<p><span style="color: #000000;"><strong>Yorkshire ៖</strong> លោក Jay Chou ដែលជាតារាចម្រៀងតៃវ៉ាន់, អ្នកនិពន្ធ, អ្នកគ្រប់គ្រងខ្សែភាពយន្ត, និងថែមទាំង ជាតារាភាពយន្ត បានរៀបអាពាហ៍ពិពាហ៍ជាមួយនឹង កញ្ញា Hannah Quinlivan ដែលជាតារាចម្រៀង និង តារា ភាពយន្ត នៅម៉ោង ៩ និង ៣០ នាទីយប់ ថ្ងៃសៅរ៍ ទី១៧ ខែមករា ឆ្នាំ២០១៥ម្សិលមិញនេះ នៅឯវិហារ Selbey Abbey ទីក្រុង Yorkshire ចក្រភពអង់គ្លេស។</span></p>
<p><span style="color: #000000;">កូនកំលោះក៏ល្បីល្បាយរូបនេះបានប្រកាសមុនដំបូងថា គាត់នឹងរៀបការនៅចំថ្ងៃខួបកំណើត ៣៦ ឆ្នាំតែម្តង គឺនៅថ្ងៃទី១៨ ខែមករា ឆ្នាំ២០១៥ ប៉ុន្តែគាត់ក៏សម្រេចចិត្តរៀបការនៅមុនមួយថ្ងៃ។</span></p>
<p><span style="color: #000000;">លោក Jay Chou វ័យ ៣៦ ឆ្នាំ ជាជនជាតិតៃវ៉ាន់ បានចាប់ផ្តើមប្រឡូកក្នុងវិស័យសិល្បៈ ក្នុងឆ្នាំ២០០០ ដែល មានឈាមជ័រជាអ្នកសិល្បៈផងនោះ រូបលោកក៏ចាប់ផ្តើមល្បីល្បាញរហូតមកទល់សព្វថ្ងៃ។ គាត់បាននិពន្ធបទចម្រៀង និង ច្រៀង ជាច្រើនរយបទ ហើយថែមទាំងថតខ្សែរភាពយន្តជាច្រើនទៀតផង។</span></p>
<p><span style="color: #000000;">ចំណែកឯ កញ្ញា Hannah Quinlivan អាយុ ២២ ឆ្នាំ ជាកូនកាត់ តៃវ៉ាន់ និង អូស្រា្តលី(ម្តាយ តៃវ៉ាន់ ឪពុក អូស្រា្តលី)ដែលបានបញ្ចប់ការសិក្សាមកពីប្រទេសអូស្រ្តាលីរួចត្រលប់មកតៃវ៉ាន់។ ដោយសារតែនាងជាកូនកាត់ ដូច្នេះសម្រស់របស់នាងស្អាតប្លែកពីគេ។ នាងជាតារាចម្រៀងផង, តារាភាពយន្តផង និងថែមទាំងជាអ្នកនាំពាក្យ ក្នុងមជ្ឈមណ្ឌល Breeze។</span></p>
<p><span style="color: #000000;">គួរបញ្ជាក់ផងដែរថា គូរស្នេហ៍ទាំង ២ នេះបានចុះឈ្មោះរៀបអាពាហ៍ពិពាហ៍កាលពីឆ្នាំមុន។ នៅថ្ងៃនេះ កូន កំលោះ កូនក្រមុំបាន បង្ហាយ រូបថត outdoor របស់ពួកគេ ដែលបានថតនៅប្រទេសដូចជា អាល្លឺម៉ង់, ទីក្រុង ប្រាកនៃសាធារណរដ្ឋឆែក, និងទីក្រុងប៉ារីស នៃប្រទេសបារាំង។</span></p>
<p><span style="color: #000000;"><a class="thickbox" title="" href="/FileManager/Commons/2015/1/18/20-18-01-2015--15-47-45.jpg"><img src="/FileManager/Articles/mce/2015/1/18/20-18-01-2015--15-47-45.jpg" alt="" /></a></span></p>
<p><a class="thickbox" title="" href="/FileManager/Commons/2015/1/18/21-18-01-2015--15-47-51.jpg"><img src="/FileManager/Articles/mce/2015/1/18/21-18-01-2015--15-47-51.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/18/20-18-01-2015--15-47-45.jpg"></a></span></p>
<p><a class="thickbox" title="" href="/FileManager/Commons/2015/1/18/22-18-01-2015--15-47-58.jpg"><img src="/FileManager/Articles/mce/2015/1/18/22-18-01-2015--15-47-58.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>