<div class="article-content">
<p><strong>ព្រះសីហនុ ៖</strong> កូនស្រីថៅកែរោងចក្រ ទឹកកក នៅស្រុកស្ទឹងហាវម្នាក់ បានស្លាប់បាត់បង់ជីវិត ខណៈ ដែលកំពុងបញ្ជូនទៅសង្រ្គោះ នៅមន្ទីរពេទ្យបង្អែក ខេត្តព្រះសីហនុ ។</p>
<p>ប្រភពពីនគរបាលបានប្រាប់ឲ្យដឹងថា ជនរងគ្រោះដែលស្លាប់បាត់បង់ជីវិត ទាំងវ័យក្មេងខ្ចី មានឈ្មោះ ឡាក់ យូស៊ី អាយុ២០ឆ្នាំ មុខរបរ លក់ដូរនៅផ្ទះជាមួយឪពុក នៅក្នុងរោងចក្រទឹកកកខ្លួនឯង ស្ថិតក្នុង ភូមិ៣ ឃុំទំនប់រលក ស្រុកស្ទឹងហាវ ខេត្តព្រះសីហនុ ។</p>
<p>ប្រភពពីកម្មករបានឲ្យដឹងថា ខណៈកំពុងធ្វើការវេលាម៉ោង ១០ព្រឹក គាត់បានក្រឡេកឃើញ ជនរង គ្រោះ ដែលជាកូនស្រីថៅកែរោងចក្រ បានដួលផ្ងាក្រោយ ហាក់បីដូចជាត្រូវឆក់ចរន្តអគ្គិសនី ក៏នាំគ្នា ស្ទុះមកជួយលើកជនរងគ្រោះ បញ្ជូនទៅសង្រ្គោះនៅមន្ទីរពេទ្យ ប៉ុន្តែពេលទៅដល់មន្ទីរពេទ្យ ត្រូវបាន គ្រូពេទ្យប្រាប់ថា ជនរងគ្រោះបានដាច់ខ្យល់ស្លាប់ មុនពេលមកដល់មន្ទីរពេទ្យទៅហើយ ។ សាក្សី ដដែលក៏បានប្រាប់ឲ្យដឹងដែរថា កន្លងមកខ្លួនក៏ត្រូវខ្សែភ្លើង នៅម្តុំកើតហេតុនោះស្រូបប៉ុន្មានដងដែរ ប៉ុន្តែ សំណាងល្អមិនមានគ្រោះហេតុអាក្រក់កើតឡើងឡើយ ។</p>
<p>ប្រភពពីសមត្ថកិច្ចក៏បានឲ្យដឹងដែរថា មិនមានមូលហេតុអ្វីច្បាស់លាស់នៅឡើយ ព្រោះពេលស៊ើប អង្កេត នៅកន្លែងកើតហេតុ សមត្ថកិច្ចរកមិនឃើញមានខ្សែភ្លើងដែលគួរឲ្យសង្ស័យនោះឡើយ ។ សព ជនរងគ្រោះ ត្រូវបានគ្រួសារដឹកបញ្ជូនទៅលំនៅដ្ឋានវិញ ដើម្បីធ្វើបុណ្យតាមប្រពៃណី ដោយក្តី អាលោះអាល័យជាទីបំផុត ។ សូមបញ្ជាក់ថា គ្រួសារមួយនេះកន្លងមក មានកូនជាច្រើន បានស្លាប់ជា បន្តបន្ទាប់ ហើយបច្ចុប្បន្ននៅសល់កូនចំនួន ៤ នាក់ ហើយឥឡូវនេះ ស្លាប់ម្នាក់ទៀត ដូច្នេះនៅសល់តែ ៣នាក់ប៉ុណ្ណោះ ៕</p>
<p style="text-align: center;"><img src="http://image.dap-news.com:81/dap-news/dap-images/2014/June/id-015/T-0604.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-015/T-0605.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/June/id-015/T-0606.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/89126-2014-06-23-08-57-17.html" target="_blank">ផ្តល់សិទ្ធដោយ ៖ ដើមអម្ពិល</a></p>