<p>ព័ត៌មានអន្តរជាតិ ៖ យោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស<br />ស្កាយ អោយដឹងថា នៅឯប្រទេសប្រេស៊ីលឯណោះវិញ យ៉ាងហោចណាស់ មនុស្សពីរនាក់<br />បានស្លាប់បាត់បង់ជីវិត ក្រោយពីមានករណីគ្រោះថ្នាក់បាក់រលំសំណង់អាគារពហុកីឡាដា្ឋន<br />មួយកន្លែង ខណៈកីឡាដ្ឋានមួយនេះ គ្រោងនឹងបើកដំណើរ ដោយនឹងមានការប្រកួតកីឡា<br />បាល់ទាត់ World Cup ឆ្នាំ ២០១៤ ខាងមុខនេះ។</p>
<p><a class="thickbox" title="" href="/FileManager/Commons/2013/11/28/cegrab-20131127-165210-0-1-522x293-28-11-2013--09-05-21.jpg"><img src="/FileManager/Articles/mce/2013/11/28/cegrab-20131127-165210-0-1-522x293-28-11-2013--09-05-21.jpg" alt="" width="440" height="245" /></a></p>
<p>ខណៈមានទីតាំងស្ថិតនៅក្នុងក្រុង Sao Paulo ផ្នែកមួយចំនួននៃវេទិកា ពហុកីឡាដ្ឋាន <br />Arena Corinthians មួយនេះ រងការខូចខាតផងដែរ ក្រោយពីមានការបាក់រលំគំនរដែក<br />ពីលើមកសង្កត់លើ។ យ៉ាងណាមិញ បើតាមការអោយដឹងពីសារព័ត៌មានក្នុងស្រុកអោយ<br />ដឹងថា មូលហេតុដែលនាំអោយមានករណីបាក់រលំលើកនេះ គឺបណ្តាលមកពី ឧបករណ៍<br />ដែលជាប្រដាប់ស្ទូចធំៗនៅកន្លែងសាងសង់។</p>
<p>ប្រភពសារព័ត៌មានក្នុងស្រុកដដែល អះអាងថាបុគ្គលិកដែលជាអ្នកបម្រើការស្លាប់បាត់បង់<br />ជីវិតទាំងពីរនាក់នោះ មានឈ្មោះ Fabio Luiz Pereira វ័យ ៤២ ឆ្នាំ និង ឈ្មោះ Ronaldo <br />Oliveira Dos Santos មានវ័យ ៤៤ ឆ្នាំ ។ គួរបញ្ជាក់ផងដែរថា ករណីគ្រោះថ្នាក់កើតហេតុ<br />មួយនេះ បានកើតឡើងនៅវេលាថ្ងៃត្រង់ម្សិលមិញនេះ ខណៈមានក្រុមការងារនៅកន្លែង<br />កើតហេតុតែ ៣០ នាក់នោះទេ ផ្ទុយពីសព្វមួយដង មានអ្នកបម្រើការ ជាបុគ្គលិកក្រុមការ<br />ងារ ដល់ទៅ ១៧០០ នាក់ឯណោះ។</p>
<p><a class="thickbox" title="" href="/FileManager/Commons/2013/11/28/rtx15v6v-1-1-522x293-28-11-2013--09-06-24.jpg"><img src="/FileManager/Articles/mce/2013/11/28/rtx15v6v-1-1-522x293-28-11-2013--09-06-24.jpg" alt="" width="433" height="241" /></a></p>
<p>គួររំឭកផងដែរថា ប្រទេសប្រេស៊ីល នាពេលបច្ចុប្បន្ន ក៏ដូចជា ប៉ុន្មានឆ្នាំចុងក្រោយនេះ<br />បានសម្រុកសាងសង់ឡើងនូវហេដ្ឋារចនាសម្ព័ន្ធមួយចំនួនបន្ថែមទៀត ដើម្បីជាការឆ្លើយ<br />តប ខណៈប្រទេសខ្លួន គ្រោងនឹងធ្វើជាម្ចាស់ផ្ទះនៃកម្មវិធីប្រកួតកីឡា World Cup ឆ្នាំ ២០-<br />១៤ ឆ្នាំក្រោយនេះ៕</p>
<p><object width="429" height="368" data="http://www.youtube.com/v/ALrcxPqGs2Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ALrcxPqGs2Y&rel=1" /></object></p>
<p><object width="430" height="368" data="http://www.youtube.com/v/lgZHy4LSgc0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/lgZHy4LSgc0&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>