<p><span style="color: #000000;"><strong>កំពង់ធំ៖</strong> អ្នកកាសែតត្បាញអាយម្នាក់ បម្រើការនៅ អង្គភាព «សម្លេងសច្ច»ត្រូវបាន ចាប់ខ្លួនពីបទចែកចាយ ប្រើ ប្រាស់គ្រឿងញៀន និងជំរិតទារប្រាក់ពីប្រជាពលរដ្ឋនៅតាមដងផ្លូវសាធារណៈ។</span></p>
<p><span style="color: #000000;">អភិបាលរងខេត្តកំពង់ធំ លោក គង់ វិមាន បានឲ្យដឹងនៅព្រឹកថ្ងៃទី១៨ ខែឧសភា ឆ្នាំ២០១៥នេះថា អ្នកកាសែត ត្បាញអាយ ឈាន ដន ត្រូវបានចាប់ខ្លួននៅយប់ថ្ងៃទី១៨ ខែឧសភា ឆ្នាំ២០១៥ នៅលើគេហដ្ឋានរបស់ខ្លួន ដោយកម្លាំងអាវុធហត្ថខេត្តកំពង់ធំ ដឹកនាំដោយព្រះរាជអាជ្ញារងខេត្ត លោក សាយ ណូរ៉ា។</span></p>
<p><span style="color: #000000;">លោក គង់ វិមាន បានបញ្ជាក់ថា ជនសង្ស័យ ញាន ដន និងបក្ខពួកមួយចំនួនទៀត តែងតែស្ទាក់បើករថយន្ត ដេញតាមគោយន្ត ឬ ម៉ូតូ ដឹកឈើធ្វើផ្ទះ និងកសិផលផ្សេងៗ ពីប្រជាពលរដ្ឋតាមដងផ្លូវ តាមរយ:ការប្រើកាមេរ៉ា ជាអាវុធ ដោយមិនខ្លាចច្បាប់ ឬសមត្ថកិច្ច អាជ្ញាធរនោះឡើយ។</span></p>
<p><span style="color: #000000;">លោក គង់ វិមាន បានបន្តទៀតថា ក្រុមទាំងនេះ បានដាក់គោលដៅ អង្គុយក្នុងរថយន្ត ពីចំណុចព្រំប្រទល់ ខេត្ត ព្រះវិហារ មកទីរួមខេត្តកំពង់ធំ និងពីចំណុចសណ្តាន់ មកទីរួមខេត្ត ពោលពួកគេ មិនបានផ្សាយព័ត៌មានបង្ហាញ ពីការជួយសង្គមជាតិ និងការរីកចម្រើននោះឡើយ ក្រៅតែពីអង្គុយស្ទាក់សំឡុតគំរាមកំហែងចាំយកលុយពីប្រជា ពលរដ្ឋ។</span></p>
<p><span style="color: #000000;">បើតាមលោក គង់ វិមាន ក្រុមពួកគេទាំងនេះ ក៏មានទីភ្នាក់ងារទូរទស្សន៍ខ្លះផងដែរ ហើយជួនកាលនាំគ្នាទៅយក លុយពីអ្នកនេសាទ ពីចន្លោះ១០ ទៅ៣០លានរៀលឯណោះ ។ យ៉ាងណាក៏ដោយលោក គង់ វិមាន បានបង្ហាញ ពីវិធានការតាមចាប់ខ្លួនបក្ខពួក និងដៃជើងក្រុមនេះនោះទេ។ ក្រោយការចាប់ខ្លួន អ្នកកាសែតរូបនេះ ត្រូវបានឃុំខ្លួននៅទីបញ្ជាការដ្ឋានកងរាជអាវុធហត្ថខេត្ត និងកសាងសំណុំរឿងបញ្ជូនទៅតុលាការ៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/5/18/5-18-2015-10-55-03-am-18-05-2015--11-01-42.png"><img src="/FileManager/Articles/mce/2015/5/18/5-18-2015-10-55-03-am-18-05-2015--11-01-42.png" alt="" /></a></span></span></p>
<p><a class="thickbox" title="" href="/FileManager/Commons/2015/5/18/5-18-2015-10-55-25-am-18-05-2015--11-04-54.png"><img src="/FileManager/Articles/mce/2015/5/18/5-18-2015-10-55-25-am-18-05-2015--11-04-54.png" alt="" /></a><span style="color: #000000;"><span style="color: #000000;"><a class="thickbox" title="" href="/FileManager/Commons/2015/5/18/5-18-2015-10-55-03-am-18-05-2015--11-01-42.png"></a></span></span></p>
<p><a class="thickbox" title="" href="/FileManager/Commons/2015/5/18/5-18-2015-10-56-00-am-18-05-2015--11-05-10.png"><img src="/FileManager/Articles/mce/2015/5/18/5-18-2015-10-56-00-am-18-05-2015--11-05-10.png" alt="" /></a></p>
<p><a class="thickbox" title="" href="/FileManager/Commons/2015/5/18/5-18-2015-10-56-15-am-18-05-2015--11-05-25.png"><img src="/FileManager/Articles/mce/2015/5/18/5-18-2015-10-56-15-am-18-05-2015--11-05-25.png" alt="" /></a><a class="thickbox" title="" href="/FileManager/Commons/2015/5/18/5-18-2015-10-56-00-am-18-05-2015--11-05-10.png"></a><span style="color: #000000;"><a class="thickbox" title="" href="/FileManager/Commons/2015/5/18/5-18-2015-10-55-03-am-18-05-2015--11-01-42.png"></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>