<p><strong>ព័ត៌មានជាតិ ៖</strong> យោងតាមសេចក្តីរាយការណ៍ ដែលបានចេញផ្សាយដោយទំព័រសារព័ត៌មាន<br />ក្នុងស្រុក ស្មាតប៊ីយូធី កាលពីម្សិលមិញនេះអោយដឹងថា សម្ដេចអគ្គមហា សេនាបតីតេជោហ៊ុន<br /> សែន នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ប្រគេន ព្រះសង្ឃ និងជម្រាប<br />ជូនជនរួមជាតិទូទាំងប្រទេសឲ្យបានជ្រាបថា ចំ ពោះព្រះមហាក្សត្រនៅព្រះរាជាណាចក្រកម្ពុជា <br />មានព្រះបរមនាមបីរហូតយាងចូលទិវង្គតដែលព្រះបរមនាមទី១ គឺព្រះនាមកំណើត ព្រះបរមនាម<br />ទី២ គឺព្រះបរមនាមឡើងគ្រងរាជ្យ និងព្រះបរមនាមទី៣ គឺព្រះបរមនាមពេលយាងចូលទិវង្គត ។ <br />ឥឡូវនេះព្រះបរមនាមរបស់ព្រះករុណាព្រះបរមសពមហាវីរក្សត្រ គឺព្រះបរមរតនកោដ្ឋ ។</p>
<p><a class="thickbox" title="" href="/FileManager/Commons/2012/11/14/former-king-14-11-2012--09-44-43.jpg"><img src="/FileManager/Articles/mce/2012/11/14/former-king-14-11-2012--09-44-43.jpg" alt="" width="490" height="325" /></a></p>
<p>គួរបញ្ជាក់ផងដែរថា សម្ដេចតេជោនាយក រដ្ឋមន្ត្រី ហ៊ុន សែន មានប្រសាសន៍បែបនេះនាព្រឹកថ្ងៃ<br />ទី១២ វិច្ឆិកា ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់ប័ណ្ណកម្មសិទ្ធិដីធ្លីជូនប្រជាពល<br />រដ្ឋចំនួន១.១៧៨គ្រួសារ ស្មើនឹង១.២២២ប័ណ្ណលើផ្ទៃដីសរុប ១.២២៣,៥ ហិកតា នៅក្នុងភូមិត្បែង<br />លិច ឃុំត្បែង និងភូមិខ្នាររង្វាស់ ឃុំឃុនរាម ស្រុកបន្ទាយស្រី ។</p>
<p>ពាក់ព័ន្ធនឹងព្រះបរមនាម ព្រះមហាវីរក្សត្រ សម្ដេចតេជោ បានមានប្រសាសន៍លើកយកព្រះនាម<br />សម្ដេចឪ សម្ដេចតា សម្ដេចតាទួតរបស់យើង គឺពេលព្រះអង្គនៅមិនទាន់គ្រងរាជសម្បត្តិមានព្រះ<br />នាមថា ព្រះអង្គម្ចាស់ នរោត្តម សីហនុ ដល់ពេលព្រះ អង្គឡើងគ្រងរាជ្យមានព្រះនាមថា ព្រះបាទ<br />សម្ដេចព្រះនរោត្តម សីហនុវ័រ្មន ។ ឥឡូវដល់ព្រះអង្គយាងចូលទិវង្គតមានព្រះនាមបច្ឆាមរណនាម<br /> គឺព្រះនាម « ព្រះបរមរតនកោដ្ឋ » ។ យ៉ាងណាក៏ដោយយើងក៏ពឹងពាក់លើសម្ដេចសង្ឃប្រជុំមាន<br />សម្ដេចសង្ឃ ទាំងអស់ ទាំង សម្ដេច ទេព វង្ស សម្ដេច បួរ គ្រី សម្ដេច នន្ទ ង៉ែត សម្ដេច លាស់<br /> ឡាយ សម្ដេច អំ លឹមហេង សម្ដេច ណយ ច្រឹក សម្ដេច ដួង ផង់ សម្ដេច មួង រ៉ា សម្ដេច ឈឹង<br /> ប៊ុនឈា សម្ដេច សៅរ៍ ច័ន្ទថុល្ល អមដោយសម្ដេចចៅហ្វាវាំងគង់ សំអុល ។</p>
<p>សម្ដេចតេជោនាយករដ្ឋមន្ត្រីមានប្រសាសន៍ថា ព្រះបរមនាមព្រះបរមសពព្រះមហាវីរក្សត្រគឺ ព្រះ<br />បរមរតនកោដ្ឋ ។ ក្នុងពេលដែលយើងកាន់ព្រះរាជមរណទុក្ខនេះ និងដំណើរឆ្ពោះទៅការរៀបចំ<br />ថ្វាយព្រះភ្លើងព្រះបរមសពនៅដើមខែកុម្ភៈ គឺព្រះបរមនាមព្រះអង្គ « ព្រះបរមរតនកោដ្ឋ » ដើម្បី<br />យើងទាំងអស់គ្នាបានជ្រាបទាក់ទង ទៅនឹងបញ្ហាជាតិរបស់យើងដែលទាមទារឲ្យមានការយល់<br />ដឹងនៅ ក្នុងប្រទេសជាតិរបស់យើង៕</p>
<p style="text-align: right;">ដោយ ៖ ពិសី<br />កែសម្រួលអត្ថបទពី ៖ smartbeauty</p>