<div class="summary">
<p>កំពូលខ្សែបម្រើដ៏ឆ្នើម សញ្ជាតិពរទុយហ្គាល់ បានវ៉ាឈ្នះពិន្ទុ កីឡាករ Messi ហើយដណ្តើមបាន ជាកីឡាករឆ្នើមពិភពលោក តាមរយះការជ្រើសរើសរបស់ ទស្សនាវត្តី World Soccer ដែលបាន ប្រារព្ធធ្វើឡើង។</p>
</div>
<p>បើតាមលទ្ធផលដែលទស្សនាវត្តី World Soccer ទើបតែបង្ហាញឲ្យដឹង Cristiano Ronaldo បាន នាំមុខគេ ក្នុងការជ្រើសរើសនេះ ជាមួយនឹងពិន្ទុ ១០៧៥ ពិន្ទុ ដោយបានឈ្នះ អ្នកឈរតំណែង លេខ២ Lionel Messi (បាន ៩២៦ ពិន្ទុ) ហើយអ្នកជាប់លេខ៣ គឺ Frank Ribery ជាមួយនឹងពិន្ទុ ៨៧០ ពិន្ទុ។</p>
<p><a class="thickbox" title="" href="/FileManager/Commons/2013/12/13/ronaldocauthu-13-12-2013--10-59-00.jpg"><img src="/FileManager/Articles/mce/2013/12/13/ronaldocauthu-13-12-2013--10-59-00.jpg" alt="" /></a></p>
<p>ជាមួយនឹងពិន្ទុដែលបានឈ្មះដាច់នេះ Ronaldo ត្រូវបានក្លាយជា កីឡាករឆ្នើម ពិភពលោក ជា លើកទី២ តាមរយះ World Soccer ធ្វើការជ្រើសរើស។ កាលពីមុន កំពូលកីឡាករឆ្នើមម្នាក់នេះ ធ្លាប់ទទួលបានតំណែងនេះ ម្តងដែរកាលពីឆ្នាំ ២០០៨ ក្នុងពេលដែលរូបគេ កំពុងតែលេងនៅ<br />ក្លឹប Manchester United។</p>
<p>អ្វីដែលគួរឲ្យចាប់អារម្មណ៍ ក្នុងអំឡុងរយះពេល ១៤/១៦ ឆ្នាំចុងក្រោយនេះ បណ្តាកីឡាកររូប ណាដែលបានជាប់ឈ្មោះជា កីឡាករឆ្នើមបំផុត ពិភពលោក ប្រចាំឆ្នាំ តាមរយះការជ្រើសរើស របស់ World Soccer លទ្ធផលចុងក្រោយសុទ្ធតែក្លាយជាម្ចាស់គ្រងតំណែង នៃពានរង្វាន់បាល់ មាស ពិភពលោក (បច្ចុប្បន្នជា រង្វាន់បាល់មាស FIFA) ទាំងអស់។ ដូច្នេះហើយ ឆ្នាំនេះ Ronaldo ពិតជាមានលទ្ធភាពច្រើនណាស់ ដែលអាចយកឈ្នះ Messi ហើយក្លាយជាម្ចាស់ នៃពានរង្វាន់ បាល់មាស FIFA។</p>
<p><a class="thickbox" title="" href="/FileManager/Commons/2013/12/13/cauthuxuatsacnhat-13-12-2013--10-59-20.jpg"><img src="/FileManager/Articles/mce/2013/12/13/cauthuxuatsacnhat-13-12-2013--10-59-20.jpg" alt="" /></a></p>
<p>ក្រៅតែពីការជ្រើសរើស កីឡាករឆ្នើមបំផុត ពិភពលោក ប្រចាំឆ្នាំ World Soccer ក៏នៅបាន ធ្វើការជ្រើសរើស តំណែងគ្រូបង្វឹកឆ្នើមបំផុត ពិភពលោក ប្រចាំឆ្នាំផងដែរ។ ជាមួយនឹងយុទ្ធ សាស្រ្ត ដែលបានជួយឲ្យក្លឹប Bayern Munich ទទួលបាននូវពានរង្វាន់ជើងឯក ធំៗចំនួន ៣ នៅរដូវកាល ២០១២/២០១៣ គ្រូបង្វឹក Jupp Heynckes ត្រូវបាន World Soccer ជ្រើសរើស ជាគ្រូបង្វឹកឆ្នើមបំផុត ពិភពលោក ឆ្នាំ ២០១៣ ផងដែរ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>