<p><span class="Tinhte_XenTag_TagLink">កាលពីពេលថ្មីៗនេះ HP</span> បានបញ្ចេញនូវសកម្មភាព គួរឲ្យភ្ញាក់ផ្អើលមួយ ពេលដែលក្រុមហ៊ុន បានសម្រេចចិត្ត វិលត្រឡប់មកកាន់ទីផ្សារ Smartphone/Tablet ជាមួយនឹងផលិតផលពីរម៉ូដែល រួមមាន <span class="Tinhte_XenTag_TagLink">Slate 6 VoiceTab</span> និង <span class="Tinhte_XenTag_TagLink">Slate 7 VoiceTab</span> ដែល Tablet ទំហំតូចទាំងពីរនេះ បានបំពាក់នូវ Network 3G និងមានសត្ថភាពធ្វើការសន្ទនាទូរស័ព្ទ បានដូចទូរស័ព្ទធម្មតា។</p>
<p style="text-align: center;"><a class="thickbox" title="" href="/FileManager/Commons/2014/1/16/2337515hpslate-16-01-2014--09-48-50.jpg"><img src="/FileManager/Articles/mce/2014/1/16/2337515hpslate-16-01-2014--09-48-50.jpg" alt="" /></a></p>
<p>បើតាមរូបភាពដែល HP បានបង្ហាញឲ្យឃើញ ដូចខាងលើនេះ យើងឃើញថា ផ្នែកសំបកក្រោយ នៃ Slate 6 និង Slate 7 <span class="Tinhte_XenTag_TagLink">VoiceTab</span> មានលក្ខណៈចម្លែក ស្អាតប្លែកភ្នែក។ បើតាមអនុប្រធានរបស់ HP គឺលោក Ron Coughlin ផ្ទៃខាងក្រោយនៃ Tablet ទាំងពីរនេះ ត្រូវបាន HP យកលំនាំតាម "pixelated" ជាសារធាតុមានគុណភាពខ្ពស់ និងមានលទ្ធភាពការពារភាព ឆ្កូតសឹក បានយ៉ាងល្អ។<br /> <br /> និយាយពីលក្ខណៈសម្បត្តិនៃ ឧបករណ៍ទាំងពីរនេះ លោក Coughlin បានឲ្យដឹងថា Tablet ទាំង ពីរសុទ្ធតែបានបំពាក់នូវ CPU Quad Core ប្រើ <span class="Tinhte_XenTag_TagLink">Android 4.2</span>, camera ក្រោយ 5MP, camera មុខ 2MP, ប្រើបានស៊ីម ២, មាន Speaker សម្រាប់ធ្វើការសន្ទនាទូរស័ព្ទ, មេម៉ូរីក្នុង 16GB និងអាច បន្ថែមមេម៉ូរីក្រៅបាន តាមរយះកាត microSD។ ទាំងអស់នេះ គឺសុទ្ធតែជាចំនុចដូចគ្នា នៃ Tablet ទាំងពីរខាងលើនេះ។ ចំណែកលក្ខណៈខុសគ្នា នៃឧបករណ៍នីមួយៗវិញគឺ Slate 6 VoiceTab បំពាក់នូវអេក្រង់ទំហំ 6-inch, កំរិតរីសូលុយហ្សិន 1280 x 720 ក្នុងពេលដែលម៉ូដែល Slate 7 VoiceTab នឹងមានអេក្រង់ 7-inch, កំរិតរីសូលុយហ្សិន 1280 x 800។</p>
<p style="text-align: center;"><a class="thickbox" title="" href="/FileManager/Commons/2014/1/16/2337514hp-slate6-1025-a-16-01-2014--09-49-24.jpg"><img src="/FileManager/Articles/mce/2014/1/16/2337514hp-slate6-1025-a-16-01-2014--09-49-24.jpg" alt="" /></a></p>
<p style="text-align: center;"><em><span style="color: #808080;">នេះគឺជា HP Slate 6 VoiceTab<a class="thickbox" title="" href="/FileManager/Commons/2014/1/16/2337514hp-slate6-1025-a-16-01-2014--09-49-24.jpg"></a></span></em></p>
<p style="text-align: left;">ប្រភពបានឲ្យដឹងបន្ថែមថា HP នឹងធ្វើការបង្ហាញណែនាំ Slate 6 VoiceTab និង Slate 7 VoiceTab ជាផ្លូវការ នៅប្រទេស ឥណ្ឌា នៅក្នុងខែកុម្ភះ ខាងមុខនេះ។ នៅមិនទាន់មានព័ត៌មាន ស្តីពីតំលៃ លក់នៃ Tablet ទាំងពីរ ក៏ដូចជា ពេលវេលា ដាក់លក់នៅលើទីផ្សារ ប្រទេសផ្សេងៗទៀត ពេល ណា នៅឡើយនោះទេ៕</p>
<p style="text-align: right;">ប្រែសម្រួល៖ សិលា<br />ប្រភព៖ tinhte</p>