<p>មកដល់ពេលនេះ មានមនុស្សយ៉ាងច្រើន ចង់ធ្វើដំណើរទៅក្នុងអវកាស ដោយប្រើជណ្ដើរប្រអប់<br /> ក្នុងនោះ NASA របស់អាមេរិក ក៏បាន និងកំពុងស្រាវជ្រាវរកវិធីដើម្បីបង្កើតជណ្ដើរអវកាសនេះ ចំណែកបណ្ដាក្រុមហ៊ុនបច្ចេកវិទ្យាក្នុងពិភពលោក ក៏កំពុងធ្វើសកម្មភាពដូចគ្នានេះដែរ។</p>
<p style="text-align: center;"><a class="thickbox" title="" href="/FileManager/Commons/2014/9/24/serahtjjtjwtj-24-09-2014--13-37-31.jpg"><img src="/FileManager/Articles/mce/2014/9/24/serahtjjtjwtj-24-09-2014--13-37-31.jpg" alt="" /></a></p>
<p>ថ្មីៗនេះ ក្រុមហ៊ុនសាងសង់មួយរបស់ ជប៉ុន មានឈ្មោះថា Obayashi បានប្រកាសអំពីគម្រោង<br />បង្កើតជណ្ដើរប្រអប់ ដែលអាចធ្វើដំណើរទៅកាន់អវកាស ហើយគម្រោងនេះនឹងសម្រេចបាន<br />ទាំងស្រុង នៅឆ្នាំ ២០៥០។ ទំព័រ ABC ឱ្យដឹងថា Obayashi បានបង្ហើបថា ពួកគេកំពុងស្រាវជ្រាវ<br /> បង្កើតជណ្ដើរប្រអប់ ដែលប្រើខ្សែពួរប្រវែង ៩៦.០០០គីឡូម៉ែត្រ និងមានសមត្ថភាពដឹកជញ្ជូន<br />ទំនិញចូលទៅកាន់អវកាស ដោយចំណាយប្រាក់ទាបជាងច្រើន បើធៀបនឹងការដឹកជញ្ជូនដោយ<br />វិធីបាញ់កាំជ្រូច ៖ ទំនិញ ១ គីឡូក្រាម ដឹកតាមយានអវកាសដែលបាញ់ឡើងដោយកាំជ្រួច មាន<br />តម្លៃប្រហែល ២.២០០០ដុល្លារអាមេរិក ចំណែកដឹកតាមជណ្ដើរប្រអប់អវកាសរបស់ Obayashi<br /> នឹងមានតម្លៃ ជាង ២០០ដុល្លារ។</p>
<p style="text-align: center;"><a class="thickbox" title="" href="/FileManager/Commons/2014/9/24/obayashi-space-elevator-nanotechnology-2-24-09-2014--13-39-18.jpg"><img src="/FileManager/Articles/mce/2014/9/24/obayashi-space-elevator-nanotechnology-2-24-09-2014--13-39-18.jpg" alt="" /></a></p>
<p>នៅក្នុងការដឹកជញ្ជូនមួយជើងៗ តាមជណ្ដើរប្រអប់នេះ នឹងត្រូវចំណាយពេល ៧ថ្ងៃ (មិនគិត<br />អំពីដំណើរត្រឡប់មកវិញ) ដោយមានគោលដៅ គឺស្ថានីយអវកាសពិសេស ដែលត្រូវបានបង្កើត<br />ឡើងដោយឡែក សម្រាប់តែគម្រោងនេះ។</p>
<p>ក្រុមហ៊ុន Obayashi ឱ្យដឹងថា ការបង្កើតជណ្ដើរប្រអប់អវកាស មិនមែនជារឿងងាយស្រួល ព្រោះ<br />ថា បច្ចុប្បន្ន នៅមានវត្ថុធាតុចំបាច់មួយចំនួន មិនទាន់មាននៅឡើយ។ ប៉ុន្ដែ ក្រុមហ៊ុនជឿជាក់ថា <br />ក្នុងអនាគត បច្ចេកវិទ្យា nano carbon នឹងអាចជួយដល់គម្រោងនេះ។</p>
<p style="text-align: center;"><a class="thickbox" title="" href="/FileManager/Commons/2014/9/24/srtfjwrtj-24-09-2014--13-42-57.jpg"><img src="/FileManager/Articles/mce/2014/9/24/srtfjwrtj-24-09-2014--13-42-57.jpg" alt="" /></a></p>
<p>អគ្គនាយកផ្នែកស្រាវជ្រាវ និងអភិវឌ្ឍរបស់ក្រុមហ៊ុន Obayashi លោក Yoji Ishikawa ប្រាប់ ABC<br /> ថា ៖ “ជណ្ដើរប្រអប់ អវកាស ត្រូវការខ្សែកាបដែលមានភាពមាំមួនជាង ១០០ដង ធៀបនឹងខ្សែ<br />កាបដែកថែប។ ពេលនេះ យើងមិនទាន់បានផលិតខ្សែកាបដែលមានប្រវែង អាចលាតសន្ធឹងដល់<br />អវកាសនៅឡើយ។ យើងខ្ញុំបានអាចផលិតខ្សែកាប nano ប្រវែង ៣ស.ម ប៉ុន្ដែ យើងត្រូវការច្រើន<br />ជាងនេះ ក៏ប៉ុន្ដែ យើងសង្ឃឹមថា ដល់ឆ្នាំ ២០៣០ យើងនឹងប្រែក្លាយប្រការនេះ ទៅជាការពិត”។ <br />យ៉ាងនេះក៏ដោយ លោក Yoji Ishikawa ក៏យល់ស្របដែរថា ក្រុមហ៊ុនខ្លួន មិនអាចធ្វើកិច្ចការនេះ<br />តែឯងនោះទេ ពោលគឺត្រូវមានកិច្ចសហការណ៍ពីភាគីអន្ដរជាតិ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ CNet/Inhabitat<br /><br /></p>