<div class="article-content">
<p><strong>ភ្នំពេញ ៖</strong> ជនសង្ស័យពីរនាក់ ក្នុងចំណោម បក្ខពួកទាំងបីនាក់ ត្រូវបានប្រជាពលរដ្ឋ ចាប់វាយ<br />មួយដៃ មួយជើងរង របួសធ្ងន់ សន្លប់នៅនឹង កន្លែងកើតហេតុ ខណៈ ដែលជន សង្ស័យទាំងនេះ<br /> កំពុងធ្វើសកម្មភាព ប្លន់ម៉ូតូពីបុរសម្នាក់ នៅ ពេលដែលកំពុងឈប់ម៉ូតូនៅមុខផ្ទះ កាលពី វេលា<br />ម៉ោងប្រមាណ ២យប់ រំលងអាធ្រាត្រ ឈានចូលថ្ងៃទី២០ ខែមិថុនា ឆ្នាំ២០១៣ ស្ថិតនៅមុខផ្ទះ<br />ជនរងគ្រោះ ក្នុងភូមិចំការឪឡឹក សង្កាត់កាកាប ខណ្ឌពោធិ៍សែនជ័យ ខណៈដែលជនសង្ស័យ<br />ម្នាក់ទៀត បានជិះម៉ូតូគេចខ្លួនបាត់ ។</p>
<p>យោងតាមសេចក្ដីរាយការណ៍ពីកន្លែង កើតហេតុ បានឱ្យដឹងថា នៅវេលាម៉ោងកើត ហេតុខាង<br />លើនេះ គេឮសំឡេងបុរសម្នាក់ ស្រែកថា ចោរៗ ពេលនោះប្រជាពលរដ្ឋ នៅក្បែរខាងពេល<br />កំពុងដេកនៅក្នុងផ្ទះ បាននាំគ្នាចេញមកព្រោងព្រាត ហើយជួយចាប់ក្រុមចោរទាំងនេះ បាន<br />ចំនួនពីរនាក់ រួចធ្វើសកម្មភាព វាយមួយដៃ មួយជើង សន្លប់នៅនឹងកន្លែងកើតហេតុតែម្ដង ។</p>
<p>ក្រោយទទួលព័ត៌មានភ្លាមៗ អធិការ នគរបាលខណ្ឌពោធិ៍សែនជ័យ លោកប៊ន សំអាត បាន<br />ដឹកនាំកម្លាំង សមត្ថកិច្ចទៅជួយ អន្ដរាគមន៍ ហើយយកជនសង្ស័យ ទាំងពីរ នាក់នោះ បញ្ជូន<br />ទៅមន្ទីរពេទ្យ ដើម្បីធ្វើការ សង្គ្រោះជាមុនសិន ។</p>
<p>ប្អូនស្រីជនរងគ្រោះ ឈ្មោះសំរិទ្ធ បញ្ញា អាយុ២៣ឆ្នាំ បាននិយាយថា នៅវេលាម៉ោង កើតហេតុ<br />ខាងលើនេះ បងប្រុសរបស់ខ្លួន ឈ្មោះសំរិទ្ធ សេរី អាយុ២៦ឆ្នាំ បានជិះម៉ូតូ ម៉ាកស្កុបពី ពណ៌<br />ឈាមជ្រូក លាយទឹក ប្រាក់ ពាក់ស្លាកលេខ ភ្នំពេញ 1AU-7474 ត្រឡប់មកពីដើរលេងវិញ <br />លុះដល់មុខផ្ទះ បានឈប់ម៉ូតូ ហើយស្រែកហៅខ្លួនឱ្យបើកទ្វារ ។</p>
<p>កញ្ញាសំរិទ្ធបញ្ញា បានបន្ដថា នៅពេល ដែលខ្លួនកំពុងរៀបចំបើកទ្វារ ឱ្យបងប្រុស នោះ ស្រាប់<br />តែឮសំឡេង បងប្រុស ស្រែកថា ចោរៗ បង្កឱ្យមានការភ្ញាក់ ផ្អើលពីប្រជាពល រដ្ឋ នៅក្បែរ<br />ខាង ហើយពេលបើក ទ្វារចេញ មក ឃើញបងប្រុសរបស់ខ្លួន កំពុងវាយប្រតាយប្រតប់ជា<br />មួយក្រុមចោរ។</p>
<p>សមត្ថកិច្ចមូលដ្ឋានបានឱ្យដឹងថា ជន សង្ស័យដែលសន្លប់នៅនឹងកន្លែងកើតហេតុ ឈ្មោះសួន<br /> លីន ស្នាក់នៅម្ដុំផ្លូវសឡា ក្នុង សង្កាត់ទឹកថ្លា ខណ្ឌសែនសុខ និង ម្នាក់ទៀត ឈ្មោះសួន សិលា<br /> អាយុ២៣ឆ្នាំ មុខរបរជា កម្មករ រីឯជនសង្ស័យម្នាក់ទៀត ដែលកំពុង រត់គេចខ្លួន ឈ្មោះសេរីវុធ<br /> អាយុ២៨ឆ្នាំ ពួក គេស្នាក់នៅក្នុង ភូមិត្រញំងឈូក សង្កាត់ទឹក ថ្លា ខណ្ឌសែនសុខ ។</p>
<p>លោកប៊ន សំអាត អធិការនគរបាល ខណ្ឌពោធិ៍សែនជ័យ បានឱ្យដឹងថា ក្រោយពី ទទួលព័ត៌<br />មានភ្លាមៗ លោកបានដឹកនាំកម្លាំងនគរបាល ចុះទៅជួយអន្ដរា គមន៍ទាំងយប់ តាមការណែនាំ<br />របស់ លោកស្នងការ ហើយនាំយកជនសង្ស័យទាំង ពីរនាក់ ទៅកាន់មន្ទីរពេទ្យ ដើម្បីសម្រាក<br />ព្យាបាលសិន រួចហើយ ទើបសួរនាំនិងកសាងសំណុំរឿងបញ្ជូនទៅតុលាការ ។</p>
<p>សមត្ថកិច្ចបានលួចបង្ហើបថា ជនសង្ស័យ ទាំង៣នាក់ ដែលជិះម៉ូតូអាយខុន ពណ៌លឿង ជាមុខ<br />សញ្ញា ធ្លាប់ធ្វើសកម្មភាព ប្លន់នារីម្នាក់នៅខណ្ឌសែនសុខ កាលពីពេលកន្លងទៅ ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0436.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0438.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0439.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0440.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>