<p>ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស ស្កាយ កាលពីប៉ុន្មានម៉ោងមុននេះ បាន<br />គូសបញ្ជាក់អោយដឹងថា នៅឯប្រទេសអ៊ីតាលីឯណោះវិញ មានសោកនាដកម្មដ៏រន្ធត់មួយ<br />បានកើតឡើងនោះគឺ ក្រុមមនុស្សដែលជាភ្ញៀវទេសចរ ៣៧ នាក់ បានស្លាប់បាត់បង់ជីវិត<br />យ៉ាងអណោចអធម ក្រោយពីរថយន្តដឹកអ្នកដំណើរមួយគ្រឿង បោលនឹងធ្លាក់ចូលជ្រោះ<br />ដែលមានជម្រៅដល់ទៅ ជាង ៣០ ម៉ែត្រឯណោះ។</p>
<p><a class="thickbox" title="" href="http://camnews.com.kh/FileManager/Commons/2013/7/29/13-29-07-2013--09-53-12.jpg"><img src="http://camnews.com.kh/FileManager/Articles/mce/2013/7/29/13-29-07-2013--09-53-12.jpg" alt="" width="441" height="261" /></a></p>
<p>លើសពីនេះ ប្រភពសារព័ត៌មានដដែលបានអះអាងបន្ថែមអោយដឹងផងដែរថា រថយន្តធន់<br />ធំដែលដឹកអ្នកដំណើរមួយគ្រឿងនេះ បានបើកបុកឡានជាច្រើនគ្រឿង មុននឹងបាត់បង់<br />ម្ចាស់ការណ៍ បើកចុះជម្រាល ធ្លាក់ចូលទៅក្នុងជ្រោះ ជិតក្រុង Naples ប្រទេសអ៊ីតាលី។</p>
<p><a class="thickbox" title="" href="http://camnews.com.kh/FileManager/Commons/2013/7/29/10-29-07-2013--09-54-59.jpg"><img src="http://camnews.com.kh/FileManager/Articles/mce/2013/7/29/10-29-07-2013--09-54-59.jpg" alt="" width="438" height="265" /></a></p>
<p>ដោយឡែក យ៉ាងហោចណាស់ មនុស្ស ១១ នាក់បានទទួលរងរបួស ក្នុងនោះក៏មានក្មេង<br />ៗតូចផងដែរ ខណៈអ្នករងរបួសធ្ងន់ពីររូប ត្រូវបានបញ្ជូនទៅកាន់មន្ទីរពេទ្យ ដើម្បីធ្វើការ<br />សង្គ្រោះបន្ទាន់ ។ បើតាមការអោយដឹងពីក្រុមមន្រ្តីជំនាញ ចុះជូយសង្គ្រោះអោយដឹងថា<br />អ្នកបើករថយន្តទេសចរណ៍មួយគ្រឿងនេះ ទំនងជាស្លាប់បាត់បង់ជីវិតនៅក្នុងសោកនាដ<br />កម្មនេះបាត់ទៅហើយ។</p>
<p><a class="thickbox" title="" href="http://camnews.com.kh/FileManager/Commons/2013/7/29/11-29-07-2013--09-55-12.jpg"><img src="http://camnews.com.kh/FileManager/Articles/mce/2013/7/29/11-29-07-2013--09-55-12.jpg" alt="" width="435" height="263" /></a></p>
<p>យ៉ាងណាមិញ បើយោងតាមសម្តីសាក្សី ត្រូវជាជនរងគ្រោះម្នាក់ បានបញ្ជាក់បន្ថែមអោយ<br />ដឹងថា មានពេលមួយនេះ គេបានលាន់លឺសម្លេង ទំនងជាឡានបែកកង់ លុះបន្តិចក្រោយ<br />មក ក៏បានកើតមានឡើង នូវសោកនាដកម្ម មួយនេះតែម្តង ខណៈពេលដែលបើកចុះ<br />ជម្រាលនោះ។</p>
<p><a class="thickbox" title="" href="http://camnews.com.kh/FileManager/Commons/2013/7/29/12-29-07-2013--09-55-25.jpg"><img src="http://camnews.com.kh/FileManager/Articles/mce/2013/7/29/12-29-07-2013--09-55-25.jpg" alt="" width="433" height="265" /></a></p>
<p>គួររំឭកផងដែរថា រថយន្តប៊ើសធន់ធំ ដឹកអ្នកទេសចរមួយគ្រឿងនេះ មានផ្ទុកអ្នកដំណើរ<br />ទាំងអស់រួមមានសមាជិកជាង ៤៩ នាក់។ ភ្លាមៗនោះ អាជ្ញាធរមូលដ្ឋានក៏បានចុះទៅដល់<br />កន្លែងកើតហេតុ ដើម្បីធ្វើការជួយអន្តរាគមន៍ និង តាមដានស៊ើបអង្កេតរកមូលហេតុពិត<br />ដែលបានបណ្តាលអោយកើតមានឡើងនូវសោកនាដកម្មមួយនេះ៕</p>
<p><object width="436" height="374" data="http://www.youtube.com/v/OByWezcPKWI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/OByWezcPKWI&rel=1" /></object></p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>