<p><span style="color: #000000;"><strong>បាត់ដំបង ៖</strong> កម្លាំងអាវុធហត្ថខេត្ត បានចាប់ខ្លួន បុរសម្នាក់ ទៅតុលាការខេត្ត នៅរសៀលថ្ងៃទី១០ ខែមីនា ឆ្នាំ២០១៥ ដើម្បីចាត់ការតាមច្បាប់ បន្ទាប់សមត្ថកិច្ច អាវុធហត្ថស្រុកឯកភ្នំ បានឃាត់ខ្លួន ពីបទប្រើអំពើហិង្សា និងរំលោភសេពសន្ថវៈ លើអតីតប្រពន្ធ កាលពីវេលាម៉ោង៦ល្ងាច ថ្ងៃទី៧ ខែមីនា នៅចំណុចភូមិ ព្រែកតាច្រែង ឃុំព្រែកនរិន្ទ ស្រុកឯកភ្នំកន្លងមក។</span></p>
<p><span style="color: #000000;">លោក ឡាច ប្រុស នាយការិយាល័យ ស្រាវជ្រាវបទល្មើសព្រហ្មទណ្ឌ អាវុធហត្ថខេត្តបានឲ្យដឹងថា ជន សង្ស័យដែល សមត្ថកិច្ចឃាត់ខ្លួនមានឈ្មោះ ឌី ខាន់ ភេទប្រុសអាយុ៥១ឆ្នាំ មុខរបរ លក់ដូរ (អតីតប្តី) និងជនរងគ្រោះឈ្មោះ ភឹម សម្បត្តិ អាយុ៤១ឆ្នាំ មានទីលំនៅភូមិព្រែកតាច្រែង ឃុំព្រែកនរិន្ទស្រុកឯកភ្នំ។</span></p>
<p><span style="color: #000000;">លោក ឡាច ប្រុស បានបញ្ជាក់ថា យោងតាមរបាយការណ៍បញ្ជូន របស់សមត្ថកិច្ចអាវុធហត្ថ ស្រុកឯកភ្នំ បានបញ្ជាក់ថា កន្លងមកជនសង្ស័យ ធ្លាប់ឈ្លោះនិងវ៉ៃប្រពន្ធ ជាញឹកញាប់ រហូតដល់ប្តឹង លែងលះគ្នា ចេញជា សាលក្រមស្ថាពរ ក្រោយមកក៏បានមកត្រូវរ៉ូវគ្នា ហើយមករស់នៅជាមួយគ្នា ជាធម្មតាលុះ ក្រោយមកចេះ តែមានទំនាស់គ្នាជារឿយៗ។</span></p>
<p><span style="color: #000000;">បើតាមចម្លើយជនសង្ស័យ បាននិយាយថា ខ្លួនរស់នៅជាមួយគ្នាប្តីប្រពន្ធ បានជាង២០ឆ្នាំ មកហើយ ព្រមទាំងមានកូន៥នាក់ រហូតមក ជាក់ស្តែងនៅថ្ងៃទី៤ ខែកុម្ភៈឆ្នាំ២០១៥ អតីត ប្តីប្រពន្ធទាំង២នាក់ បាននាំគ្នាទៅទិញគ្រឿង សំណង់ទៅប្រគេនលោក ពេលត្រឡប់មកវិញ ក៏បាននាំគ្នាស៊ីផឹកនៅផ្ទះ ពេល កំពុងស៊ីផឹកស្រវឹង ក៏មានជម្លោះ សម្តីគ្នាឈានដល់វ៉ៃតប់គ្នាក្នុងបន្ទប់ ។ លុះដល់ល្ងាចថ្ងៃទី៨ ខែមីនា ក៏ត្រូវ សមត្ថកិច្ចមកឃាត់ខ្លួន នាំយកទៅទីបញ្ជាការអាវុធហត្ថស្រុកតែម្តង ។</span></p>
<p><span style="color: #000000;">ក្នុងរបាយការណ៍ បានបញ្ជាក់ទៀតថា បន្ទាប់ពីអតីតប្តីប្រពន្ធទាំង២នាក់ បានឈ្លោះគ្នាបន្តបន្ទាប់រួចមក និងយោង តាមពាក្យបណ្តឹង របស់ជាអតីតប្រពន្ធ ពីបទរំលោភសេពសន្ថវៈរួចមក សមត្ថកិច្ចបានកសាង សំណុំរឿងដោយ ចោទប្រកាន់ពីបទរំលោភសេពសន្ថវៈ ពីព្រោះមានសាលក្រមស្ថាពរលែងលះគ្នារួចហើយ។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានបញ្ជូនខ្លួន មកទីបញ្ជាការអាវុធហត្ថខេត្ត ដើម្បីបញ្ជូនបន្តទៅតុលាការខេត្ត ចាត់ការតាមច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/10/3-10-2015-3-00-49-pm-10-03-2015--15-06-50.png"><img src="/FileManager/Articles/mce/2015/3/10/3-10-2015-3-00-49-pm-10-03-2015--15-06-50.png" alt="" /></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>