<p><strong>ភ្នំពេញៈ</strong> តារាសម្តែង និងជាតារាបង្ហាញម៉ូដ អ្នកនាង ចន ច័ន្ទលក្ខិណា បានដាក់ពាក្យបណ្តឹង<br /> ប្តឹងលែងលះស្វាមី ដែលជាតារាសម្តែងរូបសង្ហា លោក យុត្ថារ៉ា ឆានី ទៅតុលាការសាលាដំបូង<br />រាជធានីភ្នំពេញ អស់រយៈពេល២សប្តាហ៍មកហើយ រហូត មកដល់ពេលនេះ គេនៅមិនទាន់<br />ឃើញ តុលាការចាត់វិធានការ កោះហៅមកសម្របសម្រួល តាមផ្លូវច្បាប់ណាមួយ ឬបើកសវ<br />នាការលើបណ្តឹង របស់នាងនៅឡើយទេ ។</p>
<p>គេនៅចាំបានថា កាលពីសប្ដាហ៍មុន LookingTODAY ធ្លាប់បានចុះផ្សាយអត្ថបទមួយទាក់ទង <br />នឹងការបែក ធ្លាយព័ត៌មានថាពិធីការិនី ចន ច័ន្ទលក្ខិណា ដាក់ពាក្យបណ្តឹងប្តឹងទៅតុលាការ សុំ<br />លែងលះ ស្វាមីតាមផ្លូវច្បាប់ ប៉ុន្តែត្រូវបានស្វាមីភរិយា ដែលជា តារាសម្តែងចាស់ វស្សាមួយគូ<br />នេះ ចេញមុខច្រានចោល មិនទទួលស្គាល់ការពិត ដោយបដិសេធថា មិនមែនជាការពិត ថែម<br />ទាំងអះអាងថា ពួកគេស្រឡាញ់យល់ចិត្ត ថ្លើមគ្នាជាធម្មតា ។</p>
<p>បើទោះបីជាមានការ លើកឡើងពីអំណេះអំណាង របស់ពួកគេទាំងពីរនាក់ក៏ដោយ ក៏នៅតែមិន<br />អាចលាក់បាំង ការពិតបានទេ ដូចពាក្យចាស់ពោលថា "ក្រដាសមិនអាចខ្ចប់ភ្លើងជិតឡើយ" ការ<br />ពិតនៅតែជាការពិត មុននិងក្រោយគង់តែគេដឹងដដែល។ ថ្មីៗនេះទៀតសោត មានប្រភពពីមន្ត្រី<br />បម្រើការងារ នៅសាលាដំបូងរាជធានីភ្នំពេញ សុំមិនបញ្ចេញឈ្មោះ បានលួចបង្ហើបប្រាប់ Look<br />ingTODAY ឲ្យដឹងថា បើគិតរហូតមកដល់ពេលនេះ មានរយៈពេលកន្លះខែហើយ ដែលតារាស<br />ម្តែងនិងជាតារាបង្ហាញម៉ូដ មានឈ្មោះបោះសំឡេង អ្នកនាង ចន ច័ន្ទលក្ខិណា បានដាក់ពាក្យ<br />បណ្តឹងជាផ្លូវការ ទៅតុលាការដើម្បីប្តឹងលែងលះស្វាមី លោក យុត្ថារ៉ា ឆានី ។ ប៉ុន្តែរហូតមកដល់<br />ពេលនេះ គេនៅមិនទាន់ឃើញ តុលាការមានវិធានការ ឬក៏ត្រៀមបើកសវនាការដោះស្រាយ <br />កោះហៅភាគីទាំងសងខាង ទៅសម្របសម្រួលអ្វីឡើយ ។</p>
<p>ជាការពិតណាស់ កន្លងមកធ្លាប់ មានព័ត៌មានលេចឮ ពីចំណងស្នេហ៍របស់ពួកគេ មានភាពរង្គោះ<br />រង្គើ ដោយសារតែមានអ្នកទី៣ ចូលជ្រៀតជ្រែកស្នេហ៍ ពោលគឺអ្នកនាង ចន ច័ន្ទលក្ខិណា មាន<br />បុរសមានអំណាចសម្បូរលុយ ជាមន្ត្រីយោធា ពាក់ផ្កាយនៅលើស្នាថែមទៀតផង ។ អ្នកទី៣ <br />ដែលជាមន្ត្រីមានអំណាច និងមកបំបែបស្នេហារបស់គេ ទាំងមិនចេះអៀនខ្មាសនោះ ក៏បាន<br />លេចឮជាយូរមកហើយ រហូតធ្វើឲ្យតារាសម្ដែង ចន ច័ន្ទលក្ខិណា ភ្លេចគ្រាកំសត់ ភ្លេចគ្រាក្រខំ<br />តស៊ូត្រដាបត្រដួស ជាមួយស្វាមី ទំរាំបានមកដល់ពេលនេះ ទីបំផុតនាងបែរជាសម្លឹងឃើញទឹក<br />ប្រាក់ សម្លឹងឃើញអំណាច ជាជាងសុភមង្គលគ្រួសារ។</p>
<p>ប៉ុន្តែជារឿយៗឲ្យតែលេចព័ត៌មាន នៃការបែកបាក់ស្នេហា ក្នុងជីវិតស្វាមីភរិយា របស់តារាសម្តែង<br /> ចាស់វស្សាទាំងពីរនេះ គេមិនដែលឃើញមានអ្នកណាម្នាក់ ក្នុងចំណោមពួកគេទាំងពីរនាក់ទទួល<br />ស្គាល់ ការពិតឡើយ ។ ជានិច្ចកាលពួកគេ និងគ្រួសារតែងតែបដិសេធ ដោយសារតែខ្លាចខ្មាស<br />គេ និងទទួលរងការរិះគន់ ព្រោះកន្លងមកគូស្វាមីភរិយា មួយគូនេះ ធ្លាប់ត្រូវបាន មហាជនដាក់<br />រហ័សនាមឲ្យថា ជាគ្រួសារគំរូក្នុងពិភពសិល្បៈ ។</p>
<p>ប្រសិនបើពួកគេទាំងពីរនាក់បែកបាក់គ្នាមែននោះ ស្តែងឲ្យឃើញច្បាស់ណាស់ថា ពួកគេមិន<br />ស័ក្តិសម ជាគូស្នេហ៍គំរូ ក្នុងសិល្បៈទៀតឡើយ។ LookingTODAY មិនអាចទាក់ទងទៅ អ្នកនាង<br /> ចន ច័ន្ទលក្ខិណា និង លោក យុត្ថារ៉ា ឆានី បានឡើយ នៅថ្ងៃទី៣១ ខែតុលា ឆ្នាំ២០១៣ នេះ៕</p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0493.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0494.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0495.jpg" alt="Looking Today" width="471" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>