<p>ព្រោះតែមានការមិនទុកចិត្ត ខ្លាចមិត្តស្រីដែលមានអាយុតិចជាងខ្លួនដល់ទៅជាង ១០ឆ្នាំ ក្បាត់ចិត្ត បុរសម្នាក់នៅ Mexico បានប្រើប្រាស់សោ ដើម្បីកិបជាប់នឹងខោខៅប៊ោយរបស់នាង ក្នុងរយៈពេលជាច្រើនឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/10/12/key1-12-10-2013--17-54-47.jpg"><img src="/FileManager/Articles/mce/2013/10/12/key1-12-10-2013--17-54-47.jpg" alt="" /></a></p>
<p style="text-align: center;"><em>នារីរងគ្រោះ ត្រូវសង្សារអាយុ ៤០ឆ្នាំ កិបសោ ដើម្បីរក្សាការស្មោះត្រង់នឹងស្នេហា</em></p>
<p>ថ្មីៗ នារីម្នាក់អាយុ ២៥ឆ្នាំ (សុំមិនបញ្ចេញឈ្មោះ) បានរត់រកជំនួយពីក្រុមនគរបាល ក្រុង Veracruz រដ្ឋ Veracruz ក្នុងស្ថានភាពឈឺចុកចាប់រាងកាយ និងមិនបានចូលបន្ទប់ទឹកជាច្រើនម៉ោង ដោយសារជាប់សោចង្កេះខោ។<br /><br />យោងតាមសំដីរបស់នារីរងគ្រោះដែលបាននិយាយប្រាប់នគរបាល ឱ្យដឹងថា មិត្តប្រុសរបស់នាង បានចាប់ឱ្យនាងប្រើសោ កិបចង្កេះខោ នៅរាល់ពេលមិនមានគាត់នៅក្បែរ។ បើទោះមានការមិនពេញចិត្ត និងមិនអាចចូលបន្ទប់ទឹក ប៉ុន្ដែនាងក៏មិនហ៊ានកាត់ខ្សែសោនេះ។</p>
<p style="text-align: center;"><a class="thickbox" title="" href="/FileManager/Commons/2013/10/12/key2-12-10-2013--17-59-33.jpg"><img src="/FileManager/Articles/mce/2013/10/12/key2-12-10-2013--17-59-33.jpg" alt="" /></a></p>
<p style="text-align: center;"><em>ថ្វីបើអាចកាត់ខ្សែសោនេះបាន ប៉ុន្ដែនារីរងគ្រោះមិនហ៊ាន</em></p>
<p>ប្រភពព័ត៌មានឱ្យដឹងថា បុរសដែលមានចិត្តហួងហែលជ្រុលនេះ បច្ចុប្បន្នមានអាយុ ៤០ឆ្នាំ ខណៈដែលនារីជាសង្សារ អាយុ ២៥ឆ្នាំ។ បុរសនេះយល់ថា ការកិបសោនឹងខោគឺជាវិធីមួយ ជួយឱ្យនារីមិត្តស្រីរបស់ខ្លួន មានភាពស្មោះត្រង់។<br /><br />ទំព័រ CNN បានឱ្យដឹងថា បន្ទាប់ពីទទួលបានព័ត៌មាន នគរបាលបានធ្វើការចាប់ខ្លួនបុរសម្នាក់នោះភ្លាម។ នៅការិយាល័យនគរបាល បុរសវ័យកណ្ដាលនោះ បានសារភាពគ្រប់យ៉ាង និងបានប្រគល់សោមកឱ្យនគរបាល។ អ្វីដែលគួរឱ្យចាប់អារម្មណ៍ គឺនៅត្រង់ថា នារីរងគ្រោះមិនបានទាមទារជម្ងឺចិត្ត ឬការស្នើឱ្យដាក់ទោសនោះទេ ដូច្នេះ បន្ទាប់ពីត្រូវបានចាប់ខ្លួនប៉ុន្មានម៉ោង បុរសនោះក៏ត្រូវនគរបាលដោះលែង ប៉ុន្ដែបុរសនោះត្រូវនគរបាលឱ្យចុះកិច្ចសន្យា ថា នឹងមិនមានលើកទីពីរ។<br /><br />លោកស្រី Araceli Gonzalez ប្រធានសមាគមន៍ស្ដ្រីក្នុងរដ្ឋ Veracruz ថ្លែងថា នេះគ្រាន់តែជាករណីមួយក្នុងចំណោមរាប់ពាន់ករណី ដែលស្ដ្រីត្រូវរងការធ្វើបាបប្រហាក់ប្រហែលនេះ នៅក្នុងរដ្ឋ Veracruz ។ នាងគឺជានារីរងគ្រោះម្នាក់ ដែលត្រូវបង្ខំឱ្យកិបសោ អស់រយៈពេល ១២ឆ្នាំ ដោយមិនមានអ្នកណាបានដឹង រហូតដល់នាងដាច់ចិត្តសុំអន្ដរាគមន៍ពីសមត្ថកិច្ច។</p>
<p style="text-align: center;"><a class="thickbox" title="" href="/FileManager/Commons/2013/10/12/key3-12-10-2013--18-00-31.jpg"><img src="/FileManager/Articles/mce/2013/10/12/key3-12-10-2013--18-00-31.jpg" alt="" /></a></p>
<p style="text-align: center;"><em>បុរសកំពូលអ្នកហួងហែង ត្រូវនគរបាលចាប់ខ្លួន</em></p>
<p>បច្ចុប្បន្ន អត្ដសញ្ញាណរបស់អ្នកទាំងពីរខាងលើ មិនត្រូវបានបង្ហើបឱ្យដឹងនោះទេ ដើម្បីធានាសុវត្ថិភាពសម្រាប់ពួកគេ។<br /><br /></p>
<p><strong>ព័ត៌មានចម្លែកសំខាន់ៗ ដែលគួរចាប់អារម្មណ៍</strong></p>
<p><span style="color: #3366ff;"><a href="/News/Detail/79365/virginity-is-the-bad-luck-for-ugandan-men"><span style="color: #3366ff;">ជំនឿចម្លែក! នារីអស់ព្រហ្មចារី ទើបបុរស ហ៊ានយកធ្វើប្រពន្ធ</span></a></span></p>
<p><span style="color: #3366ff;"><a href="/News/Detail/51973/the-annual-royal-reed-dance-ceremony-of-zulu"><span style="color: #3366ff;">ក្រមុំត្រូវបញ្ជាក់ភាពបរិសុទ្ធ ដោយដោះអាវ ចំណែកបុរស ត្រូវនោមឱ្យបានខ្ពស់</span></a></span></p>
<p><span style="color: #3366ff;"><a href="/News/Detail/46712/switzerland-opens-drive-in-sex-boxes-to-make-prostitution-safer"><span style="color: #3366ff;">អាជ្ញាធរស្វ៊ីស សង់ “ប្រអប់សិច” តាមដងផ្លូវ សម្រាប់ស្ដ្រីរកស៊ីផ្លូវភេទ</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ CNN<br /><br /></p>