<p>ព័ត៌មានអន្តរជាតិ ៖ លោក ចន ឃឺរី រដ្ឋមន្រ្តីការបរទេស របស់សហរដ្ឋអាម៉េរិក បានប្តេជ្ញាកាលពីល្ងាច ថ្ងៃចន្ទថា សហរដ្ឋអាម៉េរិក នឹង ផ្តល់ ទឹកប្រាក់ចំនួន ៤៧លានដុល្លារអាម៉េរិក សម្រាប់ជំនួយ មនុស្ស ធម៌ នៅតំបន់ហ្គាសាស្ទ្រីព ដែលរងការវាយប្រហារ ដោយយោធាអ៊ីស្រាអែលក្នុងរយៈពេលពីរសប្តាហ៍ កន្លងមកនេះ។</p>
<p><a class="thickbox" title="" href="/FileManager/Commons/2014/7/23/05-23-07-2014--09-22-48.jpg"><img src="/FileManager/Articles/mce/2014/7/23/05-23-07-2014--09-22-48.jpg" alt="" /></a></p>
<p>ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអង្គារ ទី២២ ខែកក្កដា ឆ្នាំ២០១៤ ថា លោក ចន ឃឺរី បានថ្លែងបែបនេះ នៅក្នុងដំណើរទស្សនកិច្ចមកដល់ទីក្រុង គែរ ប្រទេស អេហ្ស៊ីបកាលពីថ្ងៃចន្ទហើយ ក៏បាន ពិភាក្សា ជាមួយអគ្គលេខាធិការ អង្គការសហប្រជាជាតិគឺលោក បានគីមូនដែលធ្វើទស្សនកិច្ច នៅទីនោះដែរ ។ ដោយផ្អែកតាមការលើកឡើង របស់លោក ឃឺរី ថា « គ្មានប្រទេសមួយណា ដែល អាចទ្រំាបាន នៅពេលដែលគ្រាប់មីស៊ីល កំពុងវាយប្រហារមកលើខ្លួននោះទេ»។</p>
<p>សូមបញ្ជាក់ផងដែរថា ជម្លោះរវាងអ៊ីស្រាអែល និងតំបន់ហ្គាសា ដែលបានចាប់ផ្តើមឡើង កាលពីថ្ងៃទី ០៨ ខែ កក្កដា បាន បណ្តាលឲ្យពលរដ្ឋប៉ាឡេស្ទីន យ៉ាងហោចណាស់ ៥៥០នាក់ ស្លាប់ និង៣.៣៥០ នាក់ទៀតរងរបួស និងក៏បណ្តាលឲ្យយោធា អ៊ីស្រាលអែលមួយចំនួនធំស្លាប់ផងដែរ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដើមអម្ពិល និង ស៊ិនហួរ</p>