<p><span style="color: #000000;"><strong>(ភ្នំពេញ)៖</strong> សម្រាប់ដើមឆ្នាំថ្មី ២០១៧ នេះ ក្រុមបាល់ទាត់ជម្រើសជាតិកម្ពុជា ឬក្រុមគោព្រៃកម្ពុជា បានណាត់ក្រុមខ្លាំង ប្រចាំទ្វីបអាស៊ីមួយធ្វើការប្រកួតមិត្តភាព គឺក្រុមជម្រើសជាតិអារ៉ាប់រួម ដែលគ្រោងនឹងជួបគ្នាលើទឹកដីអារ៉ាប់រួម នៅថ្ងៃទី១៤ ខែមករា ឆ្នាំ២០១៧ ចុងសប្ដាហ៍ក្រោយនេះ។ នេះបើយោងតាមព័ត៌មានផ្លូវការ ដែលបង្ហោះលើគហទំព័ររបស់សហព័ន្ធកីឡាបាល់ទាត់អន្ដរជាតិ (FIFA)។</span></p>
<p><span style="color: #000000;">នេះជាដំណឹងល្អមួយ សម្រាប់អ្នកគាំទ្រកម្ពុជា ដែលចង់ឃើញការបង្ហាញសមត្ថភាព សាជាថ្មីរបស់ក្រុមដែលមានរហស្សនាមគោព្រៃកម្ពុជា ក្រោយបញ្ចប់បេសកកម្មប្រកួតពានរង្វាន់ AFF Suzuki Cup 2016 កាលពីពេលកន្លងទៅ តាមរយៈការប្រកួត ជាមួយក្រុមខ្លាំងអារ៉ាប់រួម ដែលជាជំនួបលើកដំបូងក្នុងប្រវត្តិសាស្ដ្របាល់ទាត់របស់កម្ពុជា។</span></p>
<p><span style="color: #000000;">គួរបញ្ជាក់ថា អារ៉ាប់រួម គឺជាក្រុមដ៏មានឥទ្ធិពលមួយក្នុងទ្វីបអាស៊ី និងធ្លាប់ឈ្នះជើងឯកអាស៊ី (Asian Cup) ចំនួន ៣លើក និងធ្លាប់ឡើងដល់ជុំផ្ដាច់ព្រ័ត្រពាន FIFA World Cup ចំនួន ៤លើកទៀតផង។ អ្វីដែលគួរឲ្យចាប់អារម្មណ៍ បច្ចុប្បន្នក្រុមខ្លាំងនេះ កំពុងគ្រងចំណាត់ថ្នាក់លេខ៥៤ ក្នុងតារាងចំណាត់ថ្នាក់បាល់ទាត់ពិភពលោក FIFA គ្រាដែលកម្ពុជាកំពុងឈរលេខរៀងទី១៧៣ ឯណោះ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-03-12-06-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-03-12-06-18-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>