<p>កាលពីខែកុម្ភៈ កន្លងទៅ Lenovo បានប្រកាសថា ខ្លួននឹងក្លាយជាដៃគូរបស់ Microsoft ទាក់ទិន<br />នឹង Windows Phone ។ ក្រោយមក ក៏មានព័ត៌មានចចាមអារ៉ាមជាច្រើន និយាយថា អាចនឹង<br />មានស្មាតហ្វូនដំណើរការដោយ Windows Phone ដំបូងរបស់ Lenovo នៅរដូវក្ដៅឆ្នាំនេះ។</p>
<p style="text-align: center;"><a class="thickbox" title="" href="/FileManager/Commons/2014/5/22/lenovo1-22-05-2014--17-14-03.jpg"><img src="/FileManager/Articles/mce/2014/5/22/lenovo1-22-05-2014--17-14-03.jpg" alt="" /></a></p>
<p>ព័ត៌មានខាងលើ មិនទាន់ត្រូវបានទទួលស្គាល់ផង ក៏ស្រាប់តែគេហទំព័រមួយ របស់អាល្លឺម៉ង់ <br />ឈ្មោះ Mobile Geek បានដកស្រង់សម្ដីរបស់ Liu Jun ដែលជាអគ្គនាយកផ្នែកពាណិជ្ជកម្ម<br />ទូរស័ព្ទរបស់ Lenovo ប្រកាសថា ក្រុមហ៊ុននេះ នឹងឧទ្ទេសនាមឧបករណ៍មួយ ដែលដំណើរការ<br />ដោយប្រព័ន្ធប្រតិបត្តិ Windows Phone ក្នុងឆ្នាំនេះ ប៉ុន្ដែ មិនបានឱ្យដឹងអំពីពេលវេលាច្បាស់<br />លាស់នោះទេ។</p>
<p>បច្ចុប្បន្ន មិនទាន់មានព័ត៌មានអ្វីមួយ ស្ដីអំពីផលិតផលថ្មីរបស់ Lenovo នៅឡើយ ដូច្នេះ គេមិន<br />ទាន់ដឹងថា វាជាឧបករណ៍តម្លៃទាប ឬយ៉ាងណា ប៉ុន្ដែ វាប្រហែលជានៅតែប្រើប្រាស់ប្រូសេសឺរ <br />Snapdragon ព្រោះថា ប្រព័ន្ធប្រតិបត្តិ WP បច្ចុប្បន្ន ប្រើប្រាស់បាននៅលើតែ ឈីបនេះ របស់ <br />Qualcomm ។</p>
<p style="text-align: center;"><a class="thickbox" title="" href="/FileManager/Commons/2014/5/22/lenovo3-22-05-2014--17-18-27.jpg"><img src="/FileManager/Articles/mce/2014/5/22/lenovo3-22-05-2014--17-18-27.jpg" alt="" /></a></p>
<p style="text-align: center;">ក្រោយពីបានទិញយក Motorola នាឡេកា Moto 360 ក៏ជារបស់ Lenovo </p>
<p>ក្រៅពីនេះ អគ្គនាយក Liu Jun ក៏បានប្រាប់ Mobile Geek អំពីឧបករណ៍ពាក់ឆ្លាតវៃ ដែលក្រុម<br />ហ៊ុន Lenovo កំពុងអភិវឌ្ឍ។ ជាការពិត ក្រោយពីបានទិញយក Motorola នាឡេកាឆ្លាតវៃ Moto<br /> 360 ដែលនឹងបង្ហាញខ្លួននាពេលខាងមុខ ក៏អាចត្រូវបានចាត់ទុកថា ជារបស់ Lenovo ប៉ុន្ដែ ក្រុមហ៊ុនក៏ចង់បង្កើតនាឡេកាឆ្លាតវៃដែលមានឈ្មោះឡូហ្គូរបស់ Lenovo ។ នាឡេកាឆ្លាតវៃ<br />នេះ ក៏អាចនឹងត្រូវបានឧទ្ទេសនាម នៅចុងឆ្នាំ ២០១៤ ឬដើមឆ្នាំ ២០១៥។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ gizbot/fonearena</p>