<div class="article-content">
<p><strong>ភ្នំពេញ៖</strong> ក្នុងរយៈពេល យ៉ាងយូរ ១ខែទៀត ពោលគឺចុងខែមិថុនា ឆ្នាំ២០១៣ ខាងមុខនេះ រាជ<br />ធានីភ្នំពេញ នឹងមានអគ្គិសនី ផ្គត់ផ្គង់គ្រប់គ្រាន់ ដើម្បីបង្ក លក្ខណៈកាន់តែងាយស្រួល ចំពោះ<br />អ្នករស់នៅ ក្នុងរាជធានីភ្នំពេញ ក៏ដូចជាអ្នកប្រកបមុខរបរ រកស៊ីផងដែរ។</p>
<p>អគ្គនាយកអគ្គិសនីកម្ពុជា លោក កែវ រតនៈ បានធ្វើការអះអាងបែបនេះ នៅក្នុងសន្និសីទ ក្រោយ<br />កិច្ចប្រជុំ ថ្នាក់ដឹកនាំអគ្គិសនី នៃប្រទេសអាស៊ាន ដែលមានការចូលរួមពីប្រទេស ដែលជាសមាជិក<br />អាស៊ាន លេខាធិការដ្ឋានអាស៊ាន និងមជ្ឈមណ្ឌលថាមពលអាស៊ាន នៅរសៀលថ្ងៃទី២៣ ខែឧសភា<br /> ឆ្នាំ២០១៣ នាសណ្ឋាគារណាហ្គាវើល រាជធានីភ្នំពេញ។</p>
<p>លោក កែវ រតនៈ បានឲ្យដឹងថា ក្នុងអំឡុងយ៉ាងយូរ មិនដល់១ខែទៀតទេ រាជធានីភ្នំពេញ នឹងមាន<br />អគ្គិសនីផ្គត់ផ្គង់គ្រប់គ្រាន់ ដែលលែងមានបញ្ហា ក្នុងការដាច់ញឹកញាប់នោះទៀតហើយ ក្រោយពេល<br />ដែលកម្លាំង ៥០មេហ្គាវ៉ាត់ ធ្យូងថ្ម ដែលចេញពីខេត្តព្រះសីហនុ ត្រូវបានធ្វើរួចរាល់។</p>
<p>លោក កែវ រតនៈ បានបន្តថា «និយាយដោយឡែក នៅក្នុងឆ្នាំ២០១៣នេះ យើងពិបាកប្រហែលជា<br /> ១ខែទៀតសោះ សំរាប់ប្រព័ន្ធអគ្គិសនី នៅក្នុង ទីក្រុងភ្នំពេញ ដោយប្រព័ន្ធអគ្គិសនី នៅក្នុងទីក្រុង<br />ភ្នំពេញ ត្រូវគ្របដណ្តប់ លើប្រព័ន្ធភ្នំពេញខ្លួនឯងផង ខេត្តកំពង់ស្ពឺ ខេត្តកណ្តាល ហើយនិង ជាយៗ<br />ក្រុង។ ប្រព័ន្ធនេះគឺថា ១ខែទៀតយ៉ាងយូរ នឹងលែងជួបបញ្ហា នៅពេលដែល៥០មេហ្គាវ៉ាត់ ធ្យូងថ្ម<br />របស់យើង ចេញមកពីខេត្តព្រះសីហនុ ដែលត្រូវចេញ នៅក្នុងប៉ុន្មានអាទិត្យ ខាងមុខនេះ»។</p>
<p>សម្រាប់ប្រជាពលរដ្ឋ ដែលកំពុងរស់នៅក្នុងរាជធានីភ្នំពេញ ដំណឹងនេះ គឺជារឿងដែលល្អប្រសើរ<br />បំផុត សម្រាប់ពួកគាត់ ពីព្រោះថា ប្រព័ន្ធអគ្គិសនី ដែលកំពុងតែដំណើរការផ្គត់ផ្គង់ ក្នុងរាជធានី<br />ភ្នំពេញ នាពេលបច្ចុប្បន្ននេះ គឺមិនទាន់គ្រប់គ្រាន់នៅឡើយទេ ដោយសារតែមានតំបន់ខ្លះ បាន<br />ដាច់ ភ្លើងជាញឹកញាប់ ដែលបង្កលក្ខណៈលំបាក សំរាប់ការរស់នៅ ក៏ដូចជាការប្រកបមុខរបរ រក<br />ស៊ីរបស់ពួកគាត់។ ទាំងអស់នេះហើយ ជាសមិទ្ធផល ដែលកើតឡើង ពីការខិតខំប្រឹងប្រែង របស់<br />រាជរដ្ឋាភិបាលកម្ពុជា ក្រោមការដឹកនាំ ដោយសម្តេចតេជោ ហ៊ុន សែន នាយករដ្ឋមន្រ្តី នៃប្រទេស<br /> កម្ពុជា៕</p>
<p style="text-align: center;"><img src="http://111.92.240.170:81/dap-news/dap-images/2013/May/id-037/S3853.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>