<p style="text-align: left;">នៅក្នុងពិធីបុណ្យសែនក្បាលទឹក របស់ជនជាតិចិនឆ្នាំនេះ គេកត់សម្គាល់ឃើញថា ក្រដាសប្រាក់<br />ដែលមានតម្លៃរាប់សិបលានដុល្លារ បានកើនឡើងដល់រាប់ពាន់លានដុល្លារ ហើយនេះគឺដោយ<br />សារអតិផរណានៅឋាននរក។<br /><br />ទំនិញដែលលក់ដាច់បំផុតនៅក្នុងហាងលក់សម្ភារៈស្រោបពណ៌មាស នៅហុងកុង ឆ្នាំនេះ គឺជា<br />ប្រភេទក្រដាសប្រាក់ដែលមានតម្លៃ ១ពាន់លានដុល្លារ ដែលមាន ៨ពណ៌។ ក្រៅពីក្រដាសប្រាក់<br /> ផ្ទះវីឡា រថយន្ដទំនើប សម្ភារៈសម្រាប់ដុតបញ្ជូនទៅកាន់ឋាននរក ក៏មានទាំងឧបករណ៍បច្ចេកវិទ្យា<br /> ដូចជា iPhone និង iPad ផងដែរ។</p>
<p style="text-align: center;"><br /><a class="thickbox" title="" href="/FileManager/Commons/2013/8/22/១-22-08-2013--15-43-55.gif"><img style="display: block; margin-left: auto; margin-right: auto;" src="/FileManager/Articles/mce/2013/8/22/១-22-08-2013--15-43-55.gif" alt="" /></a>រូបទេវតាមួយអង្គត្រូវបានធ្វើឡើងអំពីក្រដាសប្រាក់ស្រោបពណ៌មាស</p>
<p style="text-align: left;">មុននេះ ប្រាក់សម្រាប់ “ចាយ” នៅឋាននរក របស់ចិន តែងជាក្រដាសប្រាក់ប្រភេទមានតម្លៃទាប<br /> ប៉ុន្ដែស្ថានភាពមានការផ្លាស់ប្ដូរ ក្នុងអំឡុងជាង ១០ឆ្នាំមកនេះ។ ប្រភេទក្រដាសប្រាក់នេះ បាន<br />កើនឡើងពីរាប់សិបលាន ដល់រាប់ពាន់លាន និងរហូតដល់រាប់សែនពាន់លាន។ បកស្រាយអំពី<br />បញ្ហានេះ អ្នកវិភាគជាច្រើនឱ្យដឹងថា នេះគឺដោយសារថាអ្នកស្លាប់ក៏ចង់បង្ហាញពីភាពមានបាន ហើយកូនចៅរបស់អ្នកដែលបានបាត់បង់ជីវិត នៅតែជឿថា ញាតិការរបស់ខ្លួន ត្រូវការប្រាក់ច្រើន<br />ដើម្បីទិញផ្ទះ ទិញរថយន្ដ និងទិញឧបករណ៍បច្ចេកវិទ្យានៅឯឋានក្រោម។<br /><br />លោក Timothy Hau អ្នកជំនាញការសេដ្ឋកិច្ចនៃសកលវិទ្យាល័យហុងកុង ថ្លែងថា ៖ “យើងកំពុងតែបានឃើញនូវបញ្ហាអតិផរណារបស់ឋាននរក។ អ្វីៗទាំងអស់ ហាក់ដូចនៅ Zimbabwe ”។</p>
<p style="text-align: center;"><br /><a class="thickbox" title="" href="/FileManager/Commons/2013/8/22/២-22-08-2013--15-44-34.gif"><img style="display: block; margin-left: auto; margin-right: auto;" src="/FileManager/Articles/mce/2013/8/22/២-22-08-2013--15-44-34.gif" alt="" /></a>ហាងលក់សម្ភារៈធ្វើបុណ្យនៅហុងកុង</p>
<p style="text-align: left;">អតិផរណានៅឋាននរក បានបង្ហាញយ៉ាងច្បាស់នូវអ្វីដែលបានកើតឡើងនាពេលបច្ចុប្បន្ន នៅ<br />ឋានមនុស្ស។ ប៉ុន្មានឆ្នាំមកនេះ គេអាចកត់សម្គាល់ឃើញថា តម្លៃទំនិញគ្រប់មុខបានឡើងថ្លៃ <br />ចំណែកសម្ភារៈស្រោបពណ៌មាស ដូចជាផ្ទះ រថយន្ដ ម៉ាស៊ីនត្រជាក់ សម្រាប់ផ្ញើទៅកាន់ឋាននរក<br /> គឺសុទ្ធសឹងតែធ្វើអំពីក្រដាស។<br /><br /><a class="thickbox" title="" href="/FileManager/Commons/2013/8/22/៣-22-08-2013--15-45-24.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/22/៣-22-08-2013--15-45-24.jpg" alt="" width="397" height="238" /></a></p>
<p style="text-align: center;">ក្រដាសប្រាក់ដែលមានលេខសូន្យដ៏ច្រើនខ្ទង់នេះ បញ្ជាក់ពីអតិផរណា នៅឋាននរក<br /><br /></p>
<p style="text-align: left;">ទោះជាយ៉ាងនេះក្ដី ប្រជាជនមួយចំនួនរបស់ហុងកុង មិនយល់ស្របចំពោះទម្លាប់ដុតក្រដាស<br />ប្រាក់ ដើម្បីបញ្ជូនទៅកាន់ឋាននរកនោះទេ។ លោក Kenny Cheung អាយុ ៥០ឆ្នាំ ប្រធានក្រុម<br />ហ៊ុនសេវាកម្មរៀបចំពិធីបុណ្យសព្វ Cheung Kee ឱ្យដឹងថា លោកចូលចិត្តដុតទឹកតែទឹកដោះគោ<br /> និងសម្លៀកបំពាក់អឺរ៉ុប ដើម្បីបញ្ជូនទៅកាន់បុព្វការីជន ព្រោះរបស់ទាំងនេះ កាលពីនៅរស់ពួក<br />គេមិនបានប្រើប្រាស់ ឬហូបចុក។ លោក Cheung Kee បន្ដថា ការដុតក្រដាសប្រាក់ច្រើន មិន<br />មែនជាទម្លាប់ល្អនោះទេ៕</p>
<p style="text-align: right;"><br />ដោយ ៖ តារា<br />ប្រភព ៖ WSJ/VE<br /><br /></p>