<div>
<p><span style="color: #000000;"><strong>(ភ្នំពេញ)៖</strong> តារាស្រីធ្មេញជំពើស មានសម្រស់ស្រស់ស្អាត គួរជាទីទាក់ទាញភ្នែក កញ្ញា មាន សូនីតា មុននេះត្រូវបានមហាជនដឹងថា នាងធ្លាប់រៀបចំកែច្នៃក្រមាររបស់ខ្មែរ ធ្វើជាវត្ថុអនុស្សាវរីយ៍ ដើម្បីដាក់លក់ ក្នុងគោលបំណងសំខាន់២យ៉ាង គឺទី១យកលុយដែលពីការលក់ទាំងនេះ ជួយដល់កុមារ និងចាស់ជរា។ ចំណែកទី២ ជាគោលដៅសំរាប់ជួយផ្សព្វផ្សាយ លើកកំពស់ផលិតផលក្រមារ របស់ខ្មែរឲ្យភ្ញៀវទេសចរបរទេស បានដឹង និងស្គាល់ពីអត្ថប្រយោជន៍។</span></p>
<p><span style="color: #000000;">ដោយមើលឃើញពីសកម្មភាពលេចធ្លោ ទាំងការងារមនុស្សធម៌ និងសិល្បៈបូករួមរូបសម្ផស្ស ស្រស់សោភាមានភាពរុះរាយរាក់ទាក់ កញ្ញា មាន សូនីតា ត្រូវបានតែងតាំង ជាឯកអគ្គរាជទូតសុច្ឆន្ទៈ របស់អង្គការ USAID កាលអំឡុងដើមខែមិថុនា និងកាលពីថ្មីៗនេះ តារាស្រីរូបស្រស់ មាន សូនីតា ក៏ត្រូវបានប្រកាសតែងតាំង ធ្វើជាឯកអគ្គរាជទូតតំណាងឲ្យរោងភាពយន្តលេជេនជាថ្មីបន្ថែមទៀត នាថ្ងៃទី០២ ខែធ្នូ ឆ្នាំ២០១៥ ដែលពិធីនេះបានធ្វើឡើង នៅ legend Cinemas ។</span></p>
<p><span style="color: #000000;">ស្របពេលជាមួយគ្នា នៃការងារនេះកំពុងដើរទៅមុខ ដោយភាពជោគជ័យ តារាសម្តែងស្រីរូបស្រស់កញ្ញា មាន សូនីតា បានសរសេរប្រកាស នៅលើបណ្តាញសង្គមហ្វេសប៊ុករបស់ខ្លួនបង្ហាញពីគោលបំណង ជួយដល់ក្រុមគ្រួសារកុមារីក្រីក្រម្នាក់ឈ្មោះ ស្រីរ៉ែន តាមរយៈការធ្វើអាវយឺតលក់ ដើម្បីប្រមូលលុយ ដែលបានមកទាំងប៉ុន្មាន យកទៅឧបត្ថម្ភជួយសម្រាលជីវភាពលំបាក ប្រចាំថ្ងៃព្រមទាំងសម្រួលដល់ការសិលក្សា របស់ក្មេងស្រីម្នាក់នេះ។</span></p>
<p><span style="color: #000000;">កញ្ញា មាន សូនីតា បានលើកឡើងថា «ក៏ព្រោះតែឆ្នាំនេះនាងខ្ញុំមានអាយុ២៦ ឆ្នាំ ទើបធ្វើអាវយឺតស្រលាញ់ចំនួន២៦០អាវ។ ដូច្នេះចំនួនមានកំណត់រួសរាន់ឡើង ប្រាប់ចំណេញពីការលក់នេះ គឺនាងខ្ញុំនឹងផ្តល់ជូនទៅក្រុមគ្រួសារ ស្រីរ៉ែន ដើម្បីឲ្យពួកគាត់ប្រកបមុខរបរខ្នាតតូច ដើម្បីជួយសម្រួលដល់ជីវភាពពួកគាត់ ឲ្យប្រសើរជាងនេះ។ សម្រាប់អាយឺតក្រមានេះតម្លៃ៣០០០០រៀល ហើយអាវទាំងនេះ មានលក់នៅផ្សារ Pink day pencil»៕</span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/12654315_1024861107572475_892102924791291130_n.jpg?oh=385c39d36f8ac6e36303eb7e6b2f85ad&oe=57420A61&__gda__=1466793424_1aeac326d4e134406d19bad9046b5733" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12647512_1021809257877660_1605873529253253973_n.jpg?oh=e137b7da92351f0321032739deee8b93&oe=5739C934" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12592466_1021809267877659_7003465041866464043_n.jpg?oh=8b1a0ad62784efd579fcfb57672f7174&oe=5729B186" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/12647300_1022556217802964_2776401028696421046_n.jpg?oh=82ccc54ebb57a4284e26cdc2a96b5d57&oe=576AA376&__gda__=1461979518_4a78c808d21321e4d3dfb679d3a977c4" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xaf1/v/t1.0-9/11076217_875505415841379_2501217423613868581_n.jpg?oh=04cccb2d51374854d637eac701655999&oe=57235AF3&__gda__=1466944578_83cc9482070abf4ed4c0a9918f345dea" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/11096724_876039709121283_6186523328360486092_n.jpg?oh=d95dba501c64f15141453628dab36e41&oe=573A07FA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/11047939_876422999082954_3335790450593854099_n.jpg?oh=f6621e3494d5a77c6669d671221c1294&oe=573CA753" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/10686866_954332434625343_2576317418192044913_n.jpg?oh=96d95c0503d2c92891932077738b67c7&oe=572ABB09" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>