<p><span style="color: #000000;"><strong>សៀមរាប៖</strong> ព្រះពុទ្ធបដិមា នៅក្នុងប្រាសាទបាយ័ន ដែលស្រ្តីជនជាតិ ញូវ ហ្សឺឡែន វាយបំបែកឲ្យខូចខាត នោះ ត្រូវបានជួសជុលរួចរាល់ ព្រមទាំងធ្វើពិធីពុទ្ធា ភិសេកយកទៅតម្កល់នៅកន្លែងដើមវិញហើយ នៅថ្ងៃទី២៣ ខែតុលា ឆ្នាំ ២០១៤នេះ។</span></p>
<p><span style="color: #000000;">ពិធីពុទ្ធាភិសេកត្រូវបានធ្វើនាព្រឹកព្រលឹមថ្ងៃទី២៣ ខែតុលា នេះ នៅប្រាសាទបាយ័ន។ ពិធីពុទ្ធាភិសេកតាមបែប សាសនា ដើម្បីអារាធនារូបព្រះពុទ្ធបដិមា ដាក់កន្លែងដើមវិញ នៅប្រាង្គកណ្ដាល នៃប្រាសាទបាយ័ន ទុកសម្រាប់ ជាទីគោរពសក្ការៈរបស់ពុទ្ធបរិស័ទទាំងឡាយបន្ដទៀត។ ពិធីរៀបចំឡើង ដោយមានការចូលរួមពីថ្នាក់ដឹកនាំ មន្ត្រី បុគ្គលិក នៃអាជ្ញាធរអប្សរា ប្រធានក្រុមប្រឹក្សាខេត្ត អាជ្ញាធរដែនដី អភិបាលរងខេត្ត មន្ត្រីរាជការ អាជ្ញាធរពាក់ព័ន្ធ ព្រះសង្ឃ យាយជី តាជី និង ពូទ្ធបរិស័ទផងដែរ។</span></p>
<p><span style="color: #000000;">សូមបញ្ជាក់ថា រូបព្រះពុទ្ធបដិមា មួយអង្គ ដែលតម្កល់នៅកណ្តាលប្រាង្គប្រាសាទបាយ័ន ត្រូវបានស្រ្ដីភ្ញៀវទេសចរ ជនជាតិ ញូវ ហ្សីឡែន ឈ្មោះ Willemijn Vermaat អាយុ ៤០ឆ្នាំ ធ្វើឲ្យធ្លាក់បាក់ខូចខាត កាលពីរាត្រីថ្ងៃទី៩ ខែ តុលារ ឆ្នាំ២០១៤ កន្លងទៅ ខណៈដែលស្ដ្រីជាភ្ញៀវទេសចររូបនេះ ព្យាយាមពួនសម្ងំនៅក្នុងប្រាសាទអស់ពេញ មួយយប់។</span></p>
<p><span style="color: #000000;">ចំពោះមូលហេតុដែលធ្វើឲ្យបាក់ខូចខាតរូបបដិមា នៅពុំទាន់បានដឹងច្បាស់ទេ ព្រោះនៅពេលភ្នាក់ងាររបស់អាជ្ញាធរ អប្សរា ចូលបំពេញការងារព្រឹកឡើងតាមពេលកំណត់ ក៏ឃើញរូបព្រះពុទ្ធបដិមាធ្លាក់បាក់ តែស្រ្ដីជាភ្ញៀវទេសចរជន ជាតិ ញូវ ហ្សីឡែន រូបនេះ បានធ្វើដំណើរចាក់ចេញពីប្រទេសកម្ពុជា បាត់ទៅហើយ។</span></p>
<p><span style="color: #000000;">បើតាមការស្រង់សម្ដី ដែលចេញផ្សាយតាមសារព័ត៌មាន ញូវ ហ្សីឡែន ស្ដ្រីឈ្មោះ Willemijn Vermaat បានអះ អាងថា នាងយល់ថា រូបព្រះបដិមាមួយអង្គនោះ មិនមែនជាកម្មសិទ្ធិរបស់ប្រាសាទបាយ័ន។</span></p>
<p><span style="color: #000000;">នៅក្នុងរឿងហេតុនេះ លោក ប៊ុន ណារិទ្ធ អគ្គនាយកអាជ្ញាធរអប្សរា បានបញ្ជាក់ថា ទោះបីជាស្រ្ដីជនជាតិ ញូវ ហ្សី ឡែន Willemijn Vermaat បានធ្វើដំណើរទៅដល់ប្រទេសរបស់ខ្លួនវិញហើយក៏ដោយ ក៏អាជ្ញាធរអប្សរាតាមរយៈ មេធាវីរបស់ទីស្ដីការគណៈរដ្ឋមន្ដ្រី នឹងធ្វើការចាត់ការទៅតាមផ្លូវច្បាប់ ចំពោះករណីធ្វើឲ្យធ្លាក់បាក់រូបព្រះពុទ្ធបដិមា នៅប្រាង្គកណ្ដាល នៃប្រាសាទបាយ័ននេះ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/24/10-24-2014-9-51-54-am-24-10-2014--09-57-59.jpg"><img src="/FileManager/Articles/mce/2014/10/24/10-24-2014-9-51-54-am-24-10-2014--09-57-59.jpg" alt="" /></a></span></p>
<p><br /><a class="thickbox" title="" href="/FileManager/Commons/2014/10/24/10-24-2014-9-52-40-am-24-10-2014--09-58-10.jpg"><img src="/FileManager/Articles/mce/2014/10/24/10-24-2014-9-52-40-am-24-10-2014--09-58-10.jpg" alt="" /></a></p>
<p><a class="thickbox" title="" href="/FileManager/Commons/2014/10/24/ch-0598-24-10-2014--09-58-27.jpg"><img src="/FileManager/Articles/mce/2014/10/24/ch-0598-24-10-2014--09-58-27.jpg" alt="" /></a></p>
<p><a class="thickbox" title="" href="/FileManager/Commons/2014/10/24/ch-0599-24-10-2014--09-58-38.jpg"><img src="/FileManager/Articles/mce/2014/10/24/ch-0599-24-10-2014--09-58-38.jpg" alt="" /></a></p>
<p><br /><a class="thickbox" title="" href="/FileManager/Commons/2014/10/24/ch-0600-24-10-2014--09-58-49.jpg"><img src="/FileManager/Articles/mce/2014/10/24/ch-0600-24-10-2014--09-58-49.jpg" alt="" /></a><a class="thickbox" title="" href="/FileManager/Commons/2014/10/24/ch-0599-24-10-2014--09-58-38.jpg"></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>