុការណ៍ភ្ញាក់ផ្អើលកើត ឡើងកាលពីវេលាម៉ោង ៨ និង ៣០ នាទី យប់ ថ្ងៃទី ១៤ ខែ<br />សីហា ឆ្នាំ២០១៣ ស្ថិតនៅលើស្ពានព្រះមុនីវង្សថ្មី សង្កាត់ច្បារអំពៅទី ១ ខណ្ឌមានជ័យ ។</p>
<p>បើតាមអ្នកដំណើរម្នាក់ ដែលឃើញហេតុការណ៍ជាក់ស្តែង បាននិយាយថា ឃើញយុវជន<br />ម្នាក់វ័យប្រហែល ២០ ឆ្នាំជិះកង់ ឡើងលើស្ពានព្រះមុនីវង្សថ្មី ហើយមាន ទឹកមុខដូចជា<br />កំសត់ ហាក់មានវិបត្តិផ្លូវចិត្ត និងមានបញ្ហាមិនអាចដោះ ស្រាយចេញ ខណៈជិះដល់ពាក់<br />កណ្តាលស្ពាន យុវជនរូបនេះ បានឈប់កង់ និងឈរសម្លឹង ទឹកទន្លេ អស់រយ:ពេលមួយ<br />សន្ទុះ ស្រាប់តែយុវជនរូបនេះ លើកកង់របស់ខ្លួនទម្លាក់ ចូលទៅក្នុងទឹកទន្លេ ហើយរូបគេ<br />បានលោតបន្តទៅតាមកង់ ធ្វើអត្តឃាតខ្លួនឯង ដោយមនុស្សជាច្រើនបានស្ទុះរត់ទៅឃាត់<br /> និងជួយចាប់ដែរ តែជាអកុសល ឃាត់យុវជនមិនទាន់ ។</p>
<p>ជុំវិញហេតុការណ៍ ខាងលើនេះ ប្រជាពលរដ្ឋ និងនគរបាលយាមនៅគោលដៅស្ពានព្រះ<br />មុនីវង្ស បានប្រញាប់ ប្រញាល់ ហៅអ្នកនេសាទជាច្រើន ចេញទូកអន្តរាគមន៍ រាវរកយុវ<br />ជនខាងលើផងដែរ ប៉ុន្តែរកមិនឃើញដោយសារទឹកទន្លេនៅរដូវទឹកឡើង ហូរខ្លាំងពេក ដូច្នេះយុវជននេះប្រហែលជាហូរទៅតាមទឹកទន្លេបាត់ខ្លួនទៅហើយ។ សមត្ថកិច្ចដែល ចុះ<br />ទៅដល់កន្លែងកើតហេតុ ក្រោយពីបានស្តាប់ការ រៀបរាប់របស់សាក្សីដែលបានឃើញ<br />ហេតុការណ៍បាន សន្និ ដ្ឋានថា យុវជនគិតខ្លីមកលោតទឹកសម្លាប់ខ្លួនខាងលើប្រហែលជា<br />រូបគេមានវិបត្តិស្នេហា ឬក៏វិបត្តិក្នុងក្រុមគ្រួសារ មិនអាចដោះស្រាយបាន ទើបធ្វើឲ្យរូបគេ<br />ទ្រាំមិនបានគិតខ្លីបែបនេះ។ </p>
<p>សមត្ថកិច្ចមូលដ្ឋាន ក៏បានអំពាវអំនាវដល់មនុស្សគ្រប់រូប សូមកុំឲ្យគិតខ្លីដូចយុវជន ខាង<br />លើព្រោះរាល់បញ្ហាដែលកើតមាន គឺមនុស្សគ្រប់ៗគ្នា តែងតែដោះស្រាយ បាន ជានិច្ច ។<br /> បើខ្លួនដោះស្រាយ មិនកើត អាចដើររកអ្នកណាដែលមានគំនិតថ្មីៗជួយដោះស្រាយ សូម<br />កុំយកបញ្ហាធ្វើអត្តឃាតមកដោះ ស្រាយបញ្ហាឲ្យសោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0356.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0357.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>