<div class="article-content">
<p><strong>កំពង់ឆ្នាំង ៖</strong> សពបុរសជាអ្នកនេសាទម្នាក់ មានសភាពហើមស្អុយរលួយ ត្រូវបានគេប្រទះ<br /> ឃើញអណ្តែត ទឹកមកទើនឹងកំប្លោក ស្ថិតក្នុងភូមិសាស្ត្រភូមិក្បាលដំរី ឃុំត្រពាំងចាន់ ស្រុក<br />បរិបូណ៌ ខេត្តកំពង់ឆ្នាំង នៅពីព្រឹកថ្ងៃទី១៣ ខែសីហា ឆ្នាំ២០១៣ ។</p>
<p>ប្រជាពលរដ្ឋបានអះអាងថា សពជនរងគ្រោះ មានឈ្មោះ អ៊ួន សី ភេទប្រុស អាយុ ២៣ឆ្នាំ <br />នៅភូមិតាក្រៀម ឃុំអន្លង់សំណ ស្រុកជីក្រែង ខេត្តសៀមរាប ។</p>
<p>ប្រជាពលរដ្ឋ ជាអ្នកនេសាទដូចគ្នា បានឲ្យដឹងថា ជនរងគ្រោះបានបាត់ខ្លួន តាំងពីថ្ងៃទី៦ <br />ខែសីហា មកម៉្លេះខណៈពួកគាត់ដែលជាអ្នកនេសាទបានសណ្តោងទូកគ្នា ពីខេត្តសៀមរាប<br /> ដើម្បីមកនេសាទត្រី នៅក្នុងភូមិ សាស្រ្តឃុំត្រពាំងចាន់ ស្រុកបរិបូរណ៌ ខេត្តកំពង់ឆ្នាំង ។ <br />ពេលដែលសណ្តោងទូកគ្នានោះ អ្នកជិះកាណូត ខាងមុខពុំបានងាកមើលក្រោយ លុះពេល<br />មកដល់កន្លែងគោលដៅ ដែលត្រូវសម្រាក បាត់ជនរងគ្រោះមិន ឃើញនៅលើទូក ក៏នាំគ្នា<br />ផ្អើលឆោឡោបំបែកគ្នាជិះទូកកាណូតដើររកជនរងគ្រោះមិនឃើញរហូតដល់ ព្រឹកថ្ងៃទី១៣<br /> ខែសីហា ឆ្នាំ២០១៣នេះ ទើបប្រជាពលរដ្ឋប្រទះឃើញសពបុរសខាងលើដែលមានសភាព <br />ហើមស្អុយរលួយទៅហើយ និងបានរាយការណ៍ទៅសមត្ថកិច្ចឲ្យចុះមកពិនិត្យតែម្តង ។</p>
<p>បើតាមការសន្និដ្ឋាន របស់សមត្ថកិច្ចមូលដ្ឋានបានឲ្យដឹងថា ករណីនេះមិនមែនជាករណី<br />ឃាតកម្មនោះទេ គឺជនរងគ្រោះ អាចធ្លាក់ទឹកលង់ស្លាប់ ដោយសារខ្យល់គគ្មានអ្នកដឹង។<br /> សពជនរងគ្រោះ ក្រោយពីពិនិត្យ រួចរាល់ សមត្ថកិច្ចបានប្រគល់ទៅឲ្យក្រុមគ្រួសារ ដើម្បី<br />យកទៅធ្វើបុណ្យតាមប្រពៃណី ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-015/T-0271.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0272.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>