<p>ក្រុមហ៊ុនការពារសុវត្ថិភាពប្រព័ន្ធបច្ចេកវិទ្យា McAfee បានកត់សម្គាល់ឃើញថា មានករណីអ្នក<br />ប្រើប្រាស់ទាញយកខ្សែភាពយន្ដ The Interview ប៉ុន្ដែ ត្រូវជួបនឹងមេរោគ នៅពេលពួកគេចុចលើ<br />តំណភ្ជាប់ដែលមានកូដអាក្រក់ អាចលួចយកគណនីធនាគារ។</p>
<p>The Interview កំពុងត្រូវបានគេចាប់អារម្មណ៍ជាខ្លាំង នាបច្ចុប្បន្ន ក្នុងនោះ ក៏មានក្រុម hacker <br />ឬ ចោរអ៊ីនធឺរណែត។ ការចំណាយប្រាក់ ៤៤លានដុល្លារអាមេរិក ដើម្បីផលិតខ្សែភាពយន្ដនេះ <br />ហើយ ដាក់បញ្ចាំងវានៅលើប្រព័ន្ធអ៊ីនធឺរណែត គឺជារឿងពិបាកនឹងកើតឡើង។ ប្រការនេះ មិន<br />ត្រឹមតែធ្វើឱ្យក្រុមហ៊ុន Sony ត្រូវខាតបង់ប្រាក់កាស់ច្រើននោះទេ តែវាក៏អាចមានបង្កប់នូវបញ្ហា<br />ជាច្រើន ទាក់ទិននឹងសុវត្ថិភាពទិន្នន័យ ពិសេសគឺចំពោះអ្នកប្រើប្រាស់ Android។ </p>
<p style="text-align: center;"><a class="thickbox" title="" href="/FileManager/Commons/2014/12/30/the-interview-e1419443261139jpgiodg-30-12-2014--15-31-11.jpg"><img src="/FileManager/Articles/mce/2014/12/30/the-interview-e1419443261139jpgiodg-30-12-2014--15-31-11.jpg" alt="" /></a></p>
<p>ជនទុច្ចរិត នឹងប្រើប្រាស់ភាពល្បីល្បាញរបស់ The Interview ហើយដាក់មេរោគទៅក្នុង តំណ ភ្ជាប់ដែលអនុញ្ញាតឱ្យអ្នកទាញយកវីដេអូនៃខ្សែភាពយន្ដហោះ ក្នុងបំណងលួចយកទិន្នន័យ <br />បន្ទាប់ពីមេរោគ បានឆ្លងដល់កុំព្យូទ័ររបស់អ្នក។</p>
<p>បញ្ហាខាងលើនេះ បានកើតឡើងពិតប្រាកដ។ រយៈពេលមិនដល់ ៤ថ្ងៃ បន្ទាប់ពី The Interview<br /> ត្រូវបានបង្ហាញខ្លួននៅលើអ៊ីនធឺរណែត ក្រុមហ៊ុន McAfee រួមនឹងដៃគូរបស់ខ្លួន បានរកឃើញមេ<br />រោគ malware មួយប្រភេទ ដែលត្រូវគេដាក់ភ្ជាប់ជាមួយនឹងតំណភ្ជាប់ខុសច្បាប់ ដែលអនុញ្ញាត<br />ឱ្យអ្នកប្រើប្រាស់ អាចទាញយកខ្សែភាពយន្ដ The Interview ។ មេរោគនេះ មានសមត្ថភាពលួច<br />យកព័ត៌មាន ឬគណនីធនាគាររបស់អ្នកប្រើប្រាស់។ បច្ចុប្បន្ន មេរោគនេះ ទើបតែត្រូវបានគេរក<br />ឃើញនៅក្នុងប្រទេសកូរ៉េខាងត្បូង ប៉ុន្ដែ វាអាចនឹងបន្តរីករាលដាល់នៅទូទាំងពិភពលោក ប្រសិន<br />មិនមានការទប់ស្កាត់។</p>
<p>អ្នកប្រើប្រាស់អ៊ីនធឺរណែតទាំងឡាយ ប្រាកដជាជ្រើសរើសវិធីមិនអស់ប្រាក់ ដើម្បីបានទស្សនា<br />ខ្សែភាពយន្ដ The Interview ដែលបច្ចុប្បន្ន ត្រូវបានក្រុមហ៊ុន Sony ដាក់ជួលក្នុងតម្លៃ ៦ដុល្លារ<br />អាមេរិក និងលក់ក្នុងតម្លៃ ១៥ដុល្លារអាមេរិក នៅកាណាដា និងអាមេរិក ដូច្នេះ ជនទុច្ចរិត បាន<br />ក្ដាប់យកឱកាសនេះ បំណងអាក្រក់របស់ខ្លួន។ ពួកគេបានប្រើប្រាស់រូបថតរបស់ខ្សែភាពយន្ដ <br />The Interview និងការអញ្ជើញទាញយកនូវសបវ៉ែរ ដែលមានឈ្មោះថា Android/Badaccents ។<br /> ប៉ុន្ដែ ពេលបានចូលដល់ស្មាតហ្វូន ឬកុំព្យូទ័រ វានឹងលួចយកព័ត៌មានឯកជនរបស់អ្នកប្រើប្រាស់ <br />ហើយជាលទ្ធផល អ្នកអាចនឹងបាត់បង់ប្រាក់ពីគណនីធនាគារ។</p>
<p>យោងតាមរបាយការណ៍ចុងក្រោយ បច្ចុប្បន្ន មានឧបករណ៍ Android ច្រើនជាង ២០.០០០គ្រឿង បានទទួលរងផលអាក្រក់ពីមេរោគខាងលើនេះ។ អ្នកអាចមើលទៅលើបណ្ដារូបភាពខាងក្រោម <br />ដើម្បីជៀសវាងបញ្ហា។</p>
<p style="text-align: center;"><a class="thickbox" title="" href="/FileManager/Commons/2014/12/30/the-interview-e1419443261139jpgkla-30-12-2014--15-34-08.jpg"><img src="/FileManager/Articles/mce/2014/12/30/the-interview-e1419443261139jpgkla-30-12-2014--15-34-08.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/12/30/the-interview-e1419443261139jpgklajpgkig-30-12-2014--15-34-29.jpg"><img src="/FileManager/Articles/mce/2014/12/30/the-interview-e1419443261139jpgklajpgkig-30-12-2014--15-34-29.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/12/30/the-interview-e1419443261139jpgikadg-30-12-2014--15-34-48.jpg"><img src="/FileManager/Articles/mce/2014/12/30/the-interview-e1419443261139jpgikadg-30-12-2014--15-34-48.jpg" alt="" /></a></p>
<p style="text-align: center;">រូបថតពីអេក្រង់ទូរស័ព្ទ បង្ហាញអំពីការទាញយកវីដេអូ The Interview <br />ដែលមានមេរោគ</p>
<p>ម្យ៉ាងទៀត អ្នកមិនត្រូវប្រើប្រាស់តំណភ្ជាប់ ឬទាញយកខ្លឹមសារអ្វីមួយពីអ៊ីនធឺរណែត ដោយមិន<br />ដឹងប្រភពច្បាស់នោះទេ ពោលគឺត្រូវធ្វើឱ្យស្របច្បាប់ ទើបជាការប្រសើរ។ បច្ចុប្បន្ន ខ្សែភាពយន្ដ<br /> The Interview របស់ Sony កំពុងត្រូវបានដាក់លក់នៅលើ iTunes , Google Play និង Youtube ។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Androidheadline</p>