<p><span style="color: #000000;"><strong>ភ្នំពេញ៖</strong> តារាចម្រៀងរាងតូចច្រឡឹងចង្កេះអង្ក្រង កញ្ញា រតនៈ ពិសី បន្ទាប់ពីទទួលបានជោគជ័យ ជាដុំកំភួន នៅក្នុងអាជីព សិល្បៈអស់រយៈ ពេលជាច្រើនឆ្នាំ មកហើយនោះ កាលពីយប់ថ្ងៃទី០៨ ខែតុលា ឆ្នាំ២០១៤ នេះ នាង និងក្រុមតារាចម្រៀងចំនួន៣នាក់ផ្សេងទៀត បានចាកចេញពីប្រទេសកម្ពុជា ទៅសម្តែងនៅទឹកដីសំបូរដុល្លារ និងសេដ្ឋកិច្ចរីកលូតលាស់ អូស្ត្រាលី រយៈពេល១ខែ តាមរយៈការអញ្ជើញ របស់ស្ថានីយទូរទស្សន៍ CBN ។</span></p>
<p><span style="color: #000000;">បន្ទាប់ពីការងារសិល្បៈរីកចម្រើន គួរឲ្យគត់សម្គាល់រួចមក កាលពីប៉ុន្មានខែមុននេះ តារាចម្រៀង រតនៈ ពិសី បានសម្រេចចិត្ត បោះទុកជាង៣ម៉ឺនដុល្លារ ជាមួយគូស្នេហ៍បើកហាង ម៉ាស្សា ស្ទីម សូណា មួយកន្លែងមានឈ្មោះថា "សាគូរ៉ា" ដែលមានមានអាសយដ្ឋាន នៅផ្ទះលេខ១៤៤ Eo ផ្លូវលេខ ១៤៦ ក្នុងសង្កាត់ទឹកល្អក់ទី២ ខណ្ឌទួលគោក ដោយនាង ជាអ្នកគ្រប់គ្រងផ្ទាល់ ។</span></p>
<p><span style="color: #000000;">ថ្លែងប្រាប់ទាំងទឹកមុខ សប្បាយរីករាយ នៅឯអាកាសយានដ្ឋាន អន្តរជាតិភ្នំពេញ មុនចាកចេញ រតនៈ ពិសី បានបា្រប់ឲ្យដឹងថា "ខ្ញុំ រំភើប ពេលបានទៅសម្តែង នៅអូស្រ្តាលី ជាលើកទី១ ខ្ញុំនឹងខិតខំធ្វើយ៉ាង ដើម្បីឲ្យបងប្អូខ្មែរ នៅទីនោះ សម្បាយរីករាយ ជាពិសេសអ្នកធានារូបខ្ញុំ និងក្រុមការងារ មិនឲ្យពួកកគេ ខកបំណងឡើយ ។ ខ្ញុំទៅមានគ្នាចំនួន៤នាក់ សម្តែងនៅ រដ្ឋមែលប៊ន២ Show និងរដ្ឋផ្សេងទៀត ចំនួន២ Show សរុបរយៈពេល១ខែហ្នឹង.! មានចំនួន៤ Show ។ ខ្ញុំរំពឹងថា នឹងទទួលបានជោគជ័យ នៅពេលសម្តែង ព្រោះតាមរយៈ បទពិសោធន៍ខ្ញុំ នៅក្នុងប្រទេសខ្មែរ គឺធ្វើឲ្យខ្ញុំមានក្តីសង្ឃឹម ទស្សនិកជន ក៏ស្គាល់ខ្ញុំច្រើន ខ្ញុំនឹងព្យាយាមឲ្យ អស់ពីសមត្ថភាព" ។</span></p>
<p><span style="color: #000000;">ដំណើរចេញ ទៅសម្តែងនៅក្នុងប្រទេសអូស្រ្តាលី នៅពេលនេះ ត្រូវបានគេមើលឃើញថា គឺជាលទ្ធផល ផ្លែផ្កាថ្មីមួយទៀត សម្រាប់តារាចម្រៀង រតនៈ ពិសី នៅក្នុងជីវិត ជាអ្នកសិល្បៈ ខណៈដែលតារាល្បីៗផ្សេងៗមិនទាន់មានវាសនា បានចេញទៅសម្តែងនៅក្រៅប្រទេស ដូចជារូបនាងនៅឡើយ ។ តារាចម្រៀង ដែលរួមដំណើរជាមួយ រតនៈ ពីសី រួមមានលោក សួង សុភ័ក្រ្ត លោក ហេង ធារ៉ា កញ្ញា សរ ស៊ុនណារី ហៅការ៉ា និងរូបនាងផ្ទាល់ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/9/msp-0359-09-10-2014--14-03-15.jpg"><img src="/FileManager/Articles/mce/2014/10/9/msp-0359-09-10-2014--14-03-15.jpg" alt="" /></a></span></p>
<p><a class="thickbox" title="" href="/FileManager/Commons/2014/10/9/msp-0360-09-10-2014--14-03-23.jpg"><img src="/FileManager/Articles/mce/2014/10/9/msp-0360-09-10-2014--14-03-23.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/9/msp-0359-09-10-2014--14-03-15.jpg"></a></span></p>
<p><a class="thickbox" title="" href="/FileManager/Commons/2014/10/9/msp-0361-09-10-2014--14-03-30.jpg"><img src="/FileManager/Articles/mce/2014/10/9/msp-0361-09-10-2014--14-03-30.jpg" alt="" /></a></p>
<p><a class="thickbox" title="" href="/FileManager/Commons/2014/10/9/msp-0364-09-10-2014--14-03-38.jpg"><img src="/FileManager/Articles/mce/2014/10/9/msp-0364-09-10-2014--14-03-38.jpg" alt="" /></a></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>