<div class="article-content">
<p><strong>ភ្នំពេញ៖</strong> បុរសទំនើងវ័យជាង ៣០ឆ្នាំម្នាក់ អួតខ្លួនជាអង្គរក្សលោកធំ និងបានប្រកាសក្តែងៗថា<br /> ខ្លួនមានឈ្មោះ ពេជ្រ អារុណ ជាមន្ត្រីយោធាផងនោះ បានមកផឹកស៊ីរួមជាមួយ បក្សពួក៥ទៅ៦<br />នាក់ នៅក្នុងហាង មួយកន្លែងមានឈ្មោះថា ខ្ទមស្នេហ៍សុខសាន្ត នៅសង្កាត់បឹងកេងកង៣ <br />ខណ្ឌចំការមន បានធ្វើការអុកឡុក បោកកែវ និង ស្រែកឡូឡា ពេញហាងផឹកស៊ីរបស់គេ <br />បណ្តាលឲ្យមានការភ្ញាក់ផ្អើល ដល់ប្រជាពលរដ្ឋនៅម្តុំនោះ មកចោមរោមមើល ។</p>
<p>មូលហេតុដែលនាំឲ្យមាន ជម្លោះភ្ញាក់ផ្អើលដល់សមត្ថកិច្ចនិងប្រជាពលរដ្ឋកាលពីយប់មិញនេះ<br /> បើតាមបុគ្គលិក ជាអ្នកបម្រើការងារ នៅក្នុងហាងមានជម្លោះនោះ បានរៀបរាប់ប្រាប់ មជ្ឈម<br />ណ្ឌលព័ត៌មានដើមអម្ពិលថា នៅវេលាម៉ោងប្រមាណជា ៨៖៣០ ថ្ងៃទី២៨ ខែសីហា ឆ្នាំ២០១៣<br /> មានបុរសវ័យជាង ៣០ឆ្នាំ ម្នាក់ ដែលគេអះអាងថា ជាជនបង្កជម្លោះ រួមមានគ្នាប្រមាណជា៥<br /> ទៅ ៦នាក់បានមកផឹកស៊ី លុះមួយសន្ទុះក្រោយមក ក៏ស្រាប់តែក្រុមបង្កជម្លោះនោះ បានបោក<br />កែវ១ ហើយពេលនោះម្ចាស់ហាង បានមកសួរនាំ ។ ខណៈនោះស្រាប់តែមានបុរសម្នាក់ ដែល<br />អួតខ្លួនថា ជាអង្គរក្សលោកធំ និង ជាយោធាផងនោះ បានចេញមុខមកកាង ហើយបានបោះ<br />ពាក្យសំដីធ្ងន់ៗ មកលើម្ចាស់ហាង ។</p>
<p>ខណៈនោះម្ចាស់ហាង មិនចង់ឲ្យមានបញ្ហានៅក្នុង ហាងក៏ឲ្យក្រុមនោះគិតលុយចេញ ពីហាង<br />របស់ខ្លួន តែពេលនោះបុរសម្នាក់ដែលប្រកាសខ្លួនថា ជាអង្គរក្សលោកធំ និង បានប្រាប់គេឯង<br />ថាខ្លួនឈ្មោះ ពេជ្រ អារុណ នោះបានមករករឿង និងអុកឡុកពេញហាងរបស់គេ និងថែមទាំង<br />ហៅម្ចាស់ហាង មកវាយគ្នាទៀតផង ។</p>
<p>ក្នុងហេតុការណ៍នោះ គេបានឃើញសមត្ថកិច្ចមូលដ្ឋាន បានចុះមកដល់កន្លែងភ្លាមៗ ដើម្បី<br />សម្របសម្រួល តែបុរសទំនើងរូបនោះ ហាក់ដូចជាមិនស្តាប់ និងខ្លាចសមត្ថកិច្ចមូលដ្ឋានបន្តិច<br />ឡើយ ហើយថែមទាំងបោះសម្តីមើលងាយដល់កងកម្លាំងសមត្ថកិច្ចទៅអន្តរាគមន៍ទៀតផង។</p>
<p>បើទោះបីជាសមត្ថកិច្ចមូលដ្ឋាន បាននិយាយបែបណា ក៏បុរសទំនើងរូបនោះ និង បក្សពួកនៅ<br />តែមក ចង់វាយម្ចាស់ហាងដដែល។ តែបន្តិចក្រោយ មកជនទំនើងរូបនោះ ក៏បានឡើងជិះ<br />រថយន្តម៉ាកកាមរី ដែលមានស្លាក់លេខ ភ្នំពេញ 2L 4316 ទៅបាត់តែបន្តិចក្រោយមកស្រាប់តែ<br />ជននោះត្រឡប់ មករករឿងម្តងទៀតហើយថែមទាំងនាំបក្សពួកម្នាក់ទៀតមករករឿងនៅហាង<br />របស់គេម្តងទៀត។</p>
<p>ពេលនោះក៏មានការឃាត់ឃាំង ពីសមត្ថកិច្ចមូលដ្ឋានបឹងកេងកង៣ ដើម្បីកុំឲ្យជនទំនើងទាំង<br />នោះបង្កជម្លោះបន្តទៀត តែទោះជាយ៉ាងណា បុរសទំនើងនោះកាន់តែខ្លាំងដៃមិនស្តាប់សមត្ថ<br />កិច្ចមូលដ្ឋានបន្តិចឡើយព្រោះតែអាងខ្លួនជាអង្គរក្សលោកធំ ខណៈនោះកងកម្លាំង អ.ហ ក្រុង<br /> បានមកភ្លាមៗ នៅកន្លែងកើតហេតុ ហើយក៏បានឃាត់ខ្លួនបុរសទំនើងរូបនោះ រួមជាមួយបក្ស<br />ពួកម្នាក់ទៀត យកទៅខណ្ឌតែម្តងភ្លាមៗ ដើម្បីចាត់វិធានការតាមច្បាប់ ។</p>
<p>តែទោះជាយ៉ាងណា គេមិនទាន់នៅឡើយទេថា បុរសដែលអួតខ្លួនជាអង្គរក្សលោកធំ និង ជា<br />មន្ត្រីយោធា ដែលបង្កជម្លោះនៅក្នុង ហាងផឹកស៊ីរបស់គេ ហើយថែមទាំងបបួល ម្ចាស់ហាង<br />មកវាយគ្នានោះ ត្រូវបានសមត្ថកិច្ចដោះស្រាយ យ៉ាងណានៅឡើយនោះទេ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-030/Kosal-0206.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-030/Kosal-0207.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-030/Kosal-0208.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>