<p><span style="color: #000000;"><strong>ភ្នំពេញ ៖</strong> យុវជន២នាក់ បានរងរបួសធ្ងន់ និងស្រាល ខណៈដែលពួកគេជិះម៉ូតូមួយគ្រឿង ឌុបគ្នា មកដល់ចំណុចផ្លូវ កែង ក៏ត្រូវរថយន្ត CRV មួយគ្រឿងដែលបើកបរដោយនារីម្នាក់ ជ្រុលទៅបុកពេញទំហឹង ចំណែកម៉ូតូរងការខូចខាត ភាគីរថយន្តសង ៤០ដុល្លារបញ្ចប់រឿង ។ ហេតុការណ៍នេះបានកើតឡើង កាលពីវេលាម៉ោង ៨ និង ៤០នាទីយប់ ថ្ងៃ ទី២៦ ខែមីនា ឆ្នាំ២០១៥ តាមបណ្តោយផ្លូវលេខ ៣៦០ កែងនឹងផ្លូវលេខ១៦៣ ស្ថិតក្នុងសង្កាត់បឹងកេងកង ទី៣ ខណ្ឌចំការមន ។</span></p>
<p><span style="color: #000000;">ប្រភពព័ត៌មាន បានឱ្យដឹងថា មុនពេលកើតហេតុ គេបានឃើញយុវជន ២នាក់ ជិះម៉ូតូឌ្រីមសេ ១២៥ ស៊េរី ២០១០ ពណ៌ខ្មៅ ពាក់ស្លាកលេខភ្នំពេញ 1BA-7208 ជិះឌុបគ្នា តាមបណ្តោយផ្លូវលេខ៣៦០ ទិសដៅពីកើតទៅលិចលុះមក ដល់កែងនឹងផ្លូវលេខ១៦៣ ក៏ស្រាប់តែមានរថយន្ត CRV ពណ៌ទឹកប្រាក់ពាក់ស្លាកលេខភ្នំពេញ 2D-1884 បើកក្នុង ល្បឿនយ៉ាងលឿន ជ្រុលបុកម៉ូតូពេញទំហឹង បណ្តាលឱ្យអ្នកជិះម៉ូតូទាំង ២នាក់ របួសធ្ងន់ និងស្រាល ។</span></p>
<p><span style="color: #000000;">ប្រភពបន្តថា ភាគីទាំងសងខាង បានធ្វើការសម្របសម្រួលគ្នា ដោយភាគីខាងរថយន្ត CRV សងនូវថ្លៃព្យាបាល និង ខូចខាតម៉ូតូចំនួន ៤០ដុល្លារ ចំណែកភាគីខាងម៉ូតូ ក៏ព្រមទទួល ព្រោះមិនចង់មានរឿងវែងឆ្ងាយបន្តទៀត ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/27/3-27-2015-4-30-55-pm-27-03-2015--16-36-17.png"><img src="/FileManager/Articles/mce/2015/3/27/3-27-2015-4-30-55-pm-27-03-2015--16-36-17.png" alt="" /></a></span></p>
<p><a class="thickbox" title="" href="/FileManager/Commons/2015/3/27/3-27-2015-4-31-24-pm-27-03-2015--16-36-35.png"><img src="/FileManager/Articles/mce/2015/3/27/3-27-2015-4-31-24-pm-27-03-2015--16-36-35.png" alt="" /></a></p>
<p><a class="thickbox" title="" href="/FileManager/Commons/2015/3/27/3-27-2015-4-31-35-pm-27-03-2015--16-36-48.png"><img src="/FileManager/Articles/mce/2015/3/27/3-27-2015-4-31-35-pm-27-03-2015--16-36-48.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>