<p>ប្ដីប្រពន្ធជនជាតិចិនមួយគូ រស់នៅដោយចំណាយប្រាក់មិនដល់ ៥យ័ន (ប្រហែលនឹង ១ដុល្លារ<br />អាមេរិក) ជារៀងរាល់ថ្ងៃ ក្នុងរយៈពេលជិត ៤ឆ្នាំ ដោយសារតែពួកគេត្រូវសន្សំប្រាក់ដើម្បីទិញ<br />ផ្ទះ។</p>
<p style="text-align: center;"><br /> <a class="thickbox" title="" href="/FileManager/Commons/2014/2/14/kj-14-02-2014--17-05-40.jpg"><img src="/FileManager/Articles/mce/2014/2/14/kj-14-02-2014--17-05-40.jpg" alt="" /></a><br />គូស្នេហ៍ Hao Ranran និង Qui Guoying (រូប ៖ CCTV)</p>
<p><br />Hao Ranran នារីមកពីខែត្រ Hebei និងលោក Qiu Guoying មកពីតំបន់ Inner Mongolia (Nei <br />Mongol) នៅប្រទេសចិន បានស្គាល់គ្នា នៅពេលធ្វើការជាមួយគ្នាក្នុងរោងចក្រមួយ ក្នុងខែត្រ <br />Hebei ។ មិត្តភ័ក្ដិរបស់អ្នកទាំងពីរ ប្រាប់ថា Hao Ranran និង Qiu Guoying ប្រឹងប្រែងធ្វើការ និង<br />ចេះសន្សំសំចៃខ្លាំងណាស់។<br /><br />នៅក្នុងកម្មវិធីទូរទស្សន៍មួយរបស់ CCTV នាង Hao Ranran ប្រាប់ថា ៖ “បន្ទាប់ពីមានទំនាក់<br />ទំនងស្នេហាជាមួយគ្នា ខ្ញុំដឹងថា ខ្ញុំមិនអាចបែកពីគាត់”។ ប៉ុន្ដែ គ្រួសាររបស់នាង Hao Ranran បាន<br />ជំទាស់នឹងទំនាក់ទំនងស្នេហារបស់ពួកគេ ព្រោះថា គ្រួសាររបស់ Qiu Guoying ជាអ្នកក្រីក្រ។</p>
<p>មិនយូរប៉ុន្មាន ពួកគេសម្រេចចិត្តរៀបការ។ ដោយសារតែជីវភាពក្រីក្រ ពេលរៀបការ លោក Qiu<br /> Guoying និង Hao Ranran ត្រូវដើរខ្ចីសម្លៀកបំពាក់ពីអ្នកភូមិ។ បើទោះជាមិនមានប្រាក់ តែ<br />ក្រោយពីបានរៀបការ Qiu នៅតែមានក្ដីស្រមៃមួយ គឺទិញផ្ទះមួយខ្នងសម្រាប់ជ្រោកកោន។ ដើម្បី<br />សម្រេចបានក្ដីស្រមៃនេះ Qiu និង Hao បានសន្យាជាមួយគ្នាថា នឹងខឹតខំរកប្រាក់ ដោយមិនទិញ<br />អីវ៉ាន់ និងហូបអាហារនៅខាងក្រៅ ឬដើរទេសចរណ៍។<br /><br />Hao ឱ្យដឹងថា ប្រាក់កក់ដើម្បីទិញផ្ទះមួយខ្នង តិចបំផុតគឺប្រហែល ១០០,០០០យ័ន(ប្រហែល <br />១៦,០០០ដុល្លារ)។ ដើម្បីមានប្រាក់កក់ អ្នកទាំងពីរ ត្រូវសន្សំ ៣,៥០០យ័ន (៥៧០ដុល្លារ)រាល់ខែ<br /> ក្នុងរយៈពេល ៣ឆ្នាំ។ តាមការគន់គូរ បន្ទាប់ពីបង់ប្រាក់ជួលផ្ទះ និងទិញរបស់ចាំបាច់ ពួកគេនៅ<br />សល់ប្រហែល ៥យ័ន (១ដុល្លារ) ដើម្បីចាយរាល់ថ្ងៃ។<br /><br />ចាប់ពីពេលនោះមក Qiu ធ្វើការយ៉ាងយកចិត្តទុកដាក់ មិនថា ថ្ងៃឬយប់ ទន្ទឹមនឹងការសន្សំសំចៃ។ <br />និយាយបណ្ដើរ ហូរទឹកភ្នែកបណ្ដើរ Hao ថ្លែងថា ពេលខ្លះ ខ្លួនត្រូវដាច់ចិត្ត សុំបន្លែសល់ពីអ្នកលក់<br /> ដើម្បីយកមកធ្វើម្ហូបទៀតផង។</p>
<p style="text-align: center;"><a class="thickbox" title="" href="/FileManager/Commons/2014/2/14/1usd1-14-02-2014--17-06-50.jpg"><img src="/FileManager/Articles/mce/2014/2/14/1usd1-14-02-2014--17-06-50.jpg" alt="" /></a></p>
<p><br />រយៈពេល ប្រហែល ៤ឆ្នាំនៃការសន្សំសំចៃ Qiu ក៏មានប្រាក់គ្រប់គ្រាន់ ដើម្បីកក់ និងបានក្លាយ<br />ជាម្ចាស់ផ្ទះមួយខ្នង។ អ្នកទាំងពីរ បានរើចូលនៅផ្ទះថ្មីរបស់ខ្លួន ដោយក្ដីរីករាយជាទីបំផុត ហើយ<br />ដើម្បីសំចៃប្រាក់ ពួកគេក៏បានសុំឱ្យមិត្តភ័ក្ដិមកជួយបញ្ជូនអីវ៉ាន់ និងរៀបចំក្នុងផ្ទះថ្មីនេះ។</p>
<p>ថ្ងៃដំបូងដែលពួកគេបានរើមកផ្ទះថ្មី Qiu បានសុំទោស Hao ដោយសារតែបានធ្វើឱ្យនាងត្រូវរង់ចាំ<br />យូរ ហើយក៏ប្រគល់សោផ្ទះ ដែលដាក់នៅក្នុងប្រអប់រាងបេះដូង ទៅឱ្យប្រពន្ធសំណព្វរបស់ខ្លួន។ <br />ក្រៅពីនេះ ដោយរំភើបចិត្តនៅពេលបានយល់ពីការតស៊ូរបស់ប្រពន្ធ Qiu ក៏បានជូនកាដូពិសេស<br />ដល់នាង នោះគឺរូបថតមួយចំនួន ដែលអ្នកទាំងពីរបានថតជាមួយគ្នា ក្នុងអំឡុងពេលច្រើនឆ្នាំកន្លង។<br /> នៅលើរូបថតនិមួយៗ សុទ្ធតែមានសរសេរខ្លឹមសារ គួរឱ្យរំភើប៕</p>
<p> </p>
<p><strong>អត្ថបទសំខាន់ៗ ៖</strong> </p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/64051/life-in-the-world%E2%80%99s-coolest-area-yakutsk"><span style="color: #3366ff;">ជីវិតរបស់ពលរដ្ឋ ក្នុងតំបន់ត្រជាក់បំផុត ក្នុងពិភព </span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/89715/ingvar-kamprad--matchstick-seller-become-billionaire"><span style="color: #3366ff;">កុមារាលក់ឈើគូស ក្លាយជាមហាសេដ្ឋី មានទ្រព្យជាង ៥ម៉ឺនលានដុល្លារ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/65971/toy-story-how-tycoon-lam-leung-tim-built-his-empire"><span style="color: #3366ff;">ពីកសិករក្រក្រី ក្លាយជាមហាសេដ្ឋី នៃវិស័យ តុក្កតាជ័រ នៅហុងកុង</span></a></span></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ VE/Asiaone<br /><br /></p>