<div class="article-content">
<p><strong>បាត់ដំបងៈ</strong> កម្លាំងនគរបាល ការិយាល័យប្រឆាំង ការជួញដូរ មនុស្ស និងការពារអនីតិជន <br />ខេត្ត បានធ្វើការឃាត់ខ្លួន យុវជន ម្នាក់ តាមពាក្យបណ្តឹង របស់អាណា ព្យាបាល ជនរងគ្រោះ<br /> កាលពីវេលាម៉ោង ៥និង៤០នាទីល្ងាច ថ្ងៃទី១៩ ខែមិថុនា ឆ្នាំ ២០១៣ នៅការិយាល័យជំនាញ<br /> ពីបទរំលោភទំនុកចិត្ត និងនាំមនុស្ស ចេញពី ផ្ទះមិនស្របច្បាប់ ដែលបានប្រព្រឹត្ត កាលពី ម៉ោង<br />៩ព្រឹកថ្ងៃទី១៥ខែមិថុនាឆ្នាំ២០១៣កន្លងទៅ រួចកសាងសំណុំរឿង បញ្ជូនខ្លួនជនសង្ស័យ ទៅ<br />តុលាការ ខេត្តដើម្បី ចាត់ ការបន្តតាមច្បាប់។</p>
<p>លោកវរសេនីយ៍ទោ កុយ ហៀង នាយការិយាល័យប្រឆាំង ការជួញដូរមនុស្ស និង ការពារ<br />អនីតិជនខេត្ត បានឲ្យដឹងថា ជន សង្ស័យ ដែលសមត្ថកិច្ច ឃាត់ខ្លួនមាន ឈ្មោះ ឡុង គីហេង <br />ភេទប្រុស អាយុ១៩ឆ្នាំ ជាសិស្សរៀនថ្នាក់ទី៩ នៅវិទ្យាល័យព្រះមុនីវង្ស បាត់ដំបង ស្នាក់នៅ<br />ផ្ទះជួល ភូមិជ្រៃកោង សង្កាត់ស្លាកែត ក្រុងបាត់ដំបង ។ ចំណែកជនរងគ្រោះ មានអាយុ១៧ឆ្នាំ<br /> ភេទស្រី មានទីលំនៅភូមិព្រែកមហាទេព សង្កាត់ស្វាយប៉ោក្រុងបាត់ដំបង។</p>
<p>តាមពាក្យបណ្តឹង របស់អាណាព្យាបាល របស់ជនរងគ្រោះ បានរៀបរាប់ប្រាប់សមត្ថកិច្ចថា <br />ជនសង្ស័យ បានទំនាក់ទំនង ជាមួយ កូនស្រីរបស់គាត់ ជាយូរមកហើយ លុះដល់ថ្ងៃទី១៥<br />ខែ មិថុនានេះ ជនសង្ស័យបាននាំកូនស្រី ចេញពីផ្ទះបាត់គ្មានដំណឹង ដោយយកសម្ភារៈ ទៅ<br />ជាមួយមាន លុយចំនួន៣.០០០ដុល្លារ កុំព្យូទ័រយួរដៃ ១គ្រឿង អាយផេត១គ្រឿង ។ ក្រោយ<br />ពីទទួលដំណឹងថា សម្ភារៈទាំងនេះ ជនសង្ស័យ បានយកទៅបញ្ចាំគេអស់ហើយ ឯលុយ<br />៣.០០០ដុល្លារ ក៏បានចាយ អស់ដែរ នៅសល់តែ ៦០០ដុល្លារប្រគល់ឲ្យវិញ។ ក្រោយពីបាន<br />ទទួលពាក្យ បណ្តឹងហើយ សមត្ថកិច្ចបាន ចុះទៅធ្វើការ នាំខ្លួនជន សង្ស័យមកសាកសួរ រួច<br />ធ្វើការឃាត់ខ្លួន នៅការិយាល័យ ជំនាញតែម្តង។ ចំណែកជនរងគ្រោះ ដែលចេញបាត់ពីផ្ទះ<br />នោះ បច្ចុប្បន្នក៏ពុំទាន់ត្រឡប់មកផ្ទះដែរ ។</p>
<p>ជនសង្ស័យបាន ឆ្លើយសារភាពថា ខ្លួនពិតធ្លាប់មានទំនាក់ទំនង ស្នេហាជាមួយគ្នា ជាយូរឆ្នាំ<br />មកហើយ លុះដល់ថ្ងៃទី១៥ខែមិថុនា កន្លងទៅនេះ នាងបានយកសម្ភារៈ និងលុយមួយចំនួន <br />មកឲ្យខ្លួនខ្ចីប្រើ និងចាយពិត ប្រាកដមែន។ តែពេល នេះខ្លួនមិនដឹងថា នាងគេចទៅទីណា<br />ទេ ។</p>
<p>បើតាមសំដី របស់អាណាព្យាបាល ជនរងគ្រោះ ក្នុងពាក្យបណ្តឹង បានបញ្ជាក់ថា ករណីនេះ<br />គាត់បានសំណូមពរឲ្យសមត្ថកិច្ចចាត់ការតាមផ្លូវច្បាប់។</p>
<p>បច្ចុប្បន្នការិយាល័យ ជំនាញបានទទួលបញ្ជា ពីស្នងការនគរបាល ខេត្តលោក ស ថេត ឲ្យ<br />កសាងសំណុំរឿង បញ្ជូនខ្លួនជន សង្ស័យទៅតុលាការខេត្ត នៅរសៀល ថ្ងៃទី២១ ខែមិថុនា<br />នេះ ដើម្បីចាត់ការបន្តតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0476.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>