<p><span style="color: #000000;"><strong>(ភ្នំពេញ)៖</strong> លោក ផៃ ស៊ីផាន អ្នកនាំពាក្យរាជរដ្ឋាភិបាល តាងនាមឲ្យមន្រ្តីរាជការ ក៏ដូចជាប្រជាពលរដ្ឋសូមសម្តែងក្តីរីករាយដោយទទួលបានព័ត៌មាន អំពីការផ្តល់ជំនួយឥតសំណង របស់រាជរដ្ឋាភិបាលចិន ផ្តល់ជូនកម្ពុជា តាមរយៈនាយករដ្ឋមន្រ្តី លី ខឺឈាង សម្រាប់អាណត្តិចាប់ពីឆ្នាំ២០១៦ ដល់ឆ្នាំ២០១៩។</span></p>
<p><span style="color: #000000;">លោក ផៃ ស៊ីផាន នៅរសៀលថ្ងៃនេះបានថ្លែងឲ្យដឹងយ៉ាងដូច្នេះថា <strong>«យើងខ្ញុំជាមន្រ្តីរាជការក៏ដូចជាប្រជាពលរដ្ឋទាំងអស់គ្នា សូមសម្ដែងនូវគារវកិច្ចខ្ពង់ខ្ពស់បំផុត ជូនដល់សម្ដេចតេជោ។ ដោយទទួលព័ត៌មានដ៏រីករាយ ឥតឧបមាតាមរយៈ Facebook របស់ សម្ដេចតេជោ ដែលប្រជាពលរដ្ឋចិន តាមរយៈឯកឧត្ដម នាយករដ្ឋមន្រ្តី លឺ ខឺឈាង បានប្រកាសផ្ដល់ជំនួយឥត សំណងឲ្យកម្ពុជា ចំនួនជិតប្រាំមួយរយលានដុល្លាអាមេរិក សម្រាប់អាណត្តិគឺចាប់ពីឆ្នាំ ២០១៦ ដល់ ២០១៩</strong>»។</span></p>
<p><span style="color: #000000;">ថវិកាដ៏សប្បុរសរបស់សន្ដានចិត្តរបស់ប្រជាពលរដ្ឋចិន ដែលសម្ដែងនូវភាពជាមិត្តប្រវត្តិសាស្រ្ត មិត្តល្អគ្រប់ពេលវេលា និងគ្រប់កាលៈទេសៈចំពោះកម្ពុជា កំពុងតែឈមនឹងកង្វះខាតថវិកាជាប់ប្រើប្រាស់ដល់វិស័យ សុខាភិបាល អប់រំ ទឹកស្អាត ជាស្រះទឹក អណ្ដូងទឹក ក៏ដូចជាកកិច្ចដំណើរការបោះឆ្នោត ដែលជាប្រយោជន៍ប្រជាពលរដ្ឋខ្មែរ និងអធិបតេយ្យខ្មែរ។</span></p>
<p><span style="color: #000000;">នេះជាវីរៈភាពរបស់ សម្ដេចតេជោ ក្នុងកិច្ចខិតខំគ្រប់បែបយ៉ាងជាកិច្ចការស្វែងរកឱកាស និងលទ្ធភាពក៏សាងការពារប្រទេសជាតិ ក៏ដូចជាមោទនៈភាពជាតិ ដែលផ្ទុយពីក្រុមបក្សពួកមួយ ដែលខិតខំធ្វើឲ្យបរទេស មើលឃើញនូវរូបភាពអវិជ្ជមាន នៃហេតុផលផ្អាក ឬផ្តាច់ជំនួយក្នុង ការចូលរួមរវាងភាពជាដៃគូអភិវឌ្ឍន៍ និងរំខានដល់ទំនាក់ទំនងល្អ រវាងប្រទេសជាតិមួយនិង កម្ពុជាដែលជាប្រជាជាតិដ៏ស្លូតត្រង់ប្រាថ្នាតែសេចក្តី និងចង់បានបំផុតនូវការរីកចម្រើន (វិបុលភាព) តែប៉ុណ្ណោះ។</span></p>
<p><span style="color: #000000;">ការរីកចម្រើន ឬវិបុលភាពរបស់ខ្មែរ គឺជាឥស្សរៈភាព និងមោទនៈភាពរបស់ជាតិ ដែលយើងប្រឹងតាំងពីជំនាន់ព្រះបរមរតនៈកោដ្ឋ និងជំនាន់សម្តេចតេជោ បានធ្វើអោយយើងមានសេចក្តីរីករាយ ប្រាស់ចាកពីរស់នៅក្នុងក្តីអនុគ្រោះពីបរទេសណាមួយ និងមានឥស្សរៈភាពនៃជំរើស ដើម្បីផលប្រយោជន៍កម្ពុជាពិតៗ។</span></p>
<p><span style="color: #000000;">នេះជាជម្រើសឆ្លើយទៅនិងថ្វីដៃតេជោ សម្រាប់ប្រជាពលរដ្ឋខ្មែរ។ ក្នុងការទទួលបាន ឯករាជ្យឥស្សរៈភាពដែលជាមោទនៈភាពខ្មែរ។ នេះជាសារមួយថ្មី បន្ថែមទៀតឆ្លើយតប និងការប្រឹងប្រែងរបស់ សម រង្ស៊ី និងបក្សពួកក្នុងកិច្ចស្វែងរកបរទេសមើលកម្ពុជា ក្នុងភាពអវិជ្ជមាន និងដាក់សម្ពាធមកកម្ពុជាដែលជាទង្វើ អាម៉ាស់ និងប្រឆាំងផលប្រយោជន៍ជាតិនាំបរទេសមកលុកលុយកម្ពុជា ដើម្បីតែអំណាចរបស់គេ៕</span></p>
<p><span style="color: #000000;"></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13669724_1052230208158809_8624615209739959043_n.jpg?oh=0e47d8745a06f4305b0583e8fccba622&oe=58315947" alt="" width="730" /></span></p>
<p><span style="color: #000000;"></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13700162_1052230188158811_5114366513912028905_n.jpg?oh=3934262e84340fd69cc03a988d972c81&oe=5835AE68" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>