<p>ដោយសារតែចង់សង្កត់ធ្ងន់ជាមួយមេរបស់ខ្លួន អំពីការសម្រេចចិត្តសុំលាឈប់ពីការងារ Marina Schifrin បានបង្កើតវីដេអូខ្លីមួយ ដែលបង្ហាញពីការរាំសប្បាយរបស់នាង។ វិដេអូខ្លីនេះ បានក្លាយជាទីទាក់ទាញយ៉ាងខ្លាំង នៅលើបណ្ដាញអ៊ីនធើរណិត។</p>
<p style="text-align: center;"><br /> <a class="thickbox" title="" href="/FileManager/Commons/2013/10/1/video-undefined-1867f4ca00000578-95636x358-01-10-2013--22-03-09.jpg"><img src="/FileManager/Articles/mce/2013/10/1/video-undefined-1867f4ca00000578-95636x358-01-10-2013--22-03-09.jpg" alt="" /></a><br /><em>Marina Schifrin កំពុងរាំយ៉ាងសប្បាយ</em></p>
<p>Marina Schifrin ដែលជាបុគ្គលិកគ្រប់គ្រងផ្នែកវិដេអូ (video editor) របស់ក្រុមហ៊ុន Next Media Animation នៅតៃវ៉ាន់ បានបង្កើតវីដេអូខ្លីនេះ នៅក្នុងករិយាល័យរបស់ក្រុមហ៊ុនដែលនាងបម្រើការ។<br /><br />ខ្លឹមសារនៃវីដេអូនេះ បង្ហាញអំពីមូលហេតុដែលនាំឱ្យអ្នកគ្រប់គ្រងផ្នែកវិដេអូ មកពីក្រុង New York រូបនេះ ចង់លាលែងពីមុខតំណែង។ Marina Schifrin សរសេរថា ៖ “ខ្ញុំធ្វើការឱ្យក្រុមហ៊ុនផលិតវីដេអូព័ត៌មាន។ ក្នុងរយៈពេលជិត ២ឆ្នាំមកនេះ ខ្ញុំបានលះបង់ពេលវេលា កម្លាំង និងទំនាក់ទំនងនានារបស់ខ្ញុំ គឺដើម្បីតែការងារនេះ ចំណែកមេរបស់ខ្ញុំ គាត់យកចិត្តទុកដាក់ទៅលើតែចំនួនវីដេអូ និងចំនួនទស្សនិកជនដែលបានចូលមើលវីដេអូប៉ុណ្ណោះ” ។<br /><br />Schifrin បន្ដថា ៖ “ដូច្នេះ ខ្ញុំគិតថា ខ្លួនគួរតែធ្វើវីដេអូដោយឡែកមួយ ដើម្បីសង្កត់ធ្ងន់ទៅលើខ្លឹមសារ ជំនួសឱ្យការយកចិត្តទុកដាក់ទៅលើចំនួនអ្នកចូលទស្សនា និងដើម្បីឱ្យប្រធានរបស់ខ្ញុំដឹងថា ខ្ញុំនឹងលាលែងពីការងារ” ។<br /> <br />វីដេអូនេះ ត្រូវបានបង្ហោះនៅលើបណ្ដាញសង្គម YouTube កាលពីថ្ងៃទី ៣០កញ្ញា។ បន្ទាប់ពីរយៈពេលមួយថ្ងៃ ក្រោយការបង្ហោះ វីដេអូនេះ បានទាក់ទាញអ្នកចូលមើលច្រើនជាង ២២,០០០នាក់ និងមានការបញ្ចេញមតិរាប់រយលើក។<br /> </p>
<p style="text-align: center;"><object width="490" height="420" data="http://www.youtube.com/v/xcv82ntxJO8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/xcv82ntxJO8&rel=1" /></object></p>
<p style="text-align: center;"> </p>
<p style="text-align: right;">ដោយ ៖ តារា <br />ប្រភព ៖ Youtube</p>