<div class="article-content">
<p><strong>ភ្នំពេញ ៖</strong> រថយន្ដឡង់គ្រីស័រ ១គ្រឿង បើកបរដោយបុរសម្នាក់ និងរួមដំណើរ ម្នាក់ផ្សេងទៀត<br /> កាលពីវេលា ម៉ោង ៣ និង ២០នាទីរសៀលថ្ងៃទី០៨ ខែ ឧសភា ឆ្នាំ ២០១៣ នេះ បានបុករះម៉ូតូ<br />ជិត ១០គ្រឿង បណ្ដាលឱ្យខូចខាតស្ទើរទាំងស្រុង ក្នុងនោះ មានម៉ូតូរ៉ឺម៉កលក់ប្រហិត ១គ្រឿង<br />ផងដែរ ព្រមទាំងបណ្ដាលឱ្យម្ចាស់ម៉ូតូលក់ប្រហិត ស្ដ្រីជនជាតិវៀតណាម ស្លាប់ភ្លាមៗនៅ កន្លែង<br />កើតហេតុ ។</p>
<p>យោងតាមសេចក្ដីរាយការណ៍ ពីសាក្សី ដែលឈរមើល គ្រោះថ្នាក់ចរាចរនេះបានឱ្យ ដឹងថា មុន<br />ពេលកើតហេតុរថយន្ដឡង់គ្រី ស័រ ១គ្រឿង ពណ៌ស្លែ ពាក់ស្លាកលេខ ភ្នំពេញ 2L-2795 ធ្វើដំណើរ<br />ពីលិចទៅកើត តាមបណ្ដោយផ្លូវ ១៣៨ ក្នុងសង្កាត់ផ្សារ ដេប៉ូទី២ ខណ្ឌទួលគោក បើកបរដោយ<br /> បុរស ម្នាក់ មិនទាន់ស្គាល់អត្ដសញ្ញាណ លុះ ពេលធ្វើដំណើរ មកដល់មុខពហុព្យាបាល ឯកជន <br />យីហោ គឹមសុង និងទល់មុខក្លឹប ស្នូកឃ័រ ស្រាប់តែរថយន្ដ ជ្រុលទៅបុកម៉ូតូ ដែលកំពុងចតនៅមុខ<br />ក្លឹបបណ្ដាលឱ្យខូច ខាតទាំងស្រុង ។</p>
<p>សាក្សីនៅកន្លែងកើត ហេតុបានបន្ដទៀតថា ពេលនោះរថយន្ដ បាន បង្កើនល្បឿន ជ្រុលទៅបុកម៉ូតូ<br />រ៉ឺម៉ក ដឹកប្រហិត ១គ្រឿង ដែលនៅពីមុខ ហើយ បន្ដទៅបុកដើមឈើ ១ដើម នៅក្បែរនោះផងដែរ។ <br />បើតាមសាក្សីគ្រោះថ្នាក់ចរាចរនេះ បានសម្លាប់ស្ដ្រីជនជាតិវៀតណាមម្នាក់ ជាអ្នកលក់ប្រហិតមាន<br />ឈ្មោះ វិន ធីង៉ុក ។</p>
<p>ប្រភពព័ត៌មានពីសាក្សី ក្រោយបង្ក គ្រោះថ្នាក់ចរាចរ បណ្ដាលឱ្យមានមនុស្ស ស្លាប់ និងម៉ូតូចំនួន ៧<br />គ្រឿង រងការខូចខាតទាំងស្រុងរួចមក ស្រាប់តែប្រុងបើកគេចខ្លួន ប៉ុន្ដែ ត្រូវបានប្រជាពលរដ្ឋឡោម<br />ព័ទ្ធ និងឃាត់ខ្លួនអ្នកបើកបររូបនេះ ប្រគល់ឱ្យ សមត្ថកិច្ចតែម្ដង ។</p>
<p>នាយរងការិយាល័យ ចរាចរជើងគោក រាជធានីភ្នំពេញ លោក ប៉ែន ឃុន បានថ្លែង តាមទូរស័ព្ទថា <br />ក្រោយកើតហេតុកម្លាំង នគរបាលចរាចរ រាជធានី ភ្នំពេញ និងកម្លាំង សមត្ថកិច្ចមូលដ្ឋាន បានចុះ<br />ទៅជួយអន្ដរា គមន៍ភ្លាមៗ និងតាមរយៈការជួយពីប្រជា ពលរដ្ឋ ទើបឃាត់ខ្លួនអ្នកបើករថយន្ដបង្ក <br />ហេតុរូបនេះយកទៅសួរនាំបន្ដទៀត ។</p>
<p>បើតាមលោក ប៉ែន ឃុន គ្រោះថ្នាក់ ចរាចរខាងលើនេះ មិនទាន់ដឹងមូលហេតុ ពិតប្រាកនៅឡើយ<br />ទេ រង់ចាំការសាកសួរ អ្នកបើករថយន្ដបន្ដទៀត ហើយគ្រោះថ្នាក់ ចរាចរខាងលើ បណ្ដាលឱ្យស្ដ្រី<br />ជនជាតិវៀត ណាមម្នាក់ស្លាប់ និងម៉ូតូចំនួន ៧គ្រឿងរង ការខូចខាតទាំងស្រុង ព្រមទាំងបាក់ដើម <br />ឈើ១ដើមទៀត នៅក្បែរនោះ ។</p>
<p>សេចក្តីរាយការណ៍ចុងក្រោយ បានឲ្យដឹងថា អ្នកបើករថយន្តរូបនេះ មានឈ្មោះ ស្រេង តារា អាយុ<br />៤១ឆ្នាំ ជាមន្រ្តីយោធាពាក់ស័ក្តិ២ នៅទីបញ្ជា ការដ្ឋាន កងទ័ពជើងគោក ហើយក្រោយកើតហេតុ <br />ជននេះត្រូវបាន នាំខ្លួនទៅកាន់ការិយាល័យចរាចរណ៍ជើងគោក ដើម្បីចាត់ការបន្តទៀត៕</p>
<div style="text-align: center;"><object width="500" height="400" data="http://www.youtube.com/v/k8_PtwvTOew&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/k8_PtwvTOew&rel=1" /></object></div>
<div style="text-align: center;"></div>
<p style="text-align: center;"><img title="" src="http://image.dap-news.com:81/dap-news/dap-images/2013/May/id-078/Lay-126.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-127.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-128.jpg" alt="Photo by DAP-News" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-078/Lay-129.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>