<p>ចំពោះជនជាតិ Bodi នៅ Ethiopia បណ្ដាបុរសដែលមានក្បាលពោះធំ គឺជាក្ដីស្រមៃរបស់បងប្អូនស្រី ក្នុងកុលសម្ព័ន្ធស្បែកខ្មៅមួយនេះ។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi-01-11-2013--21-21-21.jpg"><img src="/FileManager/Articles/mce/2013/11/1/bodi-01-11-2013--21-21-21.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/1/bodi1-01-11-2013--21-22-29.jpg"><img src="/FileManager/Articles/mce/2013/11/1/bodi1-01-11-2013--21-22-29.jpg" alt="" /></a></p>
<p>រស់នៅក្នុងតំបន់មួយនៃជ្រលងភ្នំ Omo កុលសម្ព័ន្ធ Bodi ឬហៅថា Me’en មានទំនៀមទម្លាប់ចម្លែកមួយ នោះគឺបណ្ដាកម្លោះ ត្រូវតែផឹកទឹកដោះគោ និងឈាមគោ ក្នុងរយៈពេល ៦ខែ ដើម្បីមានឱកាស ទទួលបានជើងឯកជាបុរសធាត់បំផុត និងងារជាអ្នកក្លាយាន។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi2-01-11-2013--21-23-29.jpg"><img src="/FileManager/Articles/mce/2013/11/1/bodi2-01-11-2013--21-23-29.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/1/bodi3-01-11-2013--21-24-00.jpg"><img src="/FileManager/Articles/mce/2013/11/1/bodi3-01-11-2013--21-24-00.jpg" alt="" /></a></p>
<p>បន្ទាប់ពីរយៈពេល ៦ខែនៃការបំប៉នឈាម និងទឹកដោះ បណ្ដាបុរសទាំងនោះ ត្រូវបង្អួតរាងរបស់ពួកគេ ដើម្បីឱ្យគណកម្មការជ្រើសរើស។ អ្នកធាត់បំផុត នឹងបានក្លាយជាជើងឯក ហើយត្រូវបានគេដាក់ងារថាជា អ្នកក្លាហានអស់មួយជីវិត។<br /><br />ទិដ្ឋភាពនៃពិធីបុណ្យជ្រើសរើសអ្នកក្លាហាននេះ ត្រូវបានថតទាំងស្រុងដោយ Eric Lafforgue ជាអ្នកថតរូប ជនជាតិបារាំង។ នៅក្នុងដំណើរទេសចរណ៍ក្នុងតំបន់និរតីនៃប្រទេស Ethiopia លោក Eric Lafforgue បានចំណាយពេលដើម្បីស្វែងយល់អំពីកុលសម្ព័ន្ធ Bodi និងពិធីបុណ្យចូលឆ្នាំ Ka’el របស់ពួកគេ។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi5-01-11-2013--21-24-45.jpg"><img src="/FileManager/Articles/mce/2013/11/1/bodi5-01-11-2013--21-24-45.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/1/bodi6-01-11-2013--21-25-15.jpg"><img src="/FileManager/Articles/mce/2013/11/1/bodi6-01-11-2013--21-25-15.jpg" alt="" /></a></p>
<p>ប្រការដែលគួរឱ្យព្រួយបារម្ភ នោះគឺថា ពិធីបុណ្យ Ka’el និងរបៀបរស់នៅតាមប្រពៃណីរបស់កុលសម្ព័ន្ធ Bodi កំពុងត្រូវបានគំរាមកំហែង ដោយសារតែរដ្ឋាភិបាលគ្រោងនឹងបញ្ជូនប្រជាជនប្រមាណជា ៣សែននាក់ ឱ្យមករស់នៅក្នុងតំបន់របស់ជនជាតិ Bodi ។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi10-01-11-2013--21-27-26.jpg"><img src="/FileManager/Articles/mce/2013/11/1/bodi10-01-11-2013--21-27-26.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/11/1/bodi11-01-11-2013--21-28-01.jpg"><img src="/FileManager/Articles/mce/2013/11/1/bodi11-01-11-2013--21-28-01.jpg" alt="" /></a></p>
<p>បច្ចុប្បន្ន កុលសម្ព័ន្ធមួយនេះ នៅតែរក្សាទម្លាប់រស់នៅ និងប្រារព្ធពិធីបុណ្យចូលឆ្នាំ នៅខែមិថុនា រៀងរាល់ឆ្នាំ ដូចបុរាណកាល។ ចំណែកការប្រកួតដណ្ដើមជើងឯកអ្នកក្លាហាន ឬអ្នកក្បាលពោះធំ ត្រូវបានគេធ្វើឡើងចាប់ពី ៦ខែ មុនពេលពិធីបុណ្យមកដល់។ គ្រួសារនិមួយៗ មានសិទ្ធិឧទ្ទេសនាមបុរសមិនទាន់រៀបការម្នាក់ ឱ្យចូលរួមការប្រកួត។ នៅពេលត្រូវបានគេជ្រើសរើសជាបេក្ខភាព កម្លោះនោះនឹងត្រូវតម្រូវឱ្យសម្រាក ហើយមិនត្រូវដើរហើរ ឬរួមភេទ ក្នុងរយៈពេល ៦ខែ។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi9-01-11-2013--21-28-53.jpg"><img src="/FileManager/Articles/mce/2013/11/1/bodi9-01-11-2013--21-28-53.jpg" alt="" /></a></p>
<p style="text-align: center;"><em>នារីទាំងឡាយ តែងធ្វើខ្លួនយ៉ាងស្រស់ស្អាត ដើម្បីទស្សនាការប្រកួតនេះ</em></p>
<p><br />អាហារ ដែលធ្វើឡើងអំពីទឹកដោះគោ និងឈាមគោ ត្រូវបានស្ដ្រីជាអ្នកចម្អិន និងរៀបចំទៀងទាត់សម្រាប់បេក្ខជនទាំងអស់។ <br /><br />ដោយសារតែមេឃក្ដៅខ្លាំង ដូច្នេះ បេក្ខជនទាំងអស់ ត្រូវតែផឹកទឹកដោះគោ និងឈាម ឱ្យបានលឿនបំផុត ចៀសវាងភេសជ្ជៈផ្សំនេះកក។ អ្នកថតរូប Lafforgue ថ្លែងថា ៖ “បេក្ខជនទាំងនេះ ត្រូវផឹកឈាម និងទឹកដោះគោពេញមួយថ្ងៃ។ ឈាមគោដំបូងគឺត្រូវផឹកនៅមុនពេលថ្ងៃរះ ហើយពួកគេត្រូវផឹកយ៉ាងប្រញាប់ មុនពេលឈាមកក ប៉ុន្ដែក្នុងចំណោមអ្នកចូលរួមប្រកួត ក៏មានអ្នកខ្លះមិនអាចផឹកអស់ ជាងនេះក៏មានអ្នកខ្លះក្អួតចង្អោរផងដែរ។</p>
<p style="text-align: center;"><a class="thickbox" title="" href="/FileManager/Commons/2013/11/1/bodi13-01-11-2013--21-40-11.jpg"><img src="/FileManager/Articles/mce/2013/11/1/bodi13-01-11-2013--21-40-11.jpg" alt="" /></a></p>
<p>នៅក្នុងថ្ងៃប្រកួតចុងក្រោយ បេក្ខជនទាំងអស់នាំគ្នាយកដីឥដ្ឋ និងផេះ លាបពេញដងខ្លួន មុនពេលចាកចេញពីខ្ទម ទៅកាន់ទីកន្លែងប្រារព្ធពិធីបុណ្យ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/19605/ghost-girl-at-china-cars-parking"><span style="color: #3366ff;">បះសក់! ពេលឃើញស្រីស្អាតបាត់ខ្លួនមួយរំពេច នៅចំណតរថយន្ដក្រោមដី (វីដេអូ)</span></a></span></p>
<p><span style="color: #3366ff;"><a href="/News/Detail/49283/man-runs-into-flaming-house-fire-to-save-beer"><span style="color: #3366ff;">រត់ចូលផ្ទះកំពុងឆេះ សង្គ្រោះស្រាបៀ បើទោះខ្លួនពិការជើង</span></a></span></p>
<p><span style="color: #3366ff;"><a href="/News/Detail/45197/north-korea--no-medals-football-players-will-go-to-jail"><span style="color: #3366ff;">កូរ៉េខាងជើង ៖ កីឡាករប្រកួតចាញ់ គឺត្រូវជាប់ពន្ធនាគារ</span></a></span></p>
<p style="text-align: left;"> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Dailymail<br /><br /></p>