<p>កាសែតអឺរ៉ុបជាច្រើន បានរាយការណ៍ថា បណ្ដាម៉ូដែលទូរស័ព្ទបុរាណ ដូចជា Nokia, Ericsson, <br />Motorola ជាដើម កំពុងបង្កឱ្យមានការភ្ញាក់ផ្អើលជាខ្លាំង នៅអឺរ៉ុប ដោយសារតម្លៃរបស់វា ឡើង<br />ដល់ ១០០០អឺរ៉ូ (ជាង ១៤០០ដុល្លារអាមេរិក) ក្នុង ១គ្រឿង។</p>
<p style="text-align: center;"><a class="thickbox" title="" href="/FileManager/Commons/2014/5/29/nokiaold-29-05-2014--15-30-18.jpg"><img src="/FileManager/Articles/mce/2014/5/29/nokiaold-29-05-2014--15-30-18.jpg" alt="" /></a></p>
<p>រូបរាងតូចច្រលឹង ថាមពលថ្ម អាចប្រើ ១សប្ដាហ៍ រួមនឹងភាពមាំមួន ដែលគេពិបាកនឹងកំទេច <br />បានជួយឱ្យបណ្ដាទូរស័ព្ទចាស់ៗ ដូចជា Nokia, Ericsson, Motorola កំពុងក្លាយជាទំនិញក្ដៅៗ សម្រាប់អ្នកប្រើប្រាស់ដែលមានអារម្មណ៍ធុញទ្រាន់នឹងបណ្ដាម៉ូដែលស្មាតហ្វូន ដែលមានកម្ម<br />វិធីច្រើនហួស ស្ដើងហួស និងងាយខូច។<br /><br />ថ្វីបើពុំមានកម្មវិធីទាន់សម័យ ក៏ដូចជារូបរាងស្រស់ស្អាត Nokia 3310 ឬ Motorola StarTec<br />130 មានត្រឹមតែមុខងារហៅទូរស័ព្ទ និងផ្ញើសារ តាមធម្មតា ប៉ុន្ដែ តម្រូវការនៃការប្រើប្រាស់<br />ទូរស័ព្ទបុរាណនេះ កំពុងតែមានការកើនឡើង ហើយមានទូរស័ព្ទខ្លះ ត្រូវបានលក់ក្នុងតម្លៃខ្ពស់ <br />ឡើងដល់ ១០០០អឺរ៉ូ នេះបើតាមរបាយការណ៍របស់កាសែតជាច្រើន នៅអឺរ៉ុប។ <br /><br />Djassen Haddad ម្ចាស់គេហទំព័រ vintagemobile.fr បានឱ្យដឹងថា ៖ “អតិថិជនមួយចំនួន មិន<br />ខ្វល់អំពីបញ្ហាតម្លៃប៉ុន្មាន។ ជាក់ស្ដែង ក្រុមហ៊ុនយើងខ្ញុំ មានម៉ូដែលទូរស័ព្ទចាស់ៗ ដែលមាន<br />តម្លៃជាង ១០០០ អឺរ៉ូ។ តម្លៃថ្លៃបែបនេះ គឺដោយសារថា មុននេះ បណ្ដាម៉ូដែលទូរស័ព្ទទាំងនោះ<br /> ត្រូវបានគេផលិតក្នុងបរិមាណតិច ដូច្នេះ ពេលនេះ គេពិបាកនឹងស្វែងរក”។<br /><br />ការជួញដូរបណ្ដាទូរស័ព្ទជំនាន់មុន ហាក់ដូចជាទីផ្សារតូចចង្អៀត ប៉ុន្ដែ ចាប់ពីឆ្នាំទៅមកដល់<br />ពេលនេះ ការលក់ដូររបស់ Haddad គឺពិតជាទទួលបានជោគជ័យស្ទើរនឹកស្មានមិនដល់។<br /> គ្រាន់តែរយៈពេល ពី ២ ទៅ ៣ឆ្នាំកន្លង Haddad បានលក់ចេញនូវទូរស័ព្ទ “បុរាណ” ចំនួនជាង<br /> ១០០០គ្រឿង ហើយតម្លៃរបស់វា បានកើនឡើងជាបន្ដបន្ទាប់ ចាប់ពីឆ្នាំ ២០១៣។</p>
<p>លោក Haddad ថ្លែងថា ក្រុមអតិថិជនដែលមកស្វែងរកទិញទូរស័ព្ទជំនាន់ចាស់ ភាគច្រើន គឺជា<br />ក្រុមមនុស្សមានវ័យច្រើន ព្រោះពួកគេចូលចិត្តភាពសាមញ្ញ ចំណែកមនុស្សមួយចំនួនទៀត ចង់<br />ប្រើប្រាស់ទូរស័ព្ទមួយបន្ថែមទៀត ដែលមានតម្លៃមិនថ្លៃ។<br /><br />ក្នុងចំណោមទូរស័ព្ទបុរាណដែលលក់ដាច់ជាងគេ នៅលើគេហទំព័ររបស់ Haddad មានដូចជា<br /> Nokia 8210 ហើយតម្លៃរបស់វា គឺប្រហែល ៨៣ដុល្លារ។</p>
<p style="text-align: center;"><a class="thickbox" title="" href="/FileManager/Commons/2014/5/29/nokiaold1-29-05-2014--15-31-44.jpg"><img src="/FileManager/Articles/mce/2014/5/29/nokiaold1-29-05-2014--15-31-44.jpg" alt="" /></a></p>
<p>គួររំលឹកថា Nokia ធ្លាប់ជាក្រុមហ៊ុនផលិតទូរស័ព្ទធំបំផុតក្នុងពិភពលោក មុននឹង iPhone របស់ <br />Apple និង Galaxy របស់ Samsung បង្កព្យុះភ្លៀង នៅលើទីផ្សារ។ ប៉ុន្ដែ ថ្មីៗនេះ ស្ថាប័នផលិត<br />ទូរស័ព្ទរបស់ Nokia ត្រូវបានលក់ទៅឱ្យក្រុមហ៊ុន Microsoft ព្រោះតែមិនអាចតាមទាន់នូវល្បឿន<br />អភិវឌ្ឍនៃស្មាតហ្វូន។ ប្រការនេះហើយ បណ្ដាលឱ្យទូរស័ព្ទជំនាន់ “បុរាណ” របស់ Nokia មាន<br />ឱ្យបង្ហាញខ្លួន ក្នុងតម្លៃថ្លៃ គួរឱ្យភ្ញាក់ផ្អើលបែបនេះ៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ AFP/News.com.au<br /><br /></p>