<p><span style="color: #000000;">ព័ត៌មានកីឡា៖ បច្ចុប្បន្នកំណត់ត្រាតម្លៃកីឡាករអ្នកចាំទីលើពិភពលោក ខ្ពស់បំផុត គឺ ៣២ លានផោនតែប៉ុណ្ណោះគឺកីឡាករ Gianluigi Buffon ជនជាតិអ៊ីតាលី តែក្រុមបិសាចក្រហម Man United បានប្រកាស គម្រាមដល់បណ្ដាក្រុមទាំងអស់ដែលមានបំណងចង់បាន អ្នកចាំរបស់ខ្លួន ជាពិសេស Real Madrid ថាមានតម្លៃខ្ពស់ជាងកីឡាករ Gianluigi Buffon ទៅទៀត។ </span></p>
<p><span style="color: #000000;">Man United ដឹងច្បាស់ថា Real Madrid កំពុងតែចង់បានកីឡាករ អ្នកចាំទីជនជាតិ អេស្ប៉ាញរបស់ខ្លួនឈ្មោះថា David de Gea យ៉ាងខ្លាំងបំផុត ហើយមានបំណងចង់ផ្ទេរចេញក្នុងរដូវកាលនេះផងដែរ ដូច្នេះក្រុម បានប្រកាសតំលៃគម្រាមដល់បណ្ដាក្រុមទាំងអស់ ឲ្យបានដឹងពីច្បាស់ ជាពិសេស Real Madrid តែម្ដង ប្រសិនជាចង់បាន កីឡាករចាំទីទៅកាន់ទឹកដីអេស្ប៉ាញវិញ Man United ក៏អនុញ្ញាតដែរ ប៉ុន្ដែតម្លៃខ្លួន គឺ មិនទាបជាង កីឡាករ Gianluigi Buffon នោះទេ ។ </span></p>
<p><span style="color: #000000;">David de Gea ក្លាយជាទ្រព្យសម្បត្ដិយ៉ាងមហាសាល ដែល Man United មានមុខអួតបង្ហាញ Real Madrid ខណៈដែលក្រុមនេះ ក៏កំពុងតែចាប់អារម្មណ៍ខ្លាំងខ្សែការពាររបស់ Real Madrid ដែរ ។ </span></p>
<p><span style="color: #000000;">ប្រភពបានបន្ដទៀតថា Real Madrid នៅមិនទាន់មានសកម្មភាពអ្វីតបតនៅឡើយទេ ខណៈដែលក្រុមនេះ កំពុងតែសំងំ រង់ចាំដល់កីឡាករចាំទី ម្នាក់នេះឈានដល់ចុងរដូវកាលមែនទែនហើយ នោះទីផ្សារកីឡាករនឹងត្រូវធ្លាក់ចុះ ដោយស្វ័យប្រវត្ដិ ពីព្រោះ Real Madrid ដឹងថា David de Gea បានបដិសេធនឹងការចុះហត្ថលេខាបន្ដកិច្ចកុងត្រាជាមួយលោក Louis van Gaal ជាច្រើនដងទៅហើយ នាចុងរដូវកាលមុននេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/26/6-26-2015-9-16-58-am-26-06-2015--09-24-09.png"><img src="/FileManager/Articles/mce/2015/6/26/6-26-2015-9-16-58-am-26-06-2015--09-24-09.png" alt="" /></a></span></p>
<p><a class="thickbox" title="" href="/FileManager/Commons/2015/6/26/6-26-2015-9-17-22-am-26-06-2015--09-24-25.png"><img src="/FileManager/Articles/mce/2015/6/26/6-26-2015-9-17-22-am-26-06-2015--09-24-25.png" alt="" /></a><span style="color: #000000;"><br /></span></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ Mirror </p>