<div class="article-content">
<p><strong>កំពត ៖</strong> អ្នកធ្វើដំណើរតាមរថយន្ដកាមរី ចំនួន៤នាក់ ក្នុងចំណោម ៧នាក់ បានរងរបួសធ្ងន់ស្រាល<br /> ក្នុងនោះមានក្មេងម្នាក់ ក្រោយពីពួកគេបានជួបគ្រោះថ្នាក់ចរាចរ ដោយសារ តែរថយន្ដដែលពួកគេ<br />ជិះបានបុករថយន្ដលុច្ស ស៊ីស៤៧០ ដែលកំពុងធ្វើដំណើរ ចុះមកពី លើភ្នំបូកគោ ហើយបត់នៅផ្លូវ<br />បំបែក កាល ពីវេលាម៉ោង១០និង៣០នាទីព្រឹកថ្ងៃទី១៤ ខែសីហា ឆ្នាំ២០១៣ ស្ថិតនៅផ្លូវបំបែកចុះ <br />ពីលើភ្នំបូកគោ ស្រុកទឹកឈូ ខេត្ដកំពត ។</p>
<p>យោងតាមប្រភពព័ត៌មានពីសមត្ថកិច្ចមូល ដ្ឋានបានឱ្យដឹងថា នៅវេលាម៉ោងកើតហេតុ នោះ មាន<br />រថយន្ដលុច្សស៊ីសមួយគ្រឿង ស៊េរី៤៧០ ពណ៌ស្ករ ពាក់ស្លាកលេខ ភ្នំពេញ 2C-4549 បើកដោយ<br />លោកថាម ស៊ុន អាយុ៤៣ឆ្នាំ រស់នៅម្ដុំផ្សារដេប៉ូ ក្នុងខណ្ឌទួលគោក បានធ្វើដំណើរចុះពីលើភ្នំបូក<br />គោ ពេល ដល់ផ្លូវបំបែក ក៏បានបត់ រថយន្ដចូលទៅហូប បាយ ស្រាប់តែពេលនោះ រថយន្ដកាមរី <br />មួយ គ្រឿង ពាក់ស្លាកលេខ ភ្នំពេញ 2E-6685 ដែលធ្វើដំណើរ ក្នុងទិសដៅពីខេត្ដតាកែវ ឆ្ពោះទៅ<br />ក្រុង ព្រះសីហនុ មកដល់ក៏បានបុក គ្នាពេញមួយទំហឹង បណ្ដាលឱ្យរថយន្ដកាមរី ក្រឡាប់ផ្ងាជើង<br />ឡើងលើ ។</p>
<p>សមត្ថកិច្ចបានបន្ដថា ក្រោយពីរថយន្ដ កាមរី បានក្រឡាប់ផ្ងារជើង បណ្ដាលឱ្យអ្នក ជិះនៅក្នុង<br />រថយន្ដចំនួន៣នាក់រងរបួសធ្ងន់ និងម្នាក់ទៀតរងរបួសស្រាល ក្នុងនោះមាន ក្មេងប្រុសម្នាក់ ប៉ុន្ដែ<br />ជនរងគ្រោះទាំងនេះ មិនទាន់ត្រូវបានសមត្ថកិច្ច បញ្ជាក់ពីអត្ដ សញ្ញាណនៅឡើយទេ ។</p>
<p>ប្រភពព័ត៌មានពីសមត្ថកិច្ចបានបន្ដទៀត ថា រថយន្ដទាំងពីរគ្រឿង ដែលរងការខូច ខាតទាំងសង<br />ខាង ត្រូវបានសមត្ថកិច្ចយក ទៅ រក្សាទុកដើម្បីដោះស្រាយតាមផ្លូវច្បាប់ ខណៈដែលជនរងគ្រោះ<br />ដែលរងរបួសធ្ងន់ ស្រាល ត្រូវបានដឹកបញ្ជូនទៅកាន់មន្ទីរពេទ្យ ភ្លាមៗផងដែរ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0327.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0328.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0329.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0330.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>