<p>Messi ទទួលបានការបោះឆ្នោតបានច្រើនជាង លើសពីទ្វេដង បើប្រៀបជាមួយនឹងកីឡាករ Ronaldo នៅក្នុងការជ្រើសរើសមើលថា អ្នកណាគឺជា "កីឡាករឆ្នើមបំផុតប្រចាំប្រវត្តិសាស្រ្ត Champions League”។</p>
<p>Messi និង Cristiano Ronaldo គឺជាកីឡាករឆ្នើមពីររូបនៅក្នុងប្រវត្តិសាស្រ្ត Cup C1/Champions League (ជាមួយនឹងការរកបានគ្រាប់បាល់ 77 គ្រាប់ដូចគ្នា)។ ជាក់ស្តែង រឿងនេះមិនមែនមានន័យថា នៅក្នុងកែវភ្នែកអ្នកគាំទ្រកីឡាបាល់ទាត់ ពួកគេទាំងពីរនាក់ "ខ្លាំងស្មើគ្នា" នោះទេ។</p>
<p><a class="thickbox" title="" href="/FileManager/Commons/2015/6/5/042-05-06-2015--20-35-39.jpg"><img style="display: block; margin-left: auto; margin-right: auto;" src="/FileManager/Articles/mce/2015/6/5/042-05-06-2015--20-35-39.jpg" alt="" /></a></p>
<p style="text-align: center;"><span style="color: #999999;"><em>កីឡាករ Messi ទទួលបានការបោះឆ្នោតជ្រើសរើស ឈ្នះដាច់ពីកីឡាករ Ronaldo</em></span></p>
<p>តាមប្រភពព័ត៌មានពីកាសែត Marca បានចុះផ្សាយថា នៅក្នុងការពិនិត្យអង្កេតតាមរយះការឧបត្ថមពីMasters Card ជាមួយនឹងការចូលរួមពីទស្សនិកជនគាំទ្របាល់ទាត់ នៅអឺរ៉ុប ដែលមើលថាអ្នកណា គឺជា "កីឡាករឆ្នើមបំផុតក្នុងប្រវត្តិសាស្រ្ត Cup C1/Champions League”, Messi បានវ៉ាដាច់ឆ្ងាយពី កីឡាករ Cris Ronaldo។</p>
<p>ជាក់ស្តែង Messi ទទួលបានសន្លឹកឆ្នោត 27% គឺច្រើនជាង លើសពីពីរដងបើប្រៀបជាមួយនឹងអ្នក ឈរនៅលេខរៀងទី 2 គឺអតីតកីឡាករបាល់ទាត់ឆ្នើមសញ្ជាតិបារាំង Zidane (12%)។ ក្នុងនោះបេក្ខ ភាពគ្រប់គ្រងតំណែងបាល់មាស FIFA កីឡាករ C.Ronaldo ទទួលបានសន្លឹកឆ្នោតតែ 11% ប៉ុណ្ណោះ។ ឈរនៅលេខរៀងបន្តបន្ទាប់គឺអតីតកីឡាករឆ្នើមសញ្ជាតិប្រេស៊ីល Ronaldo (7%) និង កីឡាករ David Beckham ជាមួយនឹងការជ្រើសរើស 4%។</p>
<p>លើសពីនេះទៅទៀត កាសែត Marca បានបន្តឲ្យដឹងពីព័ត៌មានគួរឲ្យចាប់អារម្មណ៍មួយផ្សេងទៀត ផងដែរ។ បើសិនជាផ្អែកតែទៅលើសន្លឹកឆ្នោត របស់បណ្តាអ្នកគាំទ្រដែលមានអាយុលើសពី 55 ឆ្នាំ (បណ្តាអ្នកដែលមានបទពិសោធន៍ តាមដាន Cup C1 តាំងពីយូរណាស់មកហើយ) នោះកីឡាករ Messi ទទួលបានអត្រានៃការបោះឆ្នោតជ្រើសរើស បានច្រើនជាងនេះទៅទៀត គឺឡើងដល់ 33% ឯណោះ៕</p>
<p> </p>
<p style="text-align: right;">ប្រែសម្រួល៖ ករុណា<br />ប្រភព៖ <em>24h</em></p>