<p><strong>ភ្នំពេញ៖ </strong>អនុវត្តតាមលិខិតលេខ ២៧ លស.ចសម.គរម. ចុះថ្ងៃទី២២ ខែកុម្ភៈ ឆ្នាំ២០១១<br />របស់សាលារាជធានីភ្នំពេញ និងសេចក្តីសំរេចលេខ ២៣៧ សជណ. ចុះថ្ងៃទី០១ ខែមីនា <br />ឆ្នាំ២០១១ របស់ទីស្តីការ គណៈរដ្ឋមន្ត្រី សាលារាជធានីភ្នំពេញ បានកសាង សំណុំរឿង<br />រថយន្តមួយចំនួន ដែលបង្កគ្រោះថ្នាក់ ធ្វើអោយខូចខាតទ្រព្យសម្បត្តិរដ្ឋ ទៅសាលាដំបូង<br />រាជធានីភ្នំពេញដើម្បីចាត់វិធានការតាមផ្លូវច្បាប់។</p>
<p><a class="thickbox" title="" href="/FileManager/Commons/2012/6/12/break-car-08062012-1-133912396542078-12-06-2012--09-44-09.jpg"><img src="/FileManager/Articles/mce/2012/6/12/break-car-08062012-1-133912396542078-12-06-2012--09-44-09.jpg" alt="" width="465" height="334" /></a></p>
<p>គួរបញ្ជាក់ផងដែលថា រថយន្តដែលបង្កឲ្យខូចខាតទ្រព្យសម្បត្តិ សាធារណៈរបស់រដ្ឋ ត្រូវ<br />បានយកមករក្សាទុកនៅសាលារាជធានីភ្នំពេញ ចាប់តាំង ពីថ្ងៃទី២១ ខែឧសភា ឆ្នាំ២០០៩ <br />ដល់ថ្ងៃទី៥ ខែមិថុនាឆ្នាំ២០១២ រថយន្តបង្កហេតុធ្វើអោយខូចខាតទ្រព្យសម្បត្តិសាធារណៈ <br /> សរុបមានចំនួន ៣៩២គ្រឿង(ក្នុង<strong></strong>ឆ្នាំ២០១១ មានរថយន្តបង្ក ហេតុចំនួន១២២ករណី)ធ្វើឲ្យ<br />ខូចខាត ខឿនថ្មបែងចែកចរាចរណ៍រនាំងដែកបែងចែក ចរាចរណ៍ បង្គោលភ្លើង បង្គោភ្លើង<br />ស្តុប បង្កាន់ដៃស្ពាន ដើមឈើ របងសក្យ មុនីចេតីយ៍ វិមានឯករាជ្យ និងសួនច្បារជាដើម។</p>
<p><a class="thickbox" title="" href="/FileManager/Commons/2012/6/12/break-car-08062012-2-133912397632178-12-06-2012--09-44-54.jpg"><img src="/FileManager/Articles/mce/2012/6/12/break-car-08062012-2-133912397632178-12-06-2012--09-44-54.jpg" alt="" width="476" height="342" /></a></p>
<p>ដោយឡែក សម្រាប់ ០៥ខែ ដើមឆ្នាំ២០១១ មានករណី គ្រោះថ្នាក់បង្កឱ្យ ខូចទ្រព្យសម្បត្តិ<br />សាធារណៈកើតឡើង ៥០ករណី ហើយ០៥ខែ ដើមឆ្នាំ ២០១២ ដូចគ្នានេះ មានករណីកើត<br />ឡើងចំនួន ៧៩ករណី បើយើងធ្វើការប្រៀបធៀប ឃើញថាមានការកើនឡើង ២៩ករណី<br /> ដែលនេះជាប្រការមួយ គួរយកចិត្តទុកដាក់សម្រាប់អ្នកបើកបរគ្រប់រូប ព្រោះ មូលហេតុនៃ<br />គ្រោះថ្នាក់ដោយសារតែអ្នកបើកបរទាំងនោះបើកលឿនហួសល្បឿនកំណត់ធ្វេសប្រហែស<br /> ស្រវឹងនៅពេលបើកបរ ពិសេសបើកបរមិនគោរពច្បាប់ចរាចរណ៍។</p>
<p>ដូច្នេះសាលារាជធានីភ្នំពេញ សូមអំពាវនាវដល់បងប្អូនប្រជាពលរដ្ឋ ដែលបើកបររថយន្ត<br />គ្រប់ប្រភេទ មេត្តាគោរព ច្បាប់ចរាចរណ៍ ដើម្បីចៀសវាងបង្ក អោយមានគ្រោះថ្នាក់ដល់<br />អាយុជីវិត ទ្រព្យសម្បត្តអ្នកដទៃ និងទ្រព្យសម្បត្តិ សាធារណៈ ហើយនាំគ្នាចូលរួម គោរព<br />ច្បាប់ចរាចរណ៍ទាំងអស់គ្នា ស្របតាមពាក្យមួយឃ្លាថា បើស្រឡាញ់ជីវិតអ្នក ត្រូវបើកបរ<br />គោរពច្បាប់ចរាចរណ៍៕</p>
<p><a class="thickbox" title="" href="/FileManager/Commons/2012/6/12/break-car-08062012-4-133912400072668-12-06-2012--09-45-47.jpg"><img src="/FileManager/Articles/mce/2012/6/12/break-car-08062012-4-133912400072668-12-06-2012--09-45-47.jpg" alt="" width="519" height="374" /></a></p>
<p style="text-align: right;">ដោយ៖ វណ្ណៈ<br />ប្រភព៖ phnompenh</p>